اَهنِي بِك حَياتِي يَا رُوح اَلعُمر

-10-

ميلت شفتها تناظر الصور ونطقت:عذبي وش ذا الهلاقه؟
عذبي :وش فيه ترا ورد اصفر
رفعت نظرها له:درينا تحب اللون الاصفر بس ياخي ملكه ورد بينك حاجبه كيوت مع الهدايا
تعالت ضحكات سراج ينطق:حبيبتي جبت لك هديه  والله وش الهديه ورد اصفر
ضحكت رُوح:منجد خلك ذوق لا تخليها تخلعك!
هداج:عذبي فهمنا والله انك تحبها ومتحمس لـ هالملكه لكن تكفى الهدايا خل رُوح تخلصها لان واضح انت تبينا. نطرد
رُوح:الصراحه انت عديم ذوق مع احترامي
انسدح عذبي ينطق:انتِ خليتي فيها احترام؟
ضحكت بذهول تناظره ونطقت:الحين وش بتهديها جوال؟
عذبي:يمكن جوالها جديد
صرخ هداج بذهول:العن ام البخل
ضحك عذبي:امزح آخر جوال نزل
ميلت شفتها تنطق؛بطلب كل شي الصراحه مالي خلق الأسواق وزحمتها
عذبي:مو بكيفك الحين تقومين معي ندور محل وش يضمن لي الطلبيه؟
تأففت رُوح :ياخي شفيك !
ضحك هداج:واضح مره ما فيها حيل
رُوح هزت راسها بـ اسف:والله أعاني انتوا تزوجوا و رُوح الي تآكلها
عذبي:يلا قومي البسي نبي نروح نشوف!
وقفت بملل تطلع لـ غرفتها تسحب اقرب عبايه ونزلت بـ استعجال:يلا جهزت
رفع نظره بذهول:مسرع؟
رُوح:مو مهم يلا قم اشغلتني ان ما سميت بنتك رُوح يا ويلك
عذبي :إذا بتطلع تشبهك افكر!
ضحكت بخفه تتبعه ونطقت:الحمدلله ما راح اسوق!
ضحك عذبي:ورع المتوسط بعد ما ابلش اهله يسوق
رُوح:ورع اي شي اهم شي عندي ما اسوق!
-
وقفوا كلهم بلى استثناء من سمعوا اصوات تكسير ونطقت جميله :ساجي؟؟
ركض وهاج وخلفه ناهل لـ غرفته يشوفون القزاز بكل مكان ونطق وهاج برعب:ساجي؟
كان يضرب راسه بـ الجدار اكثر من مره لحد منكل صرخ ناهل بصوت عالي:ساجي!
رفع نظره ساجي لـ ناهل ونطق:والله لـ اذبحه!
مشى ناهل بحذر ينحي يصير امامه:تذبح مين؟
ساجي:الي تقول انه عمي ! من وانا صغير وهو عدوي ؟ تقول كيف اخذت بنته ولدك حمارر لكن حقي والله ما يضيع!! صرخ مره ومرتين بـ جملة " حقي والله مايضيع"
لحد ما نطق ناهل :مو قاعد تأذي احد غير نفسك؟ مو امس تضحك؟ واليوم تكسر؟
صرخ بعلو صوته يوقف يسحب المرايه الي بجانبه يرميها يتناثر زجاجها بـ أرجى الغرفه:انتوا الي وصلتوا ساجي لهنا وانتوا الي قتلتوا ساجي لو ذاك اليوم ما تهاوشت مع عني كان زاهد عايش ومعنا!
وقف ناهل يسحب ساجي لحضنه:اهدا يا ساجي واذكرر ربك!
كان يحاول يفلت من حضن ابوه لكن هدى من تهاوى جسمه اثر الابره الي ضربته ياها وهج ونطقت ود:جيت جدي اليوم مالها داعي شفت كيف سوى وهو تحسن؟
وهاج؛اي والله امس ما كان كذا! متى تستوعبون ان طاري عمي يزعج ساجي؟
رفع ناهل نظره:خلوهم ينظفون الغرفه
تنهدت جميله من طلع ونطقت بحده:كم مره اقولكم لا تغلطون على اهل ابوكم قدامه !
نطقت ود بحرقه:اسكت؟ اسكت! وانا اشوف اخوي يحترق قدامي و بسبب مين؟ هالناس السخيفه الي ما عندها حياه ولا ضمير؟
وهج:ماما شوفي ساجي كيف كان وكيف صار امس ضحك! ضحك وهو من سنتين ما ضحك وبعد كلام جدي معه انهار ساجي شال كثير بقلبه وانفجر على ذي اتركوه اتركوه في حاله كل ما طاب انتكس ولا كان ساجي من سنتين رجع لحياته الطبيعيه!
-
عند رُوح الي عقدت حجاجها من اتصال ناهل ترد بـ استغراب:في مداهمة فندق ثانيه؟
ناهل :حالة ساجي انتكست
بلعت ريقها تنطق:شلون؟
ناهل:فجاه انهار وكسر
رفعت حاجبها بـ استغراب:امس كان بخير وواضح انه استجاب ! قابل احد تكلم مع احد؟
غمض ناهل عيونه بـ اسى:الافضل اني احوله لـ الطب النفسي
رفعت حاجبها بذهول:أنا الي اقرر دكتوره هي الي تقرر أنا درست حالته ساجي قادر يتعالج لكن في شي يمنعه!
ناهل:وش الشي؟
رُوح:ساجي كل ما ابعد عن امكان الذكريات تحسن
ناهل:يعني؟
رُوح:اكبر عدو لـ الإنسان ذكرياته لذالك لمى يجي الرياض يتحسن
ناهل:بس جده اليوم قابله والواضح صار بينهم نقاش
قاطعت كلامه تنطق:عمه جده خاله الي اعرفهم انهم هم لهم دور كبير باللي هو فيه! ساجي لازم يبعد عن الكلام الي يضايقه لحد ما يتشافى ويرجع انسان طبيعي واذا على الطب النفسي والادويه أنا الي اقرر تحوله او لا وثاني شي ما يحتاج ادويه وان كان كسر فـ هو يفرغ طاقته لان الواضح انه شايل بقلبه كثير والان انفجر!
مسح ناهل على وجهه:وشلون اهديه لحد ما تمر ملكت اخته؟
رُوح:أنا بتصرف
نطق بذهول يشكرها :شكراً يا دكتوره والله اني أتعبتك معي!
ابتسمت ترد عليه بـ " العفو " وتقفل,
,
~ بعد العشاء بيت عُمر~
وقفت تبتعد عن المرايا تحرر شعرها بعد ما انتهت من عنايتها تجلس على السرير بعد يوم حافل بـ الاحداث تتصل على إيناس كعادتها وسرعان ما ابتسمت من وصلها الصوت :اهلين بالقاطعه
نطقت بتعب:نوسه اقسم بالله من الاحداث الي قاعده تصير بنهار!
ضحكت إيناس تنطق بحماس:وش صار!
رُوح:اول شي رحت امس لـ ولد ناهل الفندق
صرخت إيناس بذهول:وش؟؟؟
ناظرتها بصدمه:إيناس اتركي تفكيرك الغبي واسمعيني !
ضحكت إيناس تسمع وش تقول لحد ما نطقت "ضحك" :شلون ضحك!
رُوح:عنده غمازه تفتح النفس
إيناس :وين؟
رُوح:بذقنه
ضحكت إيناس بحماس:اصلاً هو حلو وهو مكشر!
رُوح :ماعلينا من حلاوته وخلي الكذب انسان عادي مره
نطقت إيناس بتقليد:عنده غمازه تفتح النفس!
رُوح:ترا بنخسر بعض!
ضحكت إيناس تسمع حكي رُوح الباقي عن الايام الي ماكلموا بعض فيها, تنهدت تنسدح من قفلت من إيناس لكن ما غاب عن بالها ساجي وموضوعه وتنهدت مره و مرتين تفكر تتصل ولا ما تتصل لكن غمضت عيونها من دقت على رقمه تنتظره يرد وسرعان ما سمعت صوته:مين معي؟
رُوح:الدكتوره الي تعاين حالتك
عدل جلسته ونطق:طيب؟
رُوح:جلستنا الجايه راح تخليني احدد إذا تكمل معي كـ صرخت بذهول من قفل في وجهها :وقح!!
-
عند ساجي الي قفل منها يبتسم مصدوم من نفسه وابتسامته من سمع صوتها هو يكذب يكذب يوم سالها من معي لانه مسجل رقمها لكن وعى من عذوبة صوتها يستوعب الي صار الصبح يستوعب كلام جده يناظر الغرفه الي صارت نظيفه من جديد يستوعب انهم استغفاره لـ المره المليون واعطوه الابره الي وصلته لـ هالمرحله لانه كل ما يقرر يفرغ غضبه ويرتاح من الغضب والحزن الي شايله بـ صدره يضربونه بـ هالابره رص على اسنانه بغضب يرمي فازة الورد الي بجانبه ,
,
~ بيت جسار~
طلعت من غرفتهم تجلس امامه وتنطق:جسار ما غير تشتغل!
هز راسه بـ النفي:ما اشتغل ادور شاليه مناسب لـ ود
بيان:ليش تدور؟
جسار:عشان ملكتها؟
ميلت شفتها تنطق:وليش انت الي تدور
جسار:لاني ابي ادور ان كان جايه تاخذين علوم ماني رايق لك
وقفت تكتم غيضها:جسار ثمن كلامك معي!
رفع نظره لها وهو قرفان من العيشه معها ونطق بهمس بعد ما دخلت غرفتهم:محظوظ يا ساجي والله محظوظ
بعد مرور خمس ايام كانت عباره عن تجهيزات لـ ملكة عذبي و ود حان موعد رحلة آل غياث لـ الشرقيه وكان روتينهم المعتاد مستمر ,
-
وقف سيارته امام محل لـ الايجار ينطق بهمس لنفسه:والله يبو نايف شكلك طحت على محل رهيب
التفت من شاف صاحب المحل يتقدم له ينطق:سطام؟
ابتسم سطام يهز راسه بـ ايه:بشحمه ولحمه
الرجال:تتفضل معي تشوف المحل
هز راسه بـ النفي ينطق:عجبني بدون ما أشوفه
ضحك الرجال بذهول من تهور سطام ونطق:بس ما شفته؟
سطام:بـ اشتريه ما ابي استأجر
نطق الرجال بذهول:بس سعره يكلف
هز سطام راسه بـ النفي:بشتري بكم؟
الرجال:اربعين الف
سطام:مافي منا ولا منا؟
الرجال:شوفة عينك موقعه ممتاز وانت بتشتري ما بتستأجر وانا دام جتني الفرصه عطيتك سعرها
تنهد سطام ينطق:على بركة الله
ابتسم الرجال:متى ننهي الاجراءت
سطام؛اليوم
ضحك الرجال بذهول مصدوم من سطام لكن انه يجهل شخصيته الي تحب تغامر ولا يهمها شي يحب يعيش ويحقق كل شي بخاطره حتى لو كان مستحيل لان بالنسبه لـ سطام ما يعرف المستحيل ,
,
~قصر ناهل~
ميلت شفتها تنطق:وهج بلى عبط باقي وراي اشغال واجد!!
وهج:ملكتك الجمعه اليوم الثلاثاء يا قلبي
رفعت ود نظرها:وانا ما ابي يجي الخميس إلا وكل شي جاهز!
ضحكت وهج من دخول وهاج ونطقت ود:اكتملت!
ضحك وهاج:شفيك انتِ بتتزوجين وتصيرين نفسيه؟
وهج:متحور ساجي
ود:اقسم بالله اناديه يهد عليكم المطبخ
رفعت وهج حاجبها من دق جوال وهاج:مين؟
ود:اكيد حبيب القلب!
ضحك وهاج وفعلاً كان سطام ونطقت وهج:سبيكر نسمع الضايع وش يقول
تنهد وهاج يحطه سبيكر وضحك من نطق سطام:يبو ناهل يا بن عمي يا درع جنبي يا محزمي لا غدت الليالي سود
تعالت ضحكاته ونطق:الله يسترنا بستره وش مسوي
ضحك سطام:ابوي طردني يـ خوي
وهاج ؛وش مسوي؟ ما جاوبت
حك جبينه ينطق:اشريت محل بـ أربعين الف
شهقت وهج وعقد حجاجه سطام:شبلاك تشاهق
التفت وهاج بحده على وهج ونطق:مشتريه بعد؟ لا كريم ماشاءالله عليك
ضحك سطام:ما توقعت لـ الامانه يطردني
ضحكت ود تنطق بهمس:ما توقع !
وهاج:والمطلوب
سطام:تجهز المشب باقي خمس دقايق و اوصل
وهاج:لا يا طيب انت ضيف وعزمت نفسك
ضحك سطام؛بسوي لكم فعاليات
وهاج:مهرج؟
سطام:اقسم بالله لو تجيني قسمه ما يسددها غيرك جهز المشب ولا يكثر صدق ما تستحي على وجهك اسحب كل كلمه زينه قلتها عنك
ضحكت وهج بذهول والتفت وهاج بحده ونطق سطام:استرجل ياخي وش هالصوت المايع
وهاج:اقول هب شحمه لا أطردك
سطام:بيت عمي
وهاج:انه ذا الي يقهر
صرخ سطام بعلو صوته ونطق وهاج برعب:ابو نايف علامك؟
سطام:صورني ساهر صورني حسبي الله عليك !!
نطق وهاج برعب:يلعن شكل العدو خوفتني عليك
سطام:امحق خوف افتح لي البوابه يلا
تنهد وهاج:مسرع وصلت
سطام:انت كنت نايم في حصة اداب الضيافه؟
وهاج:الي اعرفه الضيف مايجي بدون استئذان
سطام:دقيقه ان مافتحتوا البوابه طيرتها
ضحك وهاج من انفتحت البوابه يشوف سيارته تدخل ونطق:تكفون ضبطوا لنا شاهي!
طلع وهاج ونطق وهج:مو طبيعي ذا الادمي
ود:ما الوم وهاج طول الوقت معه يضحك!
وهج:مره تافه مايضحك
ضحكت ود ترفع الايباد توريها تسريحات مختلفه,
,
~ مطار الشرقيه~
كانت تمشي وكفها بكف سراج :ماني مستوعبه البزر ذا بيعرس
سراج:تشوفين كبر!
رُوح:نروح معهم الفندق ولا نسحب عليهم ؟
سراج:نروح على البحر؟
رُوح:اكيد!
سراج:سهره صباحي
رُوح:نروح معهم وننجز الي علينا هم ينامون وحنا نطلع؟
رفع كفه يضرب كفها:ما اقولك لا
عند عُمر الي التفت يناظرهم يضحكون ويسولفون ونطق:اسحب كلامي ما غلطتي
التفت تشوفهم ونطقت:كانهم توام!
عُمر:ربي ما رزقها بـ اخوان لكن عيال عمها العوض
نجود:دايم تنكر ان افكاري حلوه !
عُمر:حرمتيني منك؟ هذي ابداً مو حلوه
ضحكت بذهول تضرب كتفه وضحك يدخلها تحت ذراعه ونطق عذبي:عصافير الحُب
تقدمت رُوح تدخل بين عُمر ونجود:معليش ابعدوا عن بعض
ضحك سراج:إذا تزوجت باخذ نصايحي من عمي بصراحه للحين بالبدايات
هداج:وانا من ثاني اسبوع ادخل بـ النهايات
ضحكت نجود بسخريه:مو كل الرجال عُمر
صفر سراج وصفق عذبي:كلام كبير
ابتسم عُمر بثقه ونطقت رُوح بـ اسى :أنا طرف ثلاث بكل العلاقات!
رفع سراج نظره؛امي وابوي اختفوا وجدي وجدتي بعالم موازي!
ابتعدت رُوح تتقدم لـ جدها وجدتها ونطقت:الحين بـ اسمح لكم تحضنون بعض
تنهد الجد ينطق:رُوح وانا جدك وش تبين؟ كنا نسترجع الماضي!
عذاري:قلت لك اعرسي عشان رجلك يمشي معك بدال ما تناشبينا
ضحكت رُوح بذهول ترجع لـ الخلف:اسحب كلامي!
تقدم سراج يمشي معها ويده على كتفها : توصل الموضوع لـ الزواج
ضحكوا من واخيراً خرجوا من المطار وأمامهم السياره الي مستأجرها عزام يركبون متجهين لـ الفندق ,
,
تنهد يخرج من غرفته واخيراً من الست الايام الي انعزل فيها وسرعان ما ابتسمت جميله:هلا والله بـ عيون امه تعال يـ حبيبي اجلس!
ابتسم بخفه بدون ما تظهر اسنانه يتقدم يجلس مقابلها ونطقت:تو ما نور البيت
اخذ منها فنجال القهوه ينطق بنبرته الهاديه:بوجودك
وضحكت من نطقت وهج:سوسو اليوم يتقهوى معنا
رفع نظره لها وابتسم يناظرها ونطقت:اضحك وخل التبسم نبي نشوف غمازتك
تقدمت تجلس بجنبه وتنطق:الحين سوسو انت تتمرن من ورانا لان مو معقول جسمك حلو!
ضحك بذهول ونطقت: يازين الغمازه ابي اعرف ليش أنا ماعندي!
سند راسه على الكنبه ونطقت جميله:ما تحس بالبرد يومك لابس كذا!
هز راسه بـ النفي وابتسمت تتامله وتتامل جمال ملامحه الهاديه وكثافة رموشه وحواجبه ونطقت وهج :ماما تتامل إنتاجها
ضحكت ود:تتامل اوسم عيالها
ابتسم بخفه يناظرها  ونطقت وهج:صح احلى من جسار و وهاج
ود:والحين يجي وهاج تغرقه مدح
ضحك ساجي ونطقت وهج:اي دايم اضحك واترك عنك التكسير !!
ارتخت ملامحه ونطقت ود بتدارك:ترا سطام بـ المشب مع وهاج إذا بتروح لهم
ابتسم بخفه ينطق:بروح لهم
وقف يقبل راس امه ويمشي متجه لـ المشب ودق الباب مرتين لكن ما كان يسمع غير هواشهم فقرر يفتح الباب وعم الصمت لحد ما ابتسم من منظرهم كانوا لابسين نفس بعض وقدامهم الشاهي  ما هي ثواني الا وقف سطام  :هلا والله بالي له الخافق يهلي هلا والله بـ ابو قوت
ابتسم  يتقدم يسلم عليه وهو يعرف سطام غير عنهم ويعرف محبة سطام لـ عايلة ناهل كبيره تنهد من كان سطام يحاول يسلم على راسه ونطق بنفاذ صبر :والله ما تسلم
رفع وهاج جواله يصورهم  لحد ما ساجي طرح سطام على الارض ونطق سطام:امحق سلام كسرت ظهري
وهاج:ما يناقش
جلس ساجي ونطق:صب قهوه
ضحك وهاج يصب قهوه وابتسم ساجي يسمع نقاشاتهم عن محل الشاهي,
,
عضت شفتها وهي ندمانه اشد الندم انها اخذت جناح لـ حالها تنهدت تدخل "تويتر "ملجئها الوحيد من الملل وما تدري وش خطر ببالها تبحث عن ساجي كتبت اسمه وضحكت من طلعت لها صوره كانت مجلات عالميه كاتبه عنه وعن إنجازاته وقفت عند صوره له مع جسار كان لابس كاب وتيشيرت ابيض مع شورت اسود وسطام كذالك لكن الوان مختلفه وكان جسار يكلم وساجي يضحك صفنت بصوره لحد ما دق سراج:يلا وينك طلبت اوبر اطلعي لي
وقفت تلبس عبايتها وتعدل طرحتها وتاخذ شنطتها تقابل سراج الي مد يده لها؛توقعت نمتي؟
رُوح:كانت افكر انام واسحب عليك لكن الجو ما يتفوت
سراج:الساعه كم؟
طلعت جواله تناظر الساعه ونطقت:اربعه
ابتسم بخفه:وقتنا حلو طلعنا على وقت الفجر
رُوح؛محد ينكر انه احلى وقت طمأنينة الفجر وبحر
رفع نظره ينطق:يلا شوفي ذيك سيارته
تقدموا يركبون معه يوصلهم لـ وجهتهم وفعلاً ما هي دقايق الا وصلوا بحكم ان الفندق قريب ونطقت:نرجع الصبح مشي؟
ضحك بعلو صوته:فكرتي طيب؟
ضحكت تمشي معه لحد ما صار البحر أمامهم يجلسون بجانب بعضهم وتبدا هي تفضفض له ويفضفض لها وتمر الثواني والدقائق وحتى الساعات وهم على وضعهم راسها على كتفه ويده على كتفها تاره يغنون وتاره يفضفضون
,
بعد مرور ساعات وقفوا بصعوبه ونطق سراج بسخريه:تبين تمشين؟
هزت راسها بـ النفي تنطق:ابي انام!
ضحك يناظر السياره الي طالبها وصلتهم وتقدموا يركبون وكل واحد التعب باين عليه وماعي دقايق إلا وصلوا الفندق ينزلون من السياره ينطق سراج:تبين فطور؟
هزت راسها بـ النفي:ابي سرير
ضحك وتوجهوا لـ المصعد  يختارون الدور الي فيه غرفهم, تنهدت من وصلت جناحها تنزع عبايتها بـ اهمال وتقدمت تسحب من شنطتها بجامه كت حرير باللون البينك تلبسها وتعدل شعرها وترتمي بتعب كبير وهي عارفه مستحيل يخلونها تنام لان باقي في تجهيزات ما خلصوها,
,
~ بيت ناهل على طاولة الفطور~
نطق ناهل : وصلوا امس النسايب!
رفعت ود نظرها بتوتر ونطقت جميله:يالله حيهم
نطقت وهج :احسني قاعده اقرا افكار بابا
ضحك ناهل:بـ أعزمهم على العشى
ابتسمت جميله تهز راسها بـ الموافقه وتأففت ود بتوتر لحد ما دخل وهاج:يمه ابي شاهي
شهقت جميله من تذكرت سطام ونطقت:ياقليل الادب سطام بـ المشب من امس ولا عطيته اكل!
ضحك ناهل ونطق وهاج:يمه مندوب رايح مندوب جاي! باقي يأكلني أنا!
وقفت جميله:بجهز له صينية الفطور انتظر تاخذها وسو لنفسك شاهي!
ضحك وهاج  بذهول يجلس مكان امه:مين ولدها؟
ميلت وهج شفتها:عجزت اعرف وش تحب بذا القرد سطام!
ابتسم ناهل يوقف ينطق:بروح الشركه عندي كم اجتماع وبـ اعزم الجماعه إذا ردو عطيتكم خبر وانت واختك قدامي على الجامعه
تنهد وهاج :والله مالي خلق اداوم
ناهل؛ اذلف قدامي الحين
تنهد ينطق :بنتظر سطيم يفطر ويجي معي
ناهل:شفت يداوم وانت ما غير ترقد
وهاج:تخصصه مو زي تخصصي ابني مكعبات!
رفعت نظرها وهج:لا تغلط! وبعدين مدري كيف دخلوه طب وانا متاكده انه إذا دخل عمليه بينسى النقص في بطن المريض
ضحكت ود بعلو صوتها:كارهته لذي الدرجه
وهج:فوق ما تتصورين
تنهد وهاج من شاف ناهل طلع ياخذ الصينيه الي جهزتها جميله ويقبل جبينها ويطلع لـ سطام لكن ضحك من شاف ساجي يلعب مع سطام قيم ونطق:قم افطر وخلي العب
ضحك سطام بـ حزن من فاز عليه ساجي:تراني أفوزك احتراماً لعمرك
ضحك ساجي بسخريه ياخذ بيالة الحليب الي مسويتها امه لـ سطام وينطق:مو بكيفك بتحترمني غصب
طلع ساجي ونطق سطام:طيب رجع حليبي!
ضحك وهاج ونطق:يلا ابلع عشان توصلني مافيني شده اسوق
رفع سطام حاجبه :اليوم عندي اوف وتحلم اسوق بك!
,
عند ساجي الي دخل وبيده كوب الحليب ونطقت جميله:هذا مو كوب سطام؟
هز راسه بـ ايه ونطقت؛رجع لـ الولد حليبه! صدق عيالي ما يستحون!
ضحك يطلع لغرفته يسمع هواش امه وتقدم يجلس على الكنبه الي قدام سريره و اتسع ثغره من نزلت له الجلسات حق الشهر الثاني كامل ابتسم يقرا الجلسه الاولى الي هي يوم الثلاثاء الي بعد ملكة ود و الجلسه الثانيه يوم الاحد الاسبوع الي بعده والاخيره في هالشهر كانت يوم الخميس عقد حجاجه من الايام الي حاطتها والتواريخ الي مختارتها لكن هو فعلاً ما يهمه همه الوحيد الان يرجع الرياض ويبدا اقرب جلسه معها ,
,
بعد الظهر شركة جراح تحديداً مكتب ناهل رفع جواله يتصل على متعب وسرعان ما وصله الصوت:ارحب
ابتسم يرد عليه برحابة صدر:البقى
كملوا سوالفهم يسألون عن حال بعض وعن احوال الشغل لحد ما نطق ناهل:العشى اليوم عندنا! وما ابي اي عذر يبو عزام
متعب:والله اعذرونا والجايات اكثر
ناهل:حلفت يبو عزام تردني؟
تنهد متعب بعد اصرار ناهل ونطق:نتقابل على خير
ابتسم ناهل برضى يقفل منه ويتصل على جميله يبلغها ثم يتصل على جراح يبلغه وكان كل شي يمشي تمام لحد ما نطق جراح :بلغ اخوك نايف و اهله يحضرون
تنهد يكتم غضبه وينطق:يبه تعرف ساجي بيقوم الدنيا!وما يقعدها
جراح بحده:لازم يتصافون ما يهمني!
قفل جراح ونطق ناهل بهمس :ساجي الليله بيهد حيلكم واكون رخمه ان منعته
,
~ الفندق تحديداً جناح رُوح ~
فزت مرعوبه من دق الباب وقفت تسحب روبها وتتقدم تفتح الباب:نعم يا سراج!
ضحك سراج ونطق:ما تردين على جوالك!
رُوح:طبيعي نايمه !
ضحك بعلو صوته من ملامحها الغاضبه ونطق:ترا في عزيمه وبنروح بعد المغرب
رفع حاجبها بذهول؛عند مين؟
سراج:عند آل ثنيان
بلعت ريقها ونطقت : يلا يلا خلاص قول لـ ماما وحده اني صحيت
هز راسه بـ تمام وقفلت باب الجناح تتقدم ترتمي على سريرها وتاخذ جوالها وشهقت بذهول ان الساعه خمسه ونطقت:اوف و توهم يصحوني!
تأففت تفتح شنطتها تطلع ملابسها وكريماتها وتتوجه لـ الحمام " اكرم القارى" وبعد دقايق طويله طلعت وهي لافه روب الاستحمام على جسمها تتصل إيناس :الحقيني!
عقدت حجاجها إيناس:شفيك ؟
رُوح:بعد المغرب بنروح لـ اهل ود
صرخت إيناس بذهول:يعني اهل ساجي لو شافك بالغلط ؟
تنهدت رُوح:غبيه انتِ ما راح اخليه يلمحني لان لو لمحني بيرفع ضغطي ويسوي سالفه وينسحب وابوه يقول لـ عمي ومشاكل لا لها اول ولا تالي بعدين لا تنسين اني كذبت عليه اني كذا فجاه لقيت حسابه واستغربت وهو شكله صدق !
ضحكت إيناس:يالله والله يضحك!
رُوح تنهدت تطلع فستانها الأسود المخمل عاري الايدين طوله لنص ساقها لكن من وراء فيه فتحه بسيطه من الركبه إلى نهايته وضحكت من سمعت تعليق ايناس:يموت يموت يا بنت وانتِ الاسود عليك يسلب العقل! صوري ياويلك ما تصورين
لفت الكام عليها ترسل لها بوسات وتقفل , تتجه لـ المرايا تجفف شعرها بعشوائيه ثم تتركه على راحته وتتجه لـ المرايا تنهي ترطيبها وتبدا بـ ميكبها الناعم الي كان من تدرجات البُني لكن تختمه بروجها الاحمر وقفت  تنثر شعرها وتبدا تسويه استريت , انتهت من الأساسيات وتوجهت تاخذ فستانها ما هي دقايق الي طلعت تتوجه لـ لمستها الاخيره  " عطرها" ريحتها الي تسلب العقل انتهت توقف برضو تام عن نفسها انها خلصت بعد الأذان بمده بسيطه ويمديها تتصور رفعت جوالها تتصور اكثر من صوره وتصور على اغاني مختلفه وكلها كانت وصف في جمالها ودلالها وغنجها وجمال اطلالتها
-
عند إيناس الي صرخت:الماس تعالي شوفي روري
ركضت الماس تاخذ الجوال من إيناس تشوف رُوح الي كانت رافعه الجوال وتبتسم وتغني مع الاغنيه عيونها الناعسه وجمال ملامحها وروجها الاحمر الي زادها جمال لو شافها العاقل انهبل , وبعدها تقدمت تنزل الجوال وتبتعد عنه وهي تلعب بشعرها وتعدله وترقص وهي تردد مع الاغنيه , نطقت الماس بذهول :كل مالها تحلو؟
إيناس:طيب شوفي ذا!
ناظرت كل صورها ومقاطعها ونطقت:تجنن تجنن !