اَهنِي بِك حَياتِي يَا رُوح اَلعُمر

-31-

بلعت ريقها تبي تنطق يقاطعها؛اسكتي ! ما ابي اسمع صوتك ولا تبريرك ! يكفي اللي سمعته يكفي طحتي من عيني انتهيتي بالنسبه لي قرفان منك ومن صوتك !
صرخ ينطق ؛انتِ طالق و طالق بالثلاث وتحرمين علي ليوم الدين ما تستاهلين اوصخ يديني فيك
انحنت لرجوله تنطق؛جسار ! لا جسار
دفعها يبتعد عنها بقرف وخرج يرفع جواله يتصل على نايف و نطق من رد؛اترك مجالس الرجال واترك المرجله لاهلها يا نايف تجي الان بيتي تاخذ بنتك!
قفل ما يعطيه مجال يرد خرج من البيت يجلس على عتبته ينتظر وصول نايف ولو بيده دخل اجرم فيها لكن مايلوث طهارة يدينه بنجاستها نزل راسه بحسره وندم على السنين اللي ضاعت من عمره ،حسافة سنين عمره وحبه حسافة تضحياته ما بان فيها الجميل باعته بـ ارخص الأثمان واستغفلته بنقطة ضعفه مسح على عيونه يحترق قلبه يحترق على عمره اللي مضى يحترق على كذبها واستغفالها له تنهد ينطق بـ الم؛حسافة سنيني اللي ما راح ترجع ! ,جلس مكسور يهوجس بسنين عمره لكن سرعان ماوقف من تقدم له نايف بغضب وخلفه كانوا ناهل وجراح ونطق جسار بسخريه؛جايبهم كعادتك جبان ناهل بحده؛تنادي عمك لبيتك بـ هالاسلوب ؟
التفت جسار لـ نايف؛جبان والله جبان قالها ساجي !
تقدم له نايف لكن دفعه جسار بعدم مبالاه ينطق؛خذ بنتك من بيتي واطلعوا من حياتي
نطق جراح بصدمه؛جسار تكلم زي الخلق
صرخ جسار ينطق؛خذ بنتك واطلع من بيتي!
تقدم ناهل يمسك جسار وينطق؛جسار وش صاير
انفلت من بين يدين ناهل يضرب راسه بالجدار وينطق؛كذبت علي بكل شي عيشتني بكذبه استغفلتني كذبت علي بحملها وبحياتنا أوهمتني بالضنا!
ارتخت ملامح ناهل تسقط عصا جراح من هول اللي سمعوه و دخل نايف لـ البيت يهز راسه بالنفي تقدم بصرخ بـ اسم بنته لحد ما خرجت له بعبايتها تحضنه وتبكي؛يُبه طلقني !
تجمد مكانه ينطق؛بيان ابوي كلميني
رفعت نظرها له تبكي وتنطق؛يُبه كذبت عليه أنا انهيت كل شي خربت بيتي بنفسي
طاحت بين يدينه تبكي بحرقه هي هدمت بيتها بيدينها وانهت حب طاهر كانت نهايته زواج حب الطفوله وحب السنين انهت علاقه عمرها أعوام بكذب وبـ استغفال وكذب بعمرها علاقه دخل فيها الكذب مل تدوم ,كانت تدري ان حبل الكذب قصير لكن كذبت وتدري ان جسار مافي اطيب من قلبه واطهر من حبه لكن خذلته ما كانت قد هقواته هان عليها تستغفله وهو كان حب طفولته ومراهقتها هان عليها كل هالحب بكت بين احضان ابوها تعض أصابع الندم تحترق بشر أعمالها ,وقف نايف بكسره يوقف بنته معه ونطق:هالمكان مو مكانك امشي معي يا بنتي
وقفت تسند نفسها عليه يخرج نايف وتخرج بجانبه توقف تناظر جسار امامها تلاقت أنظارهم تشوف نظره بعيونه ما عهدتها منه اغمض عيونه يصد عنها كله شد على حضن ابوها تمشي تنتهي قصتها معه بسببها وبسبب هالكذبه العظيمه , جلس على حافة حوض الزرع يشوف جده اللي واقف امامه وبجانبه ابوه مسح ناهل على ملامحه وتقدم ونطق جراح؛طلقتها ؟
هز راسه بالإيجاب ؛تحرم علي
بلع ريقه جراح يستوعب المصيبه اللي حلت عليهم وخرج جراح يركب مع سائقه يتصل على ساجي ونطق؛رد رد يا ليث مو وقتك!
,
ميل راسه من وقف امام المستشفى ينطق ؛اول ما تخلصين دقي علي
ابتسمت تاخذ شنطتها ونطق؛يمكن مقدر اتنفس بغيابك ؟
ضحكت من حركاته؛ساجي بتاخر على الجلسه
ميل راسه يقبل خدها يتركها تنزل والتفت يرفع جواله ينصعق من كمية الاتصالات تنهد يتصل على وهاج بحكم انه آخر من رن عليه ينطق من رد؛خير اللهم اجعله خير وش صاير؟
مسح وهاج على ملامحه ينطق؛جسار طلق زوجته
فز ساجي يشد شعره لـ الخلف؛انت صادق؟يا ولد؟
وهاج؛اي والله اني صادق
مسح ساجي على شاربه ينطق؛وين جسار ؟
وهاج؛في بيته ومعه ابوي والموضوع واضح انه كايد
تافف ساجي ينطق؛يا رجال الله لا يضيق على مسلم! وجدي متصل علي فيه شي
وهاج؛جدي حرق البيت عشانك يبيك اليوم قبل بكرا هنا بالشرقيه
عض شفته ساجي ينطق؛مايمديني اليوم مايمديني ! بس لزوم اجي انتبهوا لجسار
وهاج؛والله ساجي الدنيا قايمه قاعده وجدي يكرر كله من نوال
شد ساجي على فكه ؛الشرهه مو عليها على الرخمه اللي معها ما يمسك حرمته لكن هين
تنهد وهاج يوقف؛حاول تعجل برجعتك لان بالكثير ساعتين وتولع بينهم
هز راسه بالإيجاب وكانه امامه يقفل بعدها منه ويرفع جواله يتصل على جراح يوصله صوته؛وينك فيه؟ اتصل ولا ترد علي
مسح على ملامحه يهدي غضبه ونطق؛لبيه ياعيني موجود بالرياض
جراح بحده؛داري انك بالرياض ليث ابيك بالشرقيه
اخذ نفس يدرك جدية الوضع من ناده بـ اسم "ليث" ويدرك غضب جده بلع ريقه ينطق؛أربعة وعشرين ساعه وانا عندك
جراح بغضب؛عجل برجعتك عجل محتاجك يميني
ساجي ؛ابشر تامر امر
قفل يلتفت بدهشه لرُوح اللي تقدمت تركب ونطق وهو يحاول يكتم غضبه ؛صاير شي؟
تاففت تنزل شنطتها ونطقت؛اعتذر عن الجلسه ! مستفز!
هز راسه يلتفت يحرك تلتفت له تنطق بـ استغراب؛غريبه ما مشيت؟
ساجي؛كلمت كم شخص وكنت ناوي امشي على جيتك
ميلت راسها تلاحظ غضبه وحركاته من سحب سماعاته يتصل على فهد وينطق؛هلا بك فهد بالله شوف لي هالرقم مسجل بـ اسم مين أتعبني وهو يتصل ، قفل من فهد تنطق هي؛ليش ما ترد عليه؟
تنهد ينطق ؛ما بفتح لنفسي باب
مدت كفها لكفه تنطق؛طيب تقدر تهدأ شوي؟
اخذ نفس طويل يوقف امام بيت عُمر وينطق يشبه حده؛ما اقدر كل ما قلت زانت الوضع يتعقد زياده
نزعت طرحتها تنزل من السياره ونطقت؛لا تعصب وفهمني
نزل يقفل باب السياره بغضب ؛مافي شي
التفت لها ؛كل ذا ومافي شي؟ فهمني ساجي
مسح على ملامحه وتقدم يمشي تاركها وراه وميلت شفتها تنطق؛كلمني ولا تصارخ!
التفت يناظرها يدخل من فتحت احد العاملات الباب تدخل خلفه رُوح ترمي شنطتها وتنزل عبايتها؛بنقعد كذا؟ كلمني
مسح على ملامحه يرمي سماعاته وجواله وكان بينطق لكن وقفته من رفعت اصبعها لثغره من لاحظت غضبه؛إذا بتعصب وتصارخ علي بدون ما تفهمني وش اللي قلب حالك لا تتكلم
غمض عيونه يرجع ظهره لـ الخلف ينطق؛ما اعصب ولا اصارخ عليك اخسي
ابتسمت بهدوء ترجع نفسها لـ الخلف تسند خدها بكفها تتاثر حصلت شعرها حوله ؛ طيب علمني وش حصل
تنهد ينطق؛جسار طلق
عقد حجاجها تنطق بذهول؛ليه؟
رفع اكتافه بعدم معرفه ينطق؛مدري عن شي باكر راجع الشرقيه
ميلت شفتها تنطق؛إذا تبي ترجع اليوم
قاطعها ينطق؛مستحيل اتركك هنا لوحدك
نطقت بعد تفكير؛مو تقول جسار يحبها؟
ساجي؛إذا تدخلت نوال فسد الحب
ضحك تنطق؛ هالمثل جديد؟
ساجي ؛ لا مب جديد على نوال خربت بيت وحده من بناتها والحين بيت الثانيه
ميلت شفتها تعدل جلستها من ذكر بيادر ينطق هو؛ما اسمح لها تعيش اخوي اللي عشته
عضت شفتها بغيض تسمعه يكمل كلامه؛بناتها تقدر عليهم لكنها كيف قدرت على عمي خلته نذل و رخمه يا حيف بس
التفت من رن جواله يرد على ود ويحط سبيكر ينزل الجوال جنبه وينطق؛اهلاً
ابتسمت ود؛دريت صح؟
مسح على ملامحه ينطق ؛مايخفى علي شي
تنهدت ود؛اليوم كنا راجعين الرياض لكن كنسلت كل شي ورجع عذبي لحاله
ساجي؛زين لكن لا تتعبين نفسك بالتفكير أنا جاي
ضحكت وهج تسحب الجوال؛الله الله البطل حقنا جاي ينقذ الأمور حبيبي اقعد مكانك لان احتمال تجي ترتكب جريمه
ضحكت ود ؛ساجي ابوي دفع ثروته كلها على البيت بعد تكسيرك
ضحك ساجي بخفه يتلاشى غضبه ؛شيلوا القزاز
وهج؛بيتنا بيسلم هالمره لكن برسل ل نوال تنتبه لـ بيتها وعيالها
شتت نظرها رُوح تسمع حوارهم المتبقي وهي فعلاً تعكر مزاجها من غضبه ومن طاري عايلة نايف
,
مسح سراج على ملامحه من رفع احد عيال ابو محمد سلاحه ينطق؛اعوذ بالله هداج وش قاعد يصير؟
رفع هداج حاجبه يشد على يد سراج؛اصبر يمكن تمثيل
التفت سراج يناظره بصدمه؛تمثيل ايش مريض انت بنموت
هداج ؛أنا رُجل امن وش هالمهزله
وقف سراج يلتفت لـ عزام وعُمر ناوي الهروب لحد ما صرخ العريس ؛والله ما ياخذها غيري
سراج بهمس؛جايبنا عرس مجانين؟وش والله ما ياخذها غيري وهي زوجته
وقف هداج بتوتر ينطق؛مو وقتك سراج اسكت لو لثواني
تقدم الولد يصوب السلاح على راس العريس ينطق؛تطلق اختي الحين
صرخ العريس برعب؛طالق
تركه من بعدها يخرج والتفت سراج بصدمه؛وش اللي صار؟ كواكب تطلقت؟ مالي قعده هنا
وقف ابو محمد يتقدم يحضن ولده والتفت سراج لـ هداج؛شكلك صادق تمثيل بس وين الكاميرا؟
صرخ العريس برعب يطلق فعلاً ويخرج من القاعه يلتفت
سراج بصدمه؛وش اللي صار؟ مالي قعده هنا
وقف ابو محمد يتقدم يحضن ولده والتفت سراج لـ هداج؛شكلك صادق تمثيل بس وين الكاميرا؟
مسك سراج شماغه؛اعوذ بالله من هالمهزله !
,
«الشرقيه , قصر ناهل»
دخل خلف ابوه وهو في حاله يرثى لها فزت له جميله تتقدم تسحبه لـ أحضانه ,اصبح خائر القوى بين يديها تراخى بين يدينها يسند نفسه عليها يرجع طفل بين يدينه ينطق بـ انكسار؛يمه أستغفلتني!
شدت عليه تنطق؛انتهى انتهى يا نور عيني انتهى
عضت شفتها وهج تمنع دموعها وصعدت لغرفتها تتركهم وميلت ود راسها على كتف وهاج تشوف نظرات ابوها الحزينه لـ جسار وهو بين احضان جميله , مسحت على شعره تنطق؛ما كانت تستاهلك يا امي انت سويت اللي عليك و زود وجاء منك خير وماجات منك مضره شريت خاطرها يا امي وأعطيتها فرصه والتمست لها الف عذر ما جاء منك قصور يا يمه الغلط مو منك
انحنى تنحني معه جميله ينطق بحرقه؛كل هذا ما بين بعينها حسافة ايام عمري يا خساره فيها كل اللي عطيته يا خساره
ارتجفت ود من نبرته يشد وهاج على كتفها والتفت تخونها دموعها من صد ناهل يحك عيونه وشدت جميله على جسار؛اهلها ارخصوا اخوي ارخصوا اغلى ناسي يا يمه وكملت معها حبيتها حب طاهر يا يمه هذي جزاتي ؟
حضنته تنطق؛خسرتك والله خسرتك ! خسرت فرصة عُمر !
ابتعد عن امه تلاحظ احمرار عيونه وحالته ونطق؛ساجي وينه؟
جميله؛ساجي بالرياض
رفع كفه يمسح على ملامحه؛درى؟
هزت راسها بالإيجاب ونطقت ود؛بكرا جاي الشرقيه
مسح على ملامحه يوقف ونطق؛بروح انام
صعد مع الدرج يراقبون خطواته ومن ثم نزلت دموع جميله يلتفتون لها بذهول ونطقت ؛حسبي الله عليهم! بعثروا عيالي حسبي الله
تقدم لها ناهل يحضنها وحضن وهاج ود تبكي بين احضانه , عند وهج اللي دخلت غرفتها تمسح دموعها وانحنت تسحب لوحتها تنثر ألوانها حوّلها وتنهمر دموعها مع كل لون تسحبه كانت تبكي وتطلع حرة دموعها و قهرها بـ الالوان وبلوحة سطام الاخيره عضت شفتها تبدا تتعمق بتفاصيل الرسمه وما كانت صعبه عليها ابداً,
,
قبل بـ ساعات رفع نظره على دخول ابوه وبجانبه اخته المنهاره عقد حجاجه يوقف وتوقف نوال تنطق؛بسم الله عليك بيان!
التفت يوجّه انظاره لامه من ارتمت بين أحضانها تبكي تقدم يتوجه لها ونطق؛بيان وش صاير؟
نطقت وهي لازالت تشاهق؛طلقني , طلقني يمه عرف اني ما كنت حامل
شهقت نوال يرفع سطام يده لـ راسه ينطق بصدمه؛ماكنتي حامل؟
بكت ينطق نايف بحده؛اختك مكذبه على زوجها وعلينا حتى بـ سالفة إجهاضها !
وقف سطام يهز راسه بالنفي ونطق؛مستحيل
صرخ نايف ؛مافي شي مستحيل من نوال
رفعت حاجبها نوال ونطق سطام؛كيف طاوعك قلبك كيف؟ بيان؟ كيف طاوعتي امي ؟
تعالت شهقاتها ونطقت نوال؛كان زوجها بيتركها
ضحك سطام بذهول من اللي يسمعه؛يتركها هذا التبرير؟ الحين مو بس تركها الحين طلقها, طلقها يمه
وقفت نوال تترك بيان ونطقت؛ترفع صوتك على امك؟
هز راسه بالنفي ينطق:ما تخافين ربك؟ خربتي بيتها؟ تعرفين يمه جزاء التفريق بين زوجين تعرفين ؟!
بلعت ريقها برعب من صراخ ولدها لكنها ما تحملت تضربه كف ونطقت؛تصارخ على امك؟
ضحك بسخريه يرفع اصبعه؛امي؟ أنا أكبر عدو لك من اليوم وتارك لكم هالبيت وهالديار بكبرها
صعد لغرفته يترك الحوار يشتد بين نايف ونوال , صعد لغرفته يرمي اغراضه بشكل عشوائي ويسحب جوازه ويخرج من غرفته ومن ثم البيت كامل يتركهم ويغادر,
,
العاصمه ميلت شفتها تتجاهله و رفع يده يحك جبينه ينطق بهدوء ؛رُوح؟
رفعت نظرها له ونطقت؛نعم؟
تنحنح ينطق؛ما يرضيني زعلك يا عيني
رفعت حاجبها وكمل؛أعتذر عن كل شي إلا الهوى
ميلت راسها تلعب بخصله من شعرها وتنطق؛مال الهوى عندي عذر؟
ضحك بخفه يتاملها ونطق؛ما قالولك قلبي ما يتحمل؟
ميلت شفتها؛لا ما قالوا لي
ميل راسه يصبح مثل ميلان راسها ونطق؛ابي أشوفك بصغرك
عقد حجاجه تنطق؛وش الطاري؟
رفع اكتافه بعدم معرفه ونطقت؛ثواني بس
ابتسم يشوفها تشبك جوالها بـ التلفاز ونطقت؛في كل صوره لي لازم تشوف سراج فيها
ضحك من ابتدت توريه الصور ونطق؛انتِ؟
هزت راسها بالإيجاب ونطق؛حلوه ولذيذه حيل
ضحكت من ضل يتامل ذات الصوره بفستانها الأبيض وشعرها القصير وملامحها البريئه تضحك ضحكه مليانه برائه ونطق؛حلوه يا رُوحي
ضحكت توريه الكثير من الصور لحد ما وقفت عند صوره لها بـ ايام مراهقتها هي بين أحضان خالها ومن حولها سراج وهداج وريان يتاملها عقد حجاجه؛من هذا؟
نطقت بذهول؛ما عرفته؟
هز راسه بالنفي ونطقت؛هذا ريان ولد خالي احمد
رفع حاجبه ينطق؛يجلس معكم وذا عمره ؟
ضحكت تنطق:مو منجدك كنا اطفال؟
تعالت ضحكاتها من كانت توريه الصور وكان كل تركيزه على ريان وضحك على مقاطعها الكثيره من سراج وابتسم من شاف مقطعها اللطيف وقت حضنت سراج وكانوا يصارخون ونطقت؛هذا بيوم قبولي بـ الجامعه
التفت يناظرها وانحنى ناوي ثغرها لكنها ابتعدت؛عيب!
ضحك بسخريه ورفع حاجبه ياشر على مقطع ؛هذا مقطع وش؟
بلعت ريقها بتوتر تنطق؛شي مو مهم
كانت واجهة المقطع شعرها متناثر حوّلها وضحكتها هي اللي جذبته لـ المقطع,نطق بهدوء؛وريني
هزت راسها بالنفي ومد يده ياخذ منها الجوال لكنها رفعته تسقط ويسقط عليها ميل راسه ما يفوت فرصته يقبلها وياخذ من بين يدينها الجوال وصرخت تنطق؛استغلالي !
ضحك يمسك يدها وينطق بشبه حده ؛بنت!
تاففت تنطق ؛ساجي!
التفت لها ونطق؛ لا تقولين لي ساجي لا تقولين
عضت شفتها من ضغط على المقطع يلتفت لـ الشاشه يسمع اصوات تصفيق وتعالت ضحكات رُوح يتناثر شعرها والشال محاوط خصرها كانت تضحك وتتمايل ,صفن حتى بعد نهاية المقطع يرفع إبهامه يحك طرف شفته ويستغفر والتفت لها ينطق بهمس :هلاك والله هلاك
بلعت ريقها تنطق؛يكفي صور
قفلت جوالها ونطق؛والله ما يكفيني !
نطقت بتغيير لـ الموضوع ؛متى بتمشي ؟
سند راسه عالكنبه ونطق؛ما ودي بشرقيه ما ودي أشوف جسار مكاني
قاطعته تنطق؛جسار مو مثلك انت خسرت صاحبك جسار طلقها نصيب وانتهى هذا اللي صار
مسح على ملامحه ينطق؛روح جسار ما يطلق إلا و وراه سبب
ميلت شفتها تنطق ؛يمكن اعطائها فرصه ثانيه و الفرصه الثانيه في ناس ما يستاهلونها وجسار اعطى بيان فرص كثير على حسب كلامك ويمكن عادت أغلاطها العلاقه اللي يكسيها فرص كثيره تشين
عقد حجاجه يسمعها تكمل؛المحب ما يزعلك قاصد ولا يجرحك قاصد اللي يحب ما يأذي ولا يكذب اللي عشت معه ايام حلوه ومريت معه بـ هالمرحله وجرحك وأرخصك اعرف ان بعمره ما حبك صحيح ممكن تنتهي العلاقه بس يا ساجي لو هالشخص أغلاك بيوم من الايام مستحيل يأذيك
ميل راسه يسمع حديثها وكمية الوعي بكلامها تقدم يقبل جبينها خايف زعلها وخايف يجرحها هو يتشافى بوجودها حوله هي طبه ودواه خايف يفقدها بعد طول عذابه اخذ نفس طويل يسحبها لحضنه ويشد عليها,