اَهنِي بِك حَياتِي يَا رُوح اَلعُمر

-5-

ميلت شفتها ود من وقف يطلع وصرخت برعب من دخلت امها بسرعه:وش قال لك وش صار؟؟
بلعت ريقها برُعب:خوفتيني!!
جميله:خلاص بسم الله عليك بسرعه وش صار؟
ود:يقول يبي حجز لـ الرياض بـ اقرب وقت
سرحت لثواني تفكر ثم نطقت:الدكتوره!
عقدت حجاجها بـ استغراب:اي دكتوره؟
جميله:الدكتوره الي بالرياض !!
وقفت ود بصدمه ؛ النفسيه ؟؟
جميله :الي ابوك مكلمهاا!!
صرخت ود بحماس : شلون؟؟؟
سحبت جميله المخده ترميها:بسرعه احجزي له وخلي كثرة الكلام!
قفزت تجلس وتسحب جوالها : اقرب رحله الاثنين الي هو بكرا !
جميله:احجزي مايهم هو الي طلبك اصلاً!
هزت راسها بـ تمام وحجزت له اقرب رحله على حسب طلبه,
-
عند رُوح الي ضحكت من نطقت إيناس:خلوا رُوح ترقص لكم!!
ميلت شفتها رُوح:وش شايفيني رقاصه ؟
ابتسمت ام منى:يعني بحق! ماترقصين لنا وتحيين حفلنا؟
ضحكت رُوح:عشانك بس ترا!
منى:علمت الاكل ان روري رقصها الشرقي ولا غلطه
إيناس:ذي مهووسة رقص بس ماتحب ترقص قدام احد
رُوح:بس عشان خالتي بقوم ارقص وانتِ يـ منو لو مو نفاس هبدتك!
ضحكت منى وقفت رُوح تربط الشال المصري وتبدا ترقص على الدقه وضحكت من سمعت اصوات التصفير والتصفيق , نثرت شعرها من انتهت الاغنيه ونطقت ام منى:وش هالرقص الحلو ؟
ابتسمت ونطقت:والله انتِ الحلوه !!
ضحكت إيناس ونطقت بهمس:شكلها بترجع تخطبك لمالك؟
رفعت نظرها رُوح :يع لو مابقى الا هو ما اخذته!
إيناس:ماتخطيت كيف سوى نفسه مريض عشان يتعالج عندك!!
رُوح:مختل مب صاحي ماتذكرين من ايام الثانوي وهو ناشب لي لو ما علاقتنا مع منى سفلت فيه!
ضحكت إيناس:والله تحفه يضحك لو مكانك بتزوجه
رُوح:بليز تزوجيه!!
ضحكت إيناس وكملوا سوالفهم على هالموال ,
-
فجر  اليوم الثاني بيت ناهل تحديداً جناح ساجي كان كل شي يخصه جاهز لأجل يمشي لـ العاصمه مسح على وجهه وشد على الكاب ياخذ شنطته ويطلع لـ المطار لان ماراح يهدى له بال الا اذا عرف من هالشخص الي مرسل له ,
,
مسكت راسها بـ الم بعد ليلة امس ونطقت :اهم يا ماما مدري شلون بـ اروح العياده
ابتسمت نجود؛حياتي تقدرين تروحين اشربي قهوتك وقومي سوي ميك اب والبسي وروحي
تأففت من شدة تعبها لكن مجبوره :مامي ماينفع اسحب؟
ضحكت نجود ونطقت:ايام المدرسه ما تخطيتها؟
ضحكت توقف وتاخذ كوب قهوتها وتمشي متجهه لغرفتها , ميلت شفتها تختار توب مع بنطلون وتتوجه لتسريحتها تحط الميك اب المعتاد وتعدل شعرها بشكل سريع وتسحب اقرب عبايه وماتنسى عطرها رغم استعجالها,
,
عند إيناس الي عقدت حجاجها من الورد الي وصلها:من هالغبي الي يرسل الورد بدون كرت!!
ضحكت الماس بعلو صوته:وش غبي احمدي ربك احد جاب لك ورد
إيناس:لا والله مره غباء وش هالفوضى كيف ورد بدون كرت يبيني اخمن مين يعني؟
ضحكت الماس المره الثانيه ونطقت:يختي مره يضحك!!
إيناس:لا مايضحك يوتر وبعدين غبي لون الورد ما احبه
الماس:كذابه تعشقين البينك !!
إيناس:لو تطلع رُوح ياويلها مني!!
الماس:روري اذا بتجيب لك بتجي هي مع الورد
ضحكت إيناس:لا في ذي صادقه! بس اكيد وحده من البنات تستعبط لانه قبل هالمره وصلني بالدوام!
الماس:يمكن معجب سري بيخطفك
تنهدت إيناس تدفع الماس لانها بتاخرها عن دوامها , ركب سيارتها ورفعت سماعاتها تدق على  رُوح الي ردت:اللهم اجعله خير شعندك داقه
إيناس:وصلتي ورد !
ضحكت رُوح من تذكرت موقفها امس مع هداج:اي وانا وش ذنبي تخرشيني مع ذا الصبح!
إيناس:لا وتخيلي بينك ولحد بيتنا ولو شافه وافي او بابًا !
رُوح :طيب مافي كرت مافي شي!
إيناس:لا تشوفين الغباء!!
رُوح :طيب يا نوسه وصلت العياده اول ماتوصلين تعالي اشربي قهوه عندي
إيناس:بالعاده تروحين الساعه ست واليوم مارحتي الا تسع؟
ضحكت رُوح :بعد عزيمة امس كبرت المخده ونمت!
ضحكت بصدمه من قفلت في وجهها ونطقت:روري الحيوانه اوريها!!
-
عند ساجي الي وصل الرياض وهو مو طايق نفسه لكنها فعلاً تغيرت عن اخر مره زارها كان واقف قدام عيادتها وجاهل من هالدكتور الي تجرأ يرسله ويطلبه بشكل شخصي جاهل انها انثى جاهل كل شي لكن قرر يدخل  ويشوف من هالشخص الي احيى فضوله وخلاه يقطع هالمسافه, توجه لـ الاستقبال لكن قبل يسال طلع جواله وتدخل على رقمها يشوف الاسم الي كان "R"  قفل الجوال يرجعه بـ جيبه وشد على الكاب يدخل لـ قسم غرف المقابله وتوقف عند اول غرفه " الدكتوره رُوح آل غياث أخصائية الطب النفسي " مد يده لقبضة الباب يدخل لغرفتها ويطفي جميع الانوار ويتجه لـ الكنبه يجلس ويسند راسه بتعب؛رُوح آل غياث نشوف من انتِ
,
عند رُوح نزلت بـ استعجال تعدل طرحتها وتلبس اللابكوت قبل تدخل غرفتها ثم مشت متجهه لغرفتها بعد ما سلمت على الكل وصبحت عليهم , عقدت حجاجها من فتحت الباب تشوف الظلام الي مالي الغرفه :غريبه ما نظفوا؟
تنهدت تقفل الباب وتشغل النور لكن سرعان ما طاحت قهوتها وصرخت برعب من شافت راسه :بسم الله!!
وقف يلتفت لها من سمع صرختها وسكت لثواني يناظرها ويناظر الرُعب الي ارتسم على ملامحها ونطق:انتِ الي طلبتي جيتي
سندت راسها على الباب تاخذ نفس من شدة رعبها رفعت نظرها له ونطقت:ولد ناهل؟
شد على قبضة يده:ساجي يا دكتوره ساجي
بلعت ريقها ونطقت بتدارك لـ الوضع :استريح!
رفع نظره لها ونطق:كلمتين ورد غطاها من الي مرسلك علي
تقدمت تجلس على مكتبها:محد مرسلني لكن انا يمكن اقدر اطلعك من ظلامك
تقدم يضرب مكتبها ونطق: يا دكتوره من مرسلك؟
وقفت تناظر عيونه ونطقت:انا بكون معك خطوه خطوه جرب جلسه وحده وان ما اعجبك امشي مابتخسر شي!
ساجي :وش عرفك اني مريض؟؟
ابتسمت بخفه ونطقت:دلوني ناس عليك وقالوا من سنتين تقريباً وانت مو ولد ناهل الاولي!
رفع اصبعه ونطق بشبه تهديد:لا تلعبين معي
رُوح : بلعب معك واللعبه بكل الحالات لصالحك شوف نفسك قبل كيف كنت وكيف صرت انا هنا عشان مصلحتك لا اكثر ولا اقل
صرخ بغضب :انا مو مريض!!
رُوح ؛ خلال هاليومين رد لي خبر وانت تعرف رقمي وتاكد اني ماراح اضرك
ضرب المكتب لاخر مره وطلع من مكتبها يضرب الباب خلفه يتركها تاخذ نفس بعد الرعب الي شعرت فيه وهو معها,
نزعت طرحتها ترميها وتاخذ نفس: بموتت!!!
سحبت المويه تشرب وهي توترت من كمية العصبيه والصراخ والانفعال لكن كعادتها نجحت ماتبين له وسرعان ماشهقت من دخلت إيناس بالقهوه ونطقت:دقي الباب !
ضحكت إيناس:شدعوه ما بينا ادق الباب سكتت من شافت القهوه المتناثره على الارض ونطقت :بسرعه الان وش صاير؟؟
غمضت عيونها:تخيلي من جاء؟
إيناس:وش تبيني اتخيل مثلاً؟
ضحكت ونطقت:ولد ناهل!
عدلت جلستها ونطقت:اسلم !
ابتدت تحكي لها التفاصيل لحد ما ضحكت إيناس:طالع من فلم رعب ؟
رُوح :لا تساليني يـ انه خوفني لكن كالعاده حاولة ما ابين له بعدين متاكده انه راح يرجع لي!
إيناس:وش سبب الثقه ؟
رُوح :فضوله ووعدي له
إيناس:اربطي الحزام واضح وراك مشوار طويل!
رُوح :ومو اي مشوار!
إيناس:طيب عرفتي هو اي واحد بصوره ذيك؟
رفع حاجبها بـ استغراب:اقولها كنت بموت وتسالني عن شكله
ضحكت ونطقت :يمكن يعجبني واستلم حالته
سحبت رُوح قهوتها:روحي استلمي حالة صاحب الورد
ايناس :لا ذي طرده؟
رُوح :حياتي اربع وعشرين ساعه في وجهي خليني اكمل شغلي ونطلع سوى
ضحكت إيناس:مردك لي!
رُوح :اوكي باي!
سندت راسها من طلعت ايناس تفكر كيف بتخوض مع ساجي رحلة علاجه الي واضح بتتعبها وبتتعبه لكن متامله ان هالتعب راح ينتهي بعلاجه ,
,
~بيت ناهل~
سندت راسها تفكر هل عذبي كلم ابوها او لا لان فعلاً الجمعه صارت قريبه هي عارفه نية عذبي لكن ماتعرف وش بيصير وهي رفضت اي عريس وسبق تقدم لها عشان "ساجي " ماودها يصير عرسها وهو بحالته ودها يكون اول من يرقص ويستقبلها ويبارك لها لان علاقتهم كانت اشبه بعلاقة توام من شدة قربهم لبعض لكن الحادثه الي قبل سنتين دمرت كل شي هي ما تنكر شعورها تجاه عذبي ماتنكر انها حبته لكن هي رفضته قبل سنه , تأففت تتذكر الاحداث وكانها اليوم
,
~فلاش باك~
كانت خارجه بـ استعجال بعد ما انتهت المحاكمه لكن وقفها صوته يوم نطقت:ود؟
التفت عليه ونطقت بحده:المحاميه ود!
تقدم لها ونطق؛ ليش بكل مره تصدين؟
بلعت ريقها ونطقت:من انت عشان اصد عنك؟
عذبي:انا صارحتك وابيك وشاريك ومستعد اجيب اهلي كلهم واتقدم لك اليوم لو تبين
رفعت نظرها له ونطقت بحده:انا رفضتك وما ابيك
عذبي:في تفسير لرفضك ؟
ود:موضوع مايهمك واتمنى يـ استاذ عذبي تحشم نفسك ومنصبك وماعاد تقعد تلاحقني وجلساتي مو ضروري تحضرها!
تنهد بـ اسف:كيف مايهمني؟
ود:اتمنى ما عاد تتواصل معي بـ اي شكل من الاشكال
طلعت من المحكمه وهي ندمانه اشد الندم لكن هي ماتقدر تفرح واحب واخوها بـ هالحاله
اما عند عذبي الي من هذاك اليوم وهو ما قدر يطلعها من باله ابداً زادت رغبته يبيها زوجته ولو طال انتظاره وكان متاكد انه في يوم من الايام بتترك قسوة القلب ونحن عليه ,
-
تأففت ونطقت:يعني بعد كل الي سويته باقي يبيني!!
وهج:منهو الي باقي يبيك؟
فزت برعب ونطقت:يالله في هالبيت مافي خصوصيه؟
وهج:للاسف مافي ! منهو الي يبيك لا تصرفين
ود:تذكرين المحامي الي قلت لك طردته
وهج:الحلو الي يحزن؟
ضحكت ود:وصلتي
وهج:ايوا كملي بسرعه فضول ترا لو تقعدين ساكته بيجيك كف
رمت عليها ود المخده ونطقت:انتِ تعطين الواحد فرصه يتكلم من الاساس؟
ضحكت وهج :لا للامانه بس يلا بسرعه كملي!!
ود:تحدينا انا وهو على قضيه وهو كان محامي الطرف الثاني
صرخت وهج بحماس ونطقت :وقالك اذا فزت بخطبك وفاززز عليك!
ضحكت ود بصدمه:ياربي اصبري اكمل
وهج:بسرعه اختصري نفس كلامي؟
ود:اي وبيجون الجمعه قال
شهقت وهج:ماسوينا شي !! والجمعه قريبه يويلي وبعدين كيف بيجي وبابا مايعرف واخواني مايعرفون يمه
سحبت ود المخده الثانيه ترميها:يرحم والديك اسكتي هو يعرف بابًا واكيد بيكلمه!
وهج:وش بتلبسين وكيف عايلتهم!
ود:من الي بيجون يخطبونها على ذا التوتر؟
ضحكت وهج:طيب صدق وش اسم عايلتهم؟؟
ود:اسمه عذبي بن متعب ال غياث
كالعاده قعدت وهج تستعبط لحد مافزت ود:آل غياث؟؟
نطقت وهج من شافت ود تركض:الحمدلله والشكر اول مره تسمع اسم عايله ؟
عند ود الي نزلت ركض :ماما ماما!!
فزت جميله ونطقت:يمه شفيك؟
ود سكتت لثواني وهي لو قالت ان عذبي عطاها خبر او انها تعرفه بتخرب كل شي لكن نطقت:شفتي وين الخاتم حقي؟
جميله :يعني مخوفتني اخر شي وين خاتمك؟
ضحكت ود بوهقه:يمكن عند وهج بروح ادور
طلعت بـ استعجال تطلع جوالها وتتاكد فعلاً ان اسم الدكتوره الي لها ساجي" رُوح آل غياث "  :يمه بالصدفه!!
,
احدئ فنادق الرياض تحديداً جناح ساجي كان كعادته نازع التيشيرت وساند راسه يفكر بـ اللي صار اليوم ويفكر بكلامها " شوف نفسك قبل كيف كنت وكيف صرت انا هنا عشان مصلحتك لا اكثر ولا اقل" يذكر نفسه قبل فعلاً كان شخص ثاني يحب الحياه والضحكه ما تفارقه وله شغله الخاص ويدير شركة جده وكان نجاح وماينسى براند العطور الي سبب نجاح وكسر الدنيا يذكر نفسه يذكر ساجي المليان حنيه ساجي الي الكل يعرفه ، مسك راسه  بـ الم مو مستوعب كيف جمله منها خلته يتذكر ماضيه,
,
~ بيت متعب ~
كان الكل متجمع عشان يسمعون خطة عذبي الي نطق:طبعاً يوم الخميس راح نمشي من هنا!
رُوح:عندي مريض ومدري متى بحدد له الموعد.
عذبي:مو مهم المريض المهم تكونين موجوده تخيلي عمك يخطب وانتِ مو موجوده؟
ضحكت رُوح:خلاص لعيونك اسحب على ابو المواعيد
سراج:عندها خوات ؟
رُوح :على اساس لو عندها بيزوجونك؟
التفت لها ونطق بحده:وش ناقصني ؟
ضحكت نجلاء تحضن سراج:ولدي كامل و الكامل الله!
ابتسمت عذاري:اخر العنقود بيتزوج
رُوح :جده بليز لا تصيحين !!
عذبي:بتفقدوني اكيد محد يلومكم!
رُوح :الا الله يعين الي بتاخذك
سراج:اتفق معك في ذي
نطقت نجود بحده:عيب عمكم
سراج:مايلوق عليك العصبيه يا حلوه!!
رفع عمر حاجبه ونطق:اعقب تتغزل بزوجتي؟
ضحك سراج؛هد يا نغين  خالتي
ضحكت رُوح:خلاص خلوا عذبي يكمل عشان نعرف
عذبي:اذا وصلنا هناك الخميس يمدي
رُوح:اذا مشينا ليل الاربعاء مو احسن؟ وبعدين ترا رحله ساعه وحده بس!
تنهد عذبي:يعني صباح الخميس احجز؟
هزت راسها بـ ايه:ايوا ومنها يمدينا نتجهز ونشوف وش نجيب وش ما نجيب
نجلاء :وليش مانروح سياره؟
ابتسمت نجود:فيها متعه اكثر!
هزت رُوح راسها بـ النفي:فيها متعه بس يتعب
سراج:بنتهاوش ونتصالح وحنا ما وصلنا طياره افضل!
ضحكت عذاري:وهو صادق بعدين نخطط لنا سفره
عزام:صباح الخميس مايمديني عندي اشغال بـ الشركه فـ الجمعه بحجز انا
عُمر :وانا معه وراي اشغال واجد ومعاملات
تنهد هداج:عندي اجازه ١٥ يوم وما مضى منها الا خمس ايام ف مستعد ارافقكم
رُوح:قالك انه رجل مهم ومشغول دايما
هداج :كل الناس تحتاجني ترا حياتكم حلوه عشاني فيها
سراج:ذا عنده ربط مواضيع رهيب!
ضحكت رُوح:الا انتِ قلي وش عاد صار؟
سراج:على وشو تبيني اخمن ؟
رُوح :يا عبيط على عمليتك!
سراج:كالعاده دكتور الجراحه الناجح تمت عمليته بنجاح ولله الحمد
رُوح :افضل دكتور سراجي
ضحك الجد متعب:لا تحدث الا في السنه مره سراج وروح يتصالحون
ضحك سراج:ما ارضى على روحي عيب عليك يا جد
متعب:ايه ايه ماترضى !
ضحكت رُوح تسند راسها على صدر سراج الي نطق:عندي مباراه بطلع بعد شوي تخاويني هداج
نطق عذبي بتقليد:تخاويني هداج
حك سراج جبينه:احسبك ثلاثيني مو جوك
عذبي:واذا ثلاثيني في عز شبابي بـ اخاويكم!
رُوح :دام الموضوع كذا انا بروح معكم توصلوني البيت والسواق يجيب سيارتي
ضحكت نجود :اهم شي ما تخلينهم لحالهم؟
رُوح :لا تفهميني صح!
عذاري:اجل يلا خلو المتزوجين يقعدون لحالهم
ضحك هداج بعلو صوته ونطق:اول مره تجيب طاري الزوج بدون طاري رُوح!
رُوح:ذي الي صدق لا تحدث الا في سنه مره يسجد سجود شكر وبصلي الوتر احمد ربي
ضحكت عذاري ونطقت:حسابي معك بعدين يالله يارب ان ماتجي السنه الجايه الا وعيالك انتِ ومالك يدورون حوالي
نطق عمر بحده:يخشى ويعقب ياخذ بنتي
ضحكت رُوح من نطقوا كلهم بكلمة "يخسى" :تيتا وصلك الجواب!؟
عذاري:وشفيه الرجال ؟
سراج:وش مافيه!
متعب:كذابين بس ماودكم فيه نسيب
رُوح:حتى انا ما ابيه ذا الولد لا شعب ولا حكومه تبيه
ضحك عذبي ونطق:هيا قوموا!
ابتسمت رُوح تقوم تحضنهم واحد واحد وتسحب عبايتها تلبسها وتلحق العيال,
,
في السياره نطق عذبي:تدرون الى الحين ماكلمت ابو البنت؟
رُوح:وش تنتظر هي تدق على جدي
ضحك سراج بعلو صوته:اهخ تخيلي وتقول ياعم ابي اخطب ولدك على سنة الله ورسوله
رُوح :مايضحك
ضحك هداج :للامانه سددت لك وحده ولا غلطه
عذبي ؛الوقت مناسب لو اتصلت الحين؟
هزت رُوح راسها بـ النفي :شرايكم تنزلون ونسوي لنا جو ونتابع المباراه سوى ومنها تتصل عليه بعد العشاء؟
عذبي:ما اقولك لا بس بشرط تسوين لنا بيتزا!
رُوح :طبعاً لكن بمساعدتكم!
ضحك هداج:ابشري!
ضحكت وكملوا سوالفهم على هالموال لحد مايوصلون البيت,
,
بعد العشاء في بيت ناهل كانوا يتبادلان اطراف الحديث لحد مارن جوال ناهل الي عقد حجاجه ونطقت جميله :مين؟
ناهل:المحامي عذبي
جميله:قم رد عليه يمكن يبيك بموضوع
فز قلب ود وتسارعت نبضاتها لكن مابينت شي لحد مانطقت وهج:وماما صادقه يمكن موضوع خير
هز راسه ناهل وقف يمشي لمكتبه وهو عارف وش يبي منه عذبي لكن بيسوي نفسه مايدري عن اي شي ,تنهد يفتح الخط ونطق:السلام عليكم
تنحنح عذبي ونطق:وعليكم السلام
ابتسم ناهل:ارحب وش بغيت
عذبي:البقى والله بغيت اكلمك بموضوع شوي خاص
ناهل:عسى ماشر!
عذبي؛الله يبعد عنك الشر ياغالي والله مافي الا كل خير
ابتسم ناهل:تفضل وش الموضوع؟
عذبي:اذا انت متفرغ يوم الجمعه بـ اجيك انا واهلي لموضوع خير
ناهل؛ اي بالله متفرغ والله يحيكم جميع
ابتسم عذبي:اجل على خير نلتقي!
ناهل:بأذن الله !
عند عذبي الي قفل وضحك من رُوح الي صرخت:عندنا عرس !!
سراج؛ازغرط لكم؟
ضحكت رُوح بحماس :زغرط زغرط يعمي!!
زغرط سراج بكل اتقان وتعالت ضحكاتهم ونطقت رُوح :عسلل احبك!
سراج:اعتراف خطير اليوم رُوح راضيه علي
هداج:وقالبه علي فعلاً لا يحدث الا بالسنه حسنه
تنهد عذبي:خلوا عنكم كثرت الحكي وقوموا سوو لي بيتزا دامني العريس!
ضحكت رُوح تقوم وتسحبهم معها لاجل يبدون يسوون البيتزا,
,
عند ناهل الي طلع من مكتبه يرجع لمكانه ونطقت وهج:اي وش بغى منك
ناهل:ولا شي بس قال بمرك انا واهلي يوم الجمعه في موضوع خير!
شهقت جميله ؛كل ذا وبالنهايه ولا شي!!
ضحك ناهل:بيخطبون ود وماتدرين عنها توافق او لا!
جميله:حتى ولو لازم نقوم بتجهيزات !!
تنهد ناهل ونطق:وهج يبه ما ودك تروحين غرفتك؟
ضحكت وهج بصدمه:طرده محترمه؟
ناهل:تقدرين تقولين!
ضحكت توقف:اساساً عندي رسمه بطلع اكملها!
ابتسم لها يراقبها تطلع احد ما اختفت من امامه ونطق:عذبي آل غياث تعرفين وش يعني
رفعت حاجبها بـ استغراب ونزلت كوب قهوتها:لا ما اعرف
تنهد ناهل:وش اسم دكتورة ساجي؟
جميله :رُوح آل غياث؟ قصدك يقربون لبعض؟
هز راسه بـ ايه ونطق:يكون عمها وساجي لو عرف بيقلب الدنيا فـ لازم مايعرف لحتى يطيب
جميله :دام الموضوع كذا اتفق معها ما تطلع الموضوع!
لان ماصدقت ان ساجي بالرياض!
تنهد ونطق:عساه بداية خير الله يصلح حاله!
ابتسمت تكمل قهوتها وهي متامله ان ود بتوافق وان ساجي بيطيب وتصير الفرحه فرحتين,
,
ضحكت من تلطخ وجه سراج بـ الصلصه ونطق:شكلك تحفه !
سراج :بالله وش درى بطني انها شكل قلب!
رُوح :يالله شدخلك انت دام انا الي ب اطبخ كيفي
هداج:شكلها رهيب
عذبي:فرحان بالقلوب له ساعه يشكل العجين
رُوح :يالله مزعجين ماتخلون الواحد يستكن!
عذبي:المباراه بتبدا وانتوا باقي !
سحبت رُوح الصينيه تدخلها الفرن :خلصنا يا مزعجين!!
سراج:تسلم يدي انا الوحيد الي استغلت ذا ماغير يهدر وهداج فرحان بالقلوب
رُوح :انت الي طالع منها تراك تلعب بالصلصه
سراج:بدعي عليك تفترين علي؟
رُوح:انقلعوا كلكم برا المطبخ اول مره يوصل لذي الحاله!
ضحكوا يطلعون و يتركونها مع الحوسه بحكم ان المباراه,
بدت
,
عند جسار وبيان الي الاوضاع عندهم هاديه والهدوء مالي بيتهم متصالحين وراضين عن بعضهم خلال اسبوع واحد قدروا يعطون بعض الفرصه الي ضيعوها لمدة سنتين وكانت هالخطوه من جسار اما بيان حلفت ان اي مشكله بين الاهل ماتدخلها لانها ماتقدر تعيش بدون جسار وماهي مستعده تضحي بحبهم وتغلط غلطة اختها,
-