اَهنِي بِك حَياتِي يَا رُوح اَلعُمر

-25-

ضحكت تهز راسها بالنفي؛اي شدعوه انتِ ما تغارين ابد أنا الي اغار
ضحكت رُوح تلتفت لـ الجهه الثانيه لانها تعرف ان إيناس تستعبط وقفت تنزل فنجالها والتفت من نادتها جميله؛هلا
ابتسمت جميله تنطق:وش الاخبار ؟ كيف الشغل معك
رُوح ميلت شفتها تنطق؛بصراحه تعب وإرهاق بشكل مو معقول!
إيناس؛انتِ وهو كل ما طلبتي اجازه عطاك أنا وش اقول
ضحكت رُوح تنطق؛واسطه لولا معرفته في بابا ما عطاني اجازه
ضحكت وهج؛اجل حتى أنا بتوظف عند واحد يعرف ابوي
ميلت ود راسها تنطق؛الحين منهو صاحب المستشفى
رُوح؛هو المستشفى لصاحب بابا واللي ماسك الاداره ولده
ضحكت نجود تنطق:يحبها وبعزها والا معروف في شغله شديد
جلست رُوح بجانب وهج تنطق؛لا نبدا بـ الماضي !
ضحكت ود؛هو نفسه الي كان يجيب لك كرتون حلاوه وما يخلي احد ياخذ معك
شهقت رُوح تناظرها؛شعرفك؟
ضحكت عذاري؛شكل عذبي علمها بالماضي الاسود
ضحكت رُوح بذهول؛ترا يكذب يمكن
ود؛اجل إذا مو حق الحلاوه هو الي كان يشيلك على كتفه ويسحب على كل المجلس ؟
ضحكت نجود من ملامح رُوح المصدومه؛هو نفسه حق الحلاوه وحق الكتف والله بنتي أشغلته
رفعت بيادر حاجبها تستمع لسوالفهم ونطقت عذاري؛فيها عباطه من صغرها كانت تقول له وديني البقاله واعطيك بوسه
صرخت رُوح؛عاد ذي ما اذكرها
ضحكت إيناس؛كذابه تذكرها توها معلمتني
ضحكت رُوح تنطق:هذي سويتها بالكل!
نزلت ريناد فنجالها تنطق؛عاد تدرون استفدت منها كانت تروح وتاخذني معها
رُوح؛شفتي كيف؟
ضحكت وهج تلتفت لـ امها؛شفتي مو بس أنا العبيطه!
ضحكت جميله؛طفولتها حافله اكثر من رُوح
التفت رُوح لـ جميله ونطقت؛والله اني انسانه هاديه بس يشوهون سمعتي
,
مجلس الرجال رفع عذبي حاجبه من عُمر الي فعلا يتحاشى ناهل وعياله والتفت لـ سراج يهمس؛صار شي وانا مو موجود؟
رفع سراج حاجبه ؛مرتك ما قالت لك؟
هز عذبي راسه بالنفي ينطق؛ليش وش صاير؟
بلع سراج ريقه؛تخبر رُوح مو قالت لنا في مريض تعالجه اسمه ساجي
سكت عذبي يستوعب؛طلع هو نفسه ولد ناهل؟
هز سراج راسه بـ الإيجاب وكمل ؛جاء يخطب رُوح ورفضه عمي
ارتخت ملامح عذبي ونطق؛وش؟
شد سراج على يده من التفت المجلس لهم ونطق بهمس؛رفضه عشان المشكله الي صارت بعرسك
احتدت نظرة سراج؛مشكله؟ وبعرسي؟ متى صار كل ذا وانا مالي علم ؟
سراج تنهد يكمل؛تمشكل مع عمه وقال انه مريض نفسي وانحت الولد يبي يمد يده وصارت مشكله كبيره
عذبي:عمهم ذا مريض ولا ليش ساجي طلق بنته! تدري إن كان يمديني اتزوج ود من زمان ؟لكن بسبب تعب ساجي عليهم تاخر كل شي؟ يعني عُمر بيصدق كلام الرخمه نايف ؟ ويترك ساجي الي لو تقول اسمه بس توقف صفوف تمدحه وتثني عليه؟
تنهد سراج يكمل؛ياخي والله كلنا وقفنا بوجه عمي وصارت سالفه وزعلت رُوح
سكت عذبي يسمع الي صار بغيابه ونطق؛والله عُمر غلط بحق آل ثنيان
سراج؛حتى هو عارف انه غلط شوف وجهه وتصرفاته بس والله رجال تفهموا موقف عُمر
التفت عذبي يناظر ساجي الي بيده فنجاله وأناظره على نايف ونطق؛اخاف تصير سالفه قدام هالناس !
تنهد سراج يمسح على جبينه ويرفع نظره لـ ساجي الي فعلاً ملامحه كان توصف غضبه لحد ما التفت لـ سطام الي بجنبه وابتسم ثم التفت لـ جسار ونطق؛ لو اخطبها الحين وش بيصير؟
ضحك جسار ينطق؛بتخليها تبرق وترعد
ساجي؛والله ما همني غيرها اخاف أضرها بتصرفي ذا
رفع نظره لمالك يشد على الفنجال؛ودي اغير ملامح وجهه
نطق جسار بوهقه ؛لا يارجال حلوه خلها زي ماهي
,
«قسم الحريم, المطبخ»
اخذت نفس تنزل السكين تغسل يدها؛ريناد قعدت تسولف فوق راسي وخلتني اقطع ذا كله!
ضحكت إيناس؛الاهم انك خلصتيها
ضحكت رُوح ؛غش غش والله غش
تنهدت نجود تنطق؛رفعت ضغطي عيت تفهم تسوي القهوه!
ميلت رُوح شفتها؛تعبي دله وحده؟
هزت نجود راسها بـ ايه وتقدمت رُوح تاخذها من يدها؛خلاص أنا بـ أعبيها خليها عندي