اَهنِي بِك حَياتِي يَا رُوح اَلعُمر

-15-

عند رُوح الي نزلت اللابكوت تلبس عبايتها ونطقت إيناس؛يعني ما بتداومين إلا الأربعاء
هزت رُوح راسها بـ ايه ونطقت؛الحين مواعده هداج افطر معه
ضحكت إيناس بذهول؛ فطور الظهر؟
رُوح؛كل شي بحياتنا غلط
ابتسمت إيناس توقف تحضنها ونطقت؛غيرتي عطرك؟
رُوح؛خلصت العبوات الي عندي فـ غيرته
إيناس؛ريحته حلوه بس العطر الاول ريحتك انتِ
ابتسمت رُوح تسحب شنطتها وتخرج متوجه نحو سيارتها
,
عند جسار الي مسك راسه بتعب يرمي القلم ساجي تستهبل؟ شلون بترجع كل شي
ساجي؛برجعه مره وحده وبعدها اتناقش مع جدي اول شي ابيك تكلم لي سعود يتواصل مع كل شخص كان يشتغل عندي
صرخ جسار؛يا رجال! كلهم!
ساجي؛كلم سعود  وهو بيتصرف !
جسار؛تراه إنسان
ساجي ؛والله اني يجيب لي مليون شخص لو بغيت واول شي بـ أبدا بـ الفرع الي بالرياض
رفع جسار حاجبه؛ليش مو الي في الشرقيه
ساجي؛أنا هالفتره هنا فـ الاحسن اركز على شغلي هنا
نطق بقلة حيله؛خلاص الي تشوفه
ساجي ؛ابي ارجع اعلن لـ براند العطور وبنزول عطر جديد
جسار ؛وماراح تصرح انه انت زي قبل
ساجي؛بديت تفهمني  والحين ابي فلوسي الي عند جدي عشان يبدا الشغل
جسار ؛انت غبي اقسم بالله انك غبي تبي فلوس بس ما تبيه يعرف عن شي؟؟
ساجي؛اي! جسار يـ تتصرف يـ اطلع منها
تنهد جسار؛تدري وش أنا ندمان عليه
رمى ساجي الورقه ينسدح وينطق:لا ولا ابي ادري
رمى جسار عليه المخده؛اني قاعد معك ذا الي أنا ندمان عليه اشد الندم!
ضحك ساجي يسند راسه بتعب؛أفكر أنا كيف هدمت كل ذا؟كيف قدرت اهدم تعبي لذي الدرجه كنت تعبان
جسار؛حتى أنا ملاحظ تحسنك؟
ساجي؛فادتني الجلسات
جسار؛الدور الكبير لدكتوره الي تحملتك
ساجي:شغلها وش متوقع؟
جسار؛انت ليش كذا غثيث
ساجي؛قاعد تهرج فوق راسي وانا فيني نوم !
جسار ؛نام نام وفكنا من نفسيتك الشينه
غمض عيونه ساجي يغفى بدون اي تفكير لانه هلك من كمية الأفكار والنقاشات مع جسار الي طالت لساعات ولا طلعوا بفايده ,
,
«عند رُوح و هداج»
تنهدت رُوح ؛هداج مطلعني بعز القوايل عشان صدق فطور؟
هداج ؛هو مو وقت فطور بس يعني
ضحكت ترفع كاسة الشاهي الي قدامها وتنطق؛اي وش بغيتني فيه بذا الظهريه ؟
هداج؛معقول ناسيه اليوم تاريخ ايش؟
رفعت رُوح جوالها ونطقت؛عيد ميلاد جدو؟
هداج؛بدري!
شهقت تمسك راسها بذهول؛وش بنسوي ؟
هداج؛وش تبين نجيب له هديه
ميلت شفتها لثواني تنطق:محفظه ؟
هداج؛تعبتي نفسك بالتفكير
ضحكت تنطق؛اسمعني محفظه فيها صور كل واحد من عياله واحفاده ؟
هداج:وساعه
هزت راسها بـ ايه ونطقت ؛الكيك علي والتجهيزات الباقيه عليك!
هداج؛أنا لو مو راحمك عشان شغلك كان لي تفاهم ثاني !
ضحكت تكمل نقاشه معه حول عيد ميلاد متعب الي رغم كبر سنه إلا ان احفاده مُصرين بكل عام يكبر يحتفلون فيه وكانه ولد العشرين,
,
رفع نظره يشيك على كل شي وهو انتهى واعلن عن افتتاح محله الي كان بـ اسمه فعلاً اسم المحل بـ اسمه ,رفع نظره من تقدم وهاج يحاوط كتفه؛ كنت متوقع هالإسم
ضحك سطام؛في احلى من اسمي
تقدم ناهل ينطق ؛اسم عمك مثلاً؟
ضحك سطام يلتفت يسلم على عمه وينطق؛تو ما نور المكان
ابتسم ناهل؛بنورك بس وش هالحركات واللوحات والأشعار !
سطام؛اعجبك
ناهل؛شكل نايف خسر كثير؟
ضحك سطام بعلو صوته؛نص ثروته راحت هنا
ناهل؛بيكون ناجح بأذن الله
سطام؛اتخرج وفلوسي تعادل فلوس جدي ولا يهمك
ناهل ؛قليل حياء عينك على فلوس جدك
ضحك ورفع ناهل نظره يتامل جمال المكان وجمال العبارات واللوحات الي كان مختارهم بعنايه والمغنين الي كان اختياره لهم مميز واحلى من هذا كله رف تعليقات الشاي إذا كان محل سطام بينجح فـ هو بفضل الشاي واختياره لـ الشاي كمشروع لان الشاي فن من فنون الحياه ,
,
عند روح الي كانت بغرفتها منسدحه على سريرها تفكر بتعبها وإرهاقها لنفسها خلال هالثلاث شهور الي مضت
تنهدت توقف على حيلها تتوجه لـ دولابها تختار توب وبنطلون ثم تتوجه لـ المرايا تسوي ميك اب خفيف وتتعطر من عطرها الجديد الي تحسه ما يشبها لكنها فعلاً اي عطر تستخدمه تغير ريحته وتزيد حلاوته,
,
« بيت متعب»
كان جالس لحاله في الجلسه الخارجيه والهوى من حوله كان حزين لانه هالسنه نساه الكل ولا خير على بال واحد منهم عيد ميلاده كان صافن يتذكر شبابه ويتذكر ايامه يشوف كيف كبر وشيب وتغير يشوف كيف شيب فيه الزمن يدراك انه زوج اصغر عياله كان يهوجس والحزن طاغي عليه لكنه التفت من سمع صوت اغنيه لفنان العرب ودخول رُوح قدامهم بـ الكيكه وهي تردد؛ أنا ما اقول بسنينك تهنى أنا اقول السنين انت هناها
وقف يسند نفسه على عصاته وينطق؛تعالي يا روح بيتي و روح آل غياث كلهم
ضحكت تنزل الكيكه وتتقدم تحضن متعب الي شد عليها ونطق؛حزت بخاطري هالسنه ما تذكرون جدكم
ضحك هداج لانهم هم الي عودوا جدهم يتجمعون حواه في هالتاريخ من ألسنه ولا هو ما همه لا ميلاد ولا غيره  ابتسمت رُوح تمد له كيس وتنطق؛اول هديه من احلى شخص بحياتك
جلس يسحب كيس الهديه منها وسكت يناظر المحفظه الي باين عليها الفخامه لكن تغيرت ملامحه من شاف صور عياله واحفاده ابتسم يناظر صورهم واحد واحد يناظر البسمه على وجه كل شخص فيهم ويقسم انها كانت اعظم هديه وصلته خلال هالسنين كلها , نطق هداج:افكار رُوح كل سنه تخلي جدي يفكر
ضحكت نجلاء؛اي بالله كل سنه تحرك مشاعر عمي
ضحكت رُوح تتقدم تحضن متعب الي شد عليها:ذي البنت ذويقه بالهدايا تصيب قلب الواحد
ضحكوا يقدمون له الهدايا وكانت ردة فعله هي الي تحمسهم مو الهدايا لكن سرعان ما انتهوا وتجمعوا يتقهوون وقاطع هدوئهم صوت متعب الي غن
نطق ؛  قالها ابو نوره إذا التقينا يوم ولا عرفتيني فلا عليك لوم شاب الزمن فيني
ابتسمت رُوح؛يصيب مشاعر الشيبان والمراهقين والصغار !
,
عند ساجي الي تنهد ينزل كوب قهوته وينطق؛كيف برتب كل هالافكار , صار يكلم نفسه من شدة ضغطه على نفسه واصراره انه يرجع كل شي مثل ما كان لكن استوعب من صحى انه مستحيل ترجع بهالسهوله! وبهالسرعه بس قاعد يتعب  نفسه ويهلكها تقدم يدخل من البلكونه يجلس بجانب جسار وينطق؛ ببدا خطوه خطوه أنا ما بقدر ارجع كل شي بسرعه
ابتسم جسار؛استوعبت وش اقول من الظهر؟
ساجي؛ببدا اول شي مع جراح وبعدين برجع للي بالرياض ببدا خطوه خطوه لين يرجع كل شي مثل ما كان
جسار؛ جراح بيرفض اعز احفاده؟
هز راسه بالنفي لانه يعرف قد ايش جراح يعزه ويغليه اكثر من عياله يعرف ان جراح يميزه عن الكل
سندت راسها بتعب ونطقت؛ هداج بكرا بيرجعون عذبي و الغبي سراج
رفع راسه يناظرها؛وش المطلوب مني
رُوح؛اقولك بس
هداج؛طيب اسمعي اخبار خويتك ذيك نسيت اسمها
رفعت حاجبها:نسيت اسمها؟
هداج؛في اسمها حرف السين
رُوح؛هداج لا تلف وتدور اختصر أنا ما عاد فيني طاقه اتحمل فضفضه احد ولا كلام مشفر!
نطق بذهول؛هدي هدي!
رفعت نظرها من جلس عمر بجانبها ونطق؛شعندكم
هداج اشر على رُوح ينطق؛بنتك مجنونه
عُمر؛هبلوا فيها ذا المرضى
رُوح؛ذا الأسبوع بريك ما عندي مواعيد إلا الشهر الجاي
تنهد هداج؛ليت شغلي زي شغلكم
رُوح؛خل الكذاب ما غير متسدح بـ مكتب وتتآمر على الجنود!
هداج؛ايي ايي اجحدي اجحدي تعبي !!
تنهدت تسند راسها على ذراع عُمر وناظرهم هداج بـ ابتسامه يوقف ينسحب يتركهم لحالهم , ابتسم عُمر ينطق؛اي يا رُوح كيف حالك؟
التفت تناظره ونطقت؛بخير انت بخير؟
عمر؛بخير دامك بخير
تأففت تنطق؛بابا لاول مرا من بداية شغلي تواجهني حاله كذا بابا احسني تعبانه بدال ما اساعد هالشخص احسني قاعده اتعب معه !
عمر؛من هالشخص
بلعت ريقها تنطق؛خصوصية المريض!
ضحك ينطق؛من الإنسان الي أجلتي كل شغلك لمدة ست شهور عشانه؟
رُوح؛شخص من طرف عمي عزام
سكت عمر ونطقت روح ؛في كل الجلسات الي مرت بعمري كله ما قد حسيت بنفس هالشعور!
رفع نظره عُمر يناظر رُوح يناظر عيونه وينطق؛رُوح يـ بابا تذكري ان مرد الشخص بيروح زيه زي غيره وزي الي عالجتيهم من قبل وبتنسين تعبك !
رفعت نظرها من وقف عُمر يتركها لحالها وعقدت حجاجها تفكر وش مقصده من هالكلام يقصد ان ساجي شخص عابر؟ يقصد انه مرده يرجع لحياته وينسى انه كان لها دور كبير برجوعه لـ حياته بلعت ريقها برعب وخوف من شعورها من مشاعرها الي جالسه تطغى عليها تنهدت بتعب تمسك راسها في كل مرا تتذكر مواقفهم وجلساتهم ! تتذكر طريقة كلامه ،ملامحه بلعت ريقها توقف وتنطق؛روري من هالشخص عشان تفكرين فيه انسي!
,
رفع نظره جسار يناظر ساجي الي صافن ولا كانه معه ؛تفكر بمين؟
التفت ساجي يناظره؛محد
بلع ريقه جسار ونطق؛ساجي قد فكرت ترجع بيادر؟
التفت يناظره وينطق؛لا ولا بفكر ماضي وانتهى الله يستر عليها بس لا تغلط وتطلق حرمتك على سبب تافه انت وهي حكايتكم غير عنا لا تخلي مشاكل العايله تكتب نهايتكم عطوا بعضكم فرصه وساندوا بعضكم العمر قدامكم وانت اكبر مني يا جسار واوعى مني! وتعرف وش تسوي
تنهد جسار ونطق؛الله يكتب الي فيه الخير ما ودك تنام بكرا رحلتنا ؟
تنهد ساجي يهز راسه بالنفي رفع إبهامه يحك طرف شفته يتذكر آخر موقف بينهم يتذكر تفاصيلها يتذكر كل كلمه تقولها له رفع يده يمسح على ملامحه لانها سيطرت عليها سيطرت على تفكيره وعلى مشاعره سلبت عقله ,
،
«الشرقيه ,قصر ناهل»
صرخ سطام ينطق ؛قلت لك ما تقدر تفوز علي!!
رمى وهاج سماعاته ينطق؛سمحت لك ذي المره تفوز رحمه مني! إلا تعال متى آخر مرا رحت بيتكم
سطام؛ انت تطردني ولا وش؟
ضحك وهاج بعلو صوته؛لا بس يعني طولت عندنا
فتح ناهل الباب يقاطع حديثهم وينطق؛ولا واحد منكم راح يصلي ؟ جالسين على ذا الخراب
سطام؛بس اسبوع نايم عندكم اول مرا اشوفك رايح تصلي لا ومصلي متاخر بعد
نطق ناهل؛صدق انك قليل حياء!
وهاج؛اطرده من بيتنا ؟
ناهل؛قوموا روحوا جيبوا فطور يلا
سطام؛وهاج يلا قم !
التفت ناهل على دخول جسار وبجانبه ساجي ونطق جسار؛وش رايك بالمفاجاه؟
ضحك سطام ينطق؛تو ما نورت الشرقيه
التفت يناظره ساجي؛ما عندك بيت؟
ركض سطام يحضن ساجي؛هالحضن احلم فيه كل يوم
دفه ساجي ونطق؛يا رجال !
ضحك سطام؛بعدين ليش ما تأخذوني معكم الرياض
اشر ساجي على جسار ؛أنا راجع ارجع ذا الورع تبيني ابتلش فيك معه؟
,
رفعت جميله نظرها على دخول جسار ونطقت؛جسار؟
تقدم يسلم عليها وينطق؛كيف المفاجاه
ضحكت ود؛غير متوقعه!
وهج؛توي اقولهم اشتقت لك و لسواليفك!
ضحك جسار؛جبت لكم معي ساجي
نطقت وهج من دخل ساجي ؛والله توي اقولهم اشتقت لك ولسوالفك يا سوسي
ابتسم ساجي يحضنها ونطق جسار؛ترا كذابه توها قالت لي نفس الكلام
ساجي؛وهج ما تكذب!
ضحكت وهج؛تدرون وش احلى شي بساجي ثلاجه بس عنده مشاعر!
ابتسمت ود؛خلي عنك والله انه احن شخص عرفته بحياتي كلها!
جميله ابتسمت تتقدم تحضن ساجي ونطق جسار ؛فرق الطول بين امي وساجي حكايه
رفعت نظرها جميله؛انت قليل حياء يبي لك تربيه من جديد يلا انتوا بدلوا ملابسكم ورحوا لـ ابوكم تفطرون
طلعوا جسار وساجي ونطقت وهج؛اخبارك زوجك الي بمصر؟ شال بنات حلوين
ود؛وهج محد قالك من قبل انك ثقيلة دم؟
,
فزت برعب من المويا الي بللت شعرها ؛بسم الله!
وقف سراج بعيد عنها يضحك من منظرها ونطق؛اشتقتي لي؟
وقفت تسحب قارورة المويا الي بجنبها ترميها عليه وتنطق؛غبي! مريض!
ضحك بعلو صوته؛منظرك تحفه !
وقفت بسرعه تلحقه وصرخت من شافته يركض؛يا مريض!! اثبت!
ضحك بعلو صوته ينطق؛آخر مرا صحيتك بهالطريقه ايام الثانوي
وقفت بتعب؛بزر طفل وش ذا الحركات!
ضحكت نجود ونطقت؛خلاص بس متأثره تعالوا افطروا !
تاففت ترجع شعرها على وراء وتتقدم تجلس بجانب عذبي؛مابقول لك الحمدلله على السلامه لانك جبت هالغبي معك!
ضحك عذبي؛اهخ بس متى اتزوج وافتك منكم
رفعت نظرها رُوح؛يعوه صدق اشغلتنا بالزواج قسم!
رفع نظره هداج ؛والله صدق تقل محد تزوج إلا هو !
ضحكت نجود تنطق؛وش عليكم منه اخذ وحده تستاهله وهو يستاهلها!
رفعت رُوح كاسة الشاهي تنطق؛ماقررت متى عرسك؟
عذبي؛على حسب اتفقنا أنا وهي الشهر الجاي
شهقت تنطق ؛نعم خير؟ وليش توكم تعلمونا؟
عذبي؛باقي بنتفق و بنبلغكم
تنهدت رُوح ترفع كاسة الشاهي للمره الثانيه وتلتفت تناظر سراج؛ترا ما نسيت !
ضحك سراج بعلو صوته؛بعير
ضحكت ترفع جوالها تناظر المكالمات الي كانت من إيناس,
,
نزل ساجي بـ استعجال بعد ما بدل ملابسه ينطق؛امي
التفت جميله تناظره؛هلا وش بغيت ؟
ساجي؛ابغى مفتاح المستودع الي برا
رفعت جميله حاجبها بذهول؛ليه؟
ساجي ؛محتاجه بطلع افطر معهم وبرجع اخذه منك
سكتت بـ استغراب ليش بعد الاربع سنوات الي راحت يبي يرجع يفتح المستودع الي قفله من بعد زواجه التفت تناظر وهج الي كانت نازله بـ استعجال ونطقت؛بنت
التفت وهج تناظرها؛ماما طالعه عشان هالمره توصل وباقي في وقت !
جميله ؛وقفي واسمعي ! وين مفتاح المستودع؟
وهج؛معي فوق بغرفتي
جميله؛بعدين عطيه اخوك قال يبيه
ميلت شفتها تنطق؛اي اخ بالضبط؟
تنهدت جميله؛ساجي لا تنسين عطيه قال يبيه ضروري
رفعت حاجبها بذهول ؛بس فيه رسماتي القديمه
جميله؛مدري عنكم بعدين تفاهمي معه وشوفي وش يبي فيه آخر مرا فتحه من اربع سنوات
وهج؛ماما وش تتوقعين
رفعت جميله فنجالها تنطق؛أتوقع انك تروحين لجامعتك
ضحكت تنحني تقبل راسها وتخرج بـ استعجال ,
,
عند سطام الي نطق؛ ساجي و جسار باقي ماشفتوا المحل نفطر ونطلع ع طول
حك ساجي جبينه ينطق؛عندنا كم شغله لازم ننجزها ما راح يمدينا
سطام؛يا رجال ابو ساعه تذوقون شاهي من تحت يدي لا صار ولا استوى
جسار ؛والله دام كذا لاحقين ع الشغل
ناهل تنهد؛خلوا عنكم الحكي الفاضي وانت بتتحاسب كم لك يوم ما داومت شركة ابوك هي
هز جسار راسه بـ النفي؛لا شركة جدي
ضحك سطام بعلو صوته؛حلوه تنحسب لك
ناهل؛وانت ما وراك جامعه؟
سطام؛اليوم ما عندي دوام ماش يا عم تدور زلتي من اليوم
ضحك وهاج بعلو صوته وقف ناهل يتركهم ويخرج متجه لـ الشركه تاركهم يكملون حديثهم ومحاولات إقناع سطام لهم لحد ما نطق ساجي ؛يلا خلاص قوم بس تكفى اسكت
ضحك وهاج ؛من كثر هرجك حتى ساجي وافق
وقف سطام يتقدم لـ سيارته وينطق؛ساجي تكفى هالمره اركب بسلام
ضحك ساجي بسخريه يركب بجانب جسار الي قرر يسوق ونطق وهاج؛مركبيني بجنب سطام ليه؟
جسار؛لانكم مراهقتي نفس العقليه
سطام؛ثلاثيني ما عليك شرهه
ضحك ساجي وهو يستمع لـ حديثهم لحد ما وقفوا امام محل سطام ونطق ساجي؛على اسمك؟
هز سطام راسه بـ ايه ينزل وينطق؛تفضلوا
تقدموا يدخلون ورفع ساجي نظره يتفحص المكان والديكور واللوحات ونطق؛رهيب
ابتسم سطام ونطق جسار ؛رهيب وبس ! والله ابدعت يبو نايف
سحب ساجي كرسي يجلس ونطق؛يلا شاهي من تحت يدك وعلى حسابك
سطام ؛هذي المره  بس بمشيها عشانك ساجي
سحب وهاج كرسي يجلس بجانب ساجي وينطق:وراك شي قلبي مو مرتاح
ابتسم ساجي ينطق؛الله يكتب لي كل خير
نطقوا كلهم بصوت واحد " امين " وكان الصمت سيد الموقف لحد ما تقدم سطام بـ براد الشاهي ويسحب كرسي يجلس بجانبهم ويبدا يصب لهم واحد واحد,
,
بعد مرور ساعتين وقف سيارته امام الشركه الي أفنى فيها ايام مراهقته وعمر العشرين والي كان يحارب ويسعى لأجل يجلس على كرسي إدراتها وكان واقف امام المبنى الي أدراه سنين طويله الي فتح منها فروع تحت ادارته وفي غمضت عين يتذكر كيف حادث دمر كل شي هو بعد هالسنتين واقف امام بابها امام تعب سنينه وشقى حياته لأجل يكون جراح الصغير لكنه كان افضل انتج وتعب واشتغل يتذكر كل لحظه عاشها كل تفصيل في هذي الشركه لانها بالنسبه له مو مجرد شغل بالنسبه له هي شي عظيم شي تعب عليه سنين درس وتعلم لاجل يمسك ادراتها ويفتح فروع اكثر فروع تكون بـ اسمه ساجي لكن غاب سنتين وغاب كل تعبه وشقاه تنهد تنهيده طويله يفتح باب سيارته وينزل يواجه جراح جده الي لطالما كان ينتظر هاللحظه على احر من الجمر تقدم يدخل الشركه عقب هالسنتين كان يمشي وملاحظ استغراب الكل لانه معروف بـ الشركه معروف بـ انه مديرها الي غاب بدون سابق انذار
تقدم لـ المصعد يطلع لـ الدور الي فيه مكتبه المكتب الي جلس عليه سنين المكتب الي تعب وشقى عشانه رفع كفه يمسح على ملامحه ويتوجه يخرج من المصعد متجه لـ مكتب جراح الي رفع نظره من سمع دقة الباب ينطق ؛تفضل
فتح الباب يدخل يشوف تغير ملامح جراح الي وقف ينطق بذهول؛ليث؟
تقدم يقبل جبينه وينطق؛ساجي
بلع ريقه يسد على عصاته ياشر له يجلس وفعلاً تقدم ساجي يجلس امامه ينطق؛المكتب على حاله
جراح؛بس الي يجلس على الكرسي تغير
ساجي ؛هالكرسي من قبل ما يولد ساجي وهو معروف من راعيه
جراح؛مو أنا الي وصلت الشركه لـ هالحال انت الي وصلتها يا ساجي وبشهادة الكل
تنهد ساجي ينطق؛لو قلت لك أن الليث مستعد يرجع
نطق جراح بذهول؛شلون؟
ساجي؛برجع شغلي
شد جراح على عصاته؛تدري كم لي انتظر هاللحظه؟
ساجي ؛أنا برجع شغلي بس مو شرقيه
رفع نظره جراح ونطق؛برجع له في الرياض لين اخلص فترة علاجي
نطق جراح؛انت اولى بهالكرسي!
ساجي؛راجع له لكن ببدا من الرياض المدير الي هناك راح ترجعه هنا
جراح؛هذا مكانك يـ ساجي لكن الي تشوفه يناسبك
ساجي؛كل شي بيرجع مثل ما كان واحسن
رفع جراح حاجبه؛انت ما تبي هنا عشان نايف
شد على قبضة يده؛الي بيني وبينه مشاكل عائليه ولو فكر يدخلها بشغلي بـ انهيه
نطق جراح بحده؛كنت ناوي خير؟
ساجي؛أنا الخير كله لكن لو فكر يتعرض لي بقلب له شر
جراح؛يعني تعصي كلمتي ؟
ساجي؛حشى لكن يا جد لا تظن ان الي بيني وبين نايف ممكن يتصلح غدر فيني وانا ما احب الغدر
شد جراح على عصاته؛وش بتقول الناس عنا وش بتقول الناس عن ساجي الي كان يقدر عمه
نطق ساجي بحده ؛بيقولون عمه غدر فيه بـ اصعب اوقاته  وانقلب التقدير لـ كره
جراح؛وانت راضي؟
ساجي؛راضي لان ما وصلني لـ حالتي الي أنا فيها إلا هو وماني مسامحه ولا يمكن كفي يصافح كفه بعد هذيك الليله
ساجي؛راضي لان ما وصلني لـ حالتي الي أنا فيها إلا هو وماني مسامحه ولا يمكن كفي يصافح كفه بعد هذيك الليله
تنهد جراح يكتم غضبه ونطق؛دامك نويت ترجع الله يوفقك ومتى مابغيت تجلس ع هالكرسي ابد مكانك
وقف ساجي و وقف معه جراح ابتسم يتقدم يقبل يدينه وجبينه وينطق؛ فمان الله يا جد
رفع الجد نظره من خرج ساجي يقفل الباب وراه مو مستوعب النقاش الي حصل قبل شوي لان ساجي الي آخر عهدهم به يكسر ويصارخ جاي بنفسه عشان يناقش جده ع شغله الي تركه لمدة سنتين , عقد حجاجه من دق الباب ينطق؛تفضل
دخل ناهل يتقدم لـ ابوه ينطق؛يبه وش مقعدك هنا إذا الوقت رح ارتاح!
رفع جراح نظره لـ ناهل؛ما علي خلاف لكن تدري من كان هنا؟
هز ناهل راسه بالنفي ونطق؛لكن سمعت همس بين الموظفين
ضحك بسخريه ينطق؛طبيعي يضحكون لان مديرهم الي اختفاء فجاه رجع
ارتسمت ملامح الصدمه على وجه ناهل يجلس؛ساجي ولدي؟
جراح ؛الي لقيته أنا ليث لانه فطين وكان خساره لنا انهياره لكن شكله راجع
مسح ناهل على ملامحه ينطق؛انت صادق؟
نطق جراح بحده؛اجل بكذب عليك
تنهد ناهل بذهول لان ما كان عنده خبر ولا كان عارف عن الي قاعد يصير وكيف ساجي بيوم وليله قرر يرجع لـ شغله كان بباله اساله كثيره لان الي حصل اليوم تعتبر من اكبر الصدمات لـ آل ثنيان ,
,
وقفت تناظره سراج تستهبل ؛شلون اقفل عيادتي ؟
عدل سراج جلسته ينطق؛رُوح اسمعيني زين بندخل شراكه! شراكه بتكونين شريك بـ المستشفى فرصه ما تتفوت
بلعت ريقها تنطق؛سراج مقدر فرصه ما تتفوت بس المريض الي قاعده أعالجه من بيكمل علاجه؟
سراج؛روح أنا بدبر له افضل دكتوره!
ميلت شفتها تنطق؛أنا موافقه لكن بعد ثلاث شهور؟
رفع حاجبه ينطق ؛يا روح قلبي زيه زي اي مريض عادي صديقيني !
رُوح؛بديت شي لازم انهيه بعدين إيناس معي بالعياده كيف اتركها
سراج؛تقدر تتوظف بالمستشفى بتكونين من اصحاب المستشفى مستوعبه ؟
رُوح؛موافقه بس بشرط اني امسك حالة المريض لين تنتهي الثلاث شهور
سراج؛وتقفلين العياده؟
رُوح بقفلها لكن ما راح أبدا مشوار جديد وامسك حالات جديده إلا إذا خلصت من الشخص الي جالسه أعالجه
تنهد سراج بقلة حيله؛مع ان كان ودي العكس لكن تراه زي اي مريض حتى لو حولتيه لـ دكتور ثاني
نطقت بسرعه؛مو اي شخص!
رفع نظره لها ينطق:اجل وش؟
بلعت ريقها تستوعب زلة لسانها :قصدي حالته صعبه
,
« قصر ناهل»
نزل من سيارته يتوجه لـ الداخل يلاحظ هدوء البيت بحكم ان وهج بالجامعه و وهاج مع سطام و ود بدوامها وامه مو بالبيت تنهد يتوجه لـ غرفته الي اشتاق لها ولـ برودتها تنهد ينزل شماغه وثوبه ويسحب له شورت وتيشيرت عشوائي يبدل ملابسه وبعد ما انتهى خرج من الحمام يتوجه لسريره ينطق؛جسار قوم
رفع جسار يده يحك وجهه وينطق ؛وش فيه
ساجي؛قم رح غرفة وهاج بغرفتي وتسال؟
سحب جسار مخده بـ انزعاج يوقف ويخرج من الغرفه تنهد ساجي براحه يرتمي على سريره رفع يده يفتل شاربه من داهمته أفكاره الي كانت عن رُوح ينطق بذهول؛الله حسيب هالدكتوره ,كان يحاول يستوعب ليش تداهم أفكاره بكل مره ليش بكل خطوه يقدم عليها يتذكرها ليش حافظ صوتها وجمال عيونها ليش حافظ ان كل شي تلبسه يزهى عليها ليش حافظها وحافظ تفاصيلها من هي؟ تنهد ينطق؛هي مجرد دكتورتك ضحك بعلو صوته لانه مو واعي لكلامه وتصرفاته غمض عيونه بـتعب يحاول ينام لان له يومين النوم ما ذاقه ,
,
بعد مرور اسبوع كانت فيه اجازة رُوح الي كانت طول وقتها بعيده عن الناس ومنعزله لحد ما عدى هالاسبوع لانها كانت بحاجه هالجلسه بينها وبين نفسها أما ساجي الي كان خلال هالاسبوع يشتغل على موضوع شركة الرياض لحد ما انتهى من الموضوع بـ الكامل وبقية الاشخاص كانوا على روتينهم المعتاد,
,
ضحك وهو ينزل الجوال ويفكه سبيكر ؛ بس حبيبتي مرا طولنا ؟
ميلت شفتها تنطق؛عذبي يعني متى نحطه ؟
عذبي؛ودك بعد شهر زي ما اتفقنا من قبل؟
عضت شفتها ود تفكر ؛ما بيمديني
عذبي؛ يمديك وبكل أريحيه لان اي شي تلبسينه يزهاك
ضحكت بخجل تنطق؛عذبي بس!
ضحك ينطق؛خلاص بلغي اهلك إذا موافقه وبعدها نبدا نتفق ع كل شي وع التاريخ
ابتسمت تنطق؛تمام
ابتسم من نطقها يودعها ويقفل الخط ويطلع من غرفته لـ الصاله يسمع رُوح الي نطقت؛ اوهه خلصوا الحبايب المكالمه
ضحك ينطق؛وانتِ وش عليك
سراج؛اقسم بالله اقرفونا بحبهم المخيس
رُوح؛تشوف ! بس والله جدول سمعت مكالماتهم مرتين
نطقت عذراي بحده؛عمكم يا قليلين الادب!
انسدح هداج ينطق؛دلوع الماما
صرخت رُوح بـ الم؛ابعد رجلك !
هداج؛تعبان اناا
ضحكت نجلاء نازل كاسة الشاي؛يا ماما انت طول وقتك تعبان
عزام؛كذاب ماغير متسدح
سندت رُوح راسها ع الكنبه تنطق؛متسدح ويرسل ورد!
نطق متعب ؛ سالفة الورد ذي مردي اعرفها
نطق عذبي ؛إلا يبه ما دريت؟
هز متعب راسه بالنفي ينطق؛ليه وش صاير ؟
رفع عُمر نظره ؛قصدك عن ولد ناهل
رفعت نظرها من سمعت اسمه ونطق عذبي؛اي يبه لي حوالي اربع ايام هنا رجع استلم ادارة الشركه الي هنا
بلعت ريقها تناظرهم بذهول والتفت تناظر عزام الي هز راسه بـ ايه ونطقت؛ اخو زوجتك؟
هز عذبي راسه؛اي ساجي
متعب؛والله ترا هو الي ساعد جراح ع حسب كلامهم وقوم الشركه وجددها وطورها لكن بـ آخر سنتين يقولون طلق حرمته وانسحب من هالشغله كلها
عضت شفتها تسمع حديثهم عنه ونطقت نجود؛روري بكرا عندك جلسه؟
هز راسها بـ ايه؛مدري متى خلص ذا الاسبوع كنت مرتاحه
غمز لها سراج ؛ انتِ بس انجزي هالحاله وصدقيني بتعيشين مرتاحه
ضحكت رُوح تنطق؛والله بحياتي كلها ما قد عانيت مع مريض هالقد
نجود؛كنت بسال مين بس الاجابه بتكون خصوصية المريض
ضحكت بعلو صوتها تلتفت لـ عذبي والباقيه لان كان حديثهم عن ساجي وعن شغله ونطق هداج؛خلي اللقافه
ضحكت تناظره ؛ وش عليك؟
هداج؛قومي سوي له شاهي
وقفت نجود؛الحين أنا بقوم اسوي
هز راسه بالنفي؛لا ابي رُوح تسوي
رفع عُمر نظره:إذا شاهي خلوا رُوح هي الي تسوي
ضحكت توقف وتسحب جوالها تتجه لـ المطبخ تشغل ابو نوره وتترك جوالها على الرخام وابتسمت تردد معه"ابعتذر عن كل شي إلا الهوى " ابتدت تعدل وزنية الشاهي وتحطه على النار ثم التفت تسند نفسها على الرخام امام الشباك وكان الهوى يداعب شعرها وهي تنتظر إبريق الشاي كانت تردد مع ابو نوره " إلا الهوى ماللهوى عندي عذر" كان منظرها شاعري مُلفت وكل شي جميل اجتمع بـ هالحظه , ابو نوره, شاهي , برودة الليل, و رُوح الي أغمضت عيونها تسرح بعيد عنهم تدخل بهواجسها وأفكارها لحد ما التفت تشيل الإبريق وتاخذ جوالها وتخرج لـ الحديقه وهي لازالت تغني لكن اغنيه لها ذكرى عظيمه ضحك متعب من سمعها ؛وش هالروقان
تقدمت تنزل ابريق الشاهي وتكمل ؛آه يا جود الحزن ويايي وفي الفرحه شحوح !
تقدم هداج يصب لهم ويغني معها؛ ضايع بهمومي الغبرا بوسط المعمعه
ابتسمت ؛ابي تقييمك الصريح !
ضحك يرفع البياله وينطق؛ شوفي هو حلو بس عشانك انتِ الي مسويته صار احلى
___________________________________
"أعذروني إن وجدت أخطاء إملائيه"
اعتذر على التأخير لكن ما كان بيدي وباذن الله بعوضكم عن الشهر الي غبته اعذروني يا حبايب قلبي , البارتات تنزل بـ الانستا قبل 🩵🩵
انستا:najd.9900