اَهنِي بِك حَياتِي يَا رُوح اَلعُمر

-16-

«صباح يوم الاحد ,الفندق »
كان جاهز هالمره من بدري مايعرف ليش لكن كان جاهز وهالمره بـ ثوبه وشماغه , وقف يناظر ساعته وينطق بملل؛طولت سبع ، رفع جواله يناظر الوقت الي كان يمشي بسرعه لكن هو متلهف هالمره لـ شوفتها مو لـ علاجه متلهف يسمعها ولازال ينكر اعجابه بها و بكلامها بـ اسلوبها كان كل شي يميزها كان يناظر كل الساعات الي حوله على امل ان الوقت يمر بسرعه ,
,
عند رُوح الي ماغفت من امس سانده راسها على المكتب ورفعت راسها بتعب من دخلت إيناس ؛صباح الخيرر!
ضحكت رُوح توقف وتتجه لها تحضنها؛نوسه اشتقت لك
ضحكت إيناس؛ما كنت متوقعه هالكلمه منك
ابتسمت رُوح ترجع مكانها؛اسبوع بدون ما أشوفك هذي تعتبر معجزه
ميلت شفتها تنطق؛واخيراً رجع أسير الاحزان عشان نرجع نشوفك!
نطقت رُوح بعبط؛قصدك سوسي؟
صرخت إيناس؛سوسي! رُوح بسرعه تكلمي ترا لك فتره مو عاجبتني !
رفعت حاجبها بذهول تنطق؛بنت هدي امزح وش علي فيه!
إيناس؛روح لا نضحك على بعض واضح هالمريض غير
تنهدت رُوح؛هو مو غير حالته صعبه لا اكثر ولا اقل
إيناس؛رُوح قد واجهتي الاصعب منه!
ميلت شفتها؛ والله مافي شي بقلبي له واساساً كلها ثلاث شهور وينتهي كل شي وينساني وأنساه
إيناس؛وليش موقفه كل حالاتك
رُوح؛إيناس تعرفني طلب عمي ان هالحاله خاصه وكان واضح من البدايه ان حالة ساجي صعبه!
إيناس؛في شي بعيونك ومردي بعرفه
رُوح؛مافي شي غير انه بعد ثلاث شهور بترك العياده
رفعت إيناس حاجبها بذهول ؛وانا؟ وشغلنا؟
رُوح؛انتِ اكيد معي والعياده بتتقفل
نطقت إيناس بحده؛وانتِ بتقررين عني؟
رُوح؛نوسه بدخل شركه في مستشفى مع سراج فرصه افضل بمليون مرا من العياده!
إيناس؛وانا وش دوري بيكون؟
رُوح؛إيناس انتِ معي بكل شي بعد ثلاث شهور لو انتِ رفضتي أنا بكمل معك هنا ولو وافقتي بمشي مع سراج بـ هالشراكه أنا بس خليني انجز واخلص شغلي ع اتم وجه وبعدها كل شي ينتهي
وقفت إيناس تنطق؛قدامي ثلاث شهور أفكر فيها ونصيحه خلي ذهنك صافي وركزي بشغل مو بشي ثاني
هزت رُوح راسها بـ ايه وتنهدت من دق الباب تنطق؛تفضل عقدت حجاجها من دخلت احدى الموظفات بـ باقة ورد تنطق " هذي لك وصلت ع الاستقبال" وقفت تتقدم تسحب الكرت وتنطق؛ تمام يعطيك العافيه نزلت نظرها من خرجت الممرضه على الكرت تقرأ المكتوب
" صباح السعاده يا بهجة رُوحي " اخذت نفس تشد على كرت بيدها لانها عارفه الورد من مين لكن قبل تتصرف فيه دق الباب ورفعت نظرها لـ الساعه الي كانت"7:00"
رمت الكرت تنطق؛تفضل
غمض عيونه من سمع صوتها لكن تجاهل الشعور الي داهمه يفتح الباب وينطق؛السلام عليكم
شتت نظرها تتجه لـ الكنبه وتنطق؛وعليكم السلام
بلعت ريقه لكن وقف لثواني من لمح باقة الورد الحمراء والكرت المرمي وسطها شد على قبضة يده من خطرت على باله افكار كثيره لكن التفت من نطقت؛تقدر تجلس
تقدم يجلس مكانه " مقابلها" ونطقت ؛كيفك هالمره؟
نطق ببرود ؛بخير
بلعت ريقها تنطق؛ساجي انت تشوف نفسك تغيرت خلال الثلاث شهور الي مضت ؟
رفع إبهامه يحك طرف شفته ويمرر يده على دقنه من سمع نطقها لـ اسمه" ساجي " تشتت ونسى كيف ينطق لان طريقة نطقها ما كانت عاديه بالنسبه له كانت ساحره نطق بهدوء بعد صمت طال لـ دقائق؛اي تغيرت
رفعت حاجبها؛وقدرت توصف تغييرك بـ اي
رفع حاجبه بنفس طريقتها ينطق؛وشلون اوصفه
رُوح؛هل انت ساجي الي عاش السنتين الماضيه؟
هز راسه بالنفي ينطق؛لا هالشهور فرقت وكثير حتى الي حولي لاحظوا اني بديت ارجع لنفسي بديت ارجع ساجي الي يعرفونه
روح؛يعني انت راضي عن هاللي قاعد يصير؟
هز راسه بـ ايه؛أنا بخير وبديت أتشافى الذكريات بتعيش معي سنين طويله لكن ما بتكون عائق لي
ابتسمت لانه نطق نفس كلامها لكن بصيغته ابتسمت بـ انتصار لانه فعلاً تحسن صارت افضل من قبل بمليون مرا وهالشي واضح وفرق والكل ملاحظ نطقت بـ ابتسامه ؛على كذا حتى الثلاثه شهور الباقيه يمكن ما نحتاجها
نطق بذهول؛نحتاجها
هزت راسها بالنفي؛ساجي أنت تجاوبت معي بسرعه إذا هاذي كانت نتيجة ثلاث شهور فـ باقي لك القليل
رفع نظره لها يشوفها تشتت نظرها وتتحاشى نظراته أكملوا الجلسه على هالموال تشرح له حالته ويسالها وتجاوب لحد ما وقف وقفت معه تنطق؛مع السلامه
التفت يناظر الورد الي شاغل باله من يوم ما وصل ونطق ؛ترا الورد مو زين
ضحكت بذهول من خرج بسرعه بعد ما نطق بـ جملته جلست تمسح دموعها اثر الضحك ؛هالانسان مو طبيعي ميلت شفتها لثواني تتذكر شكله بالثوب وهي كانت هالمره لاول مره تشوفه بالثوب والشماغ عن قرب ومحد يقدر ينكر ان منظره فتنه لان كان يندرج تحت كل من المصطلحات ,رزه,هيبه,جميل,وسيم
,
قصر ناهل رفع نظره من نطقت ود؛بابا امس كلمني عذبي وقررنا أنا وهو يكون عرسنا بعد شهر تقريباً
ناهل رفع نظره؛حددتوا تاريخ ؟
هزت راسها بالنفي ؛قلنا كل واحد يكلم اهله بعدين نبدا
ناهل؛الي ودك فيه اختاري الي يريحك
رفعت وهج نظرها بذهول؛شلون يعني! أنا بقعد لحالي وبصير وحيده !
ضحك وهاج بسخريه؛توه يصحى ضميرها
نطقت ود؛واحد وعشرين سنه معاشرين بعض كل يوم تعنفيني توه يصحى ضميرك
وهج؛ترا اقلب عليك وانسى حزني واني ببقى وحيده
وهاج ؛بحول غرفتها غرفة ملابسي زي ما سوينا بجسار
رفع نظره جسار بقرف؛ارجع بيتي ارحم ما غير تطردوني أنت وساجي
نطق ناهل بحده؛هذي نهاية الي يترك حرمه ببيت ابوها ولا يفكر يسأل عنها
نطقت جميله بحسره؛يا يمه مهما غلطت ما تسوي كذا وتصير غلطان مثلها !
رفع جسار نظره ونطق ناهل؛وامك صادقه بالله ما تستحي تحط عينك بعين ولد عمك وانت رامي اخته ولا تسال عنها
نطقت وهج بقهر؛والله تستاهل هالحيه
نطق وهاج بحده؛لا تتدخلين!
تنهد جسار ينطق؛يبه غلطه وكثير وسامحتها !
ناهل؛لو كل ما غلط الشخص ما نعطيه فرصه كان أنا وامك من زمان منفصلين
جميله ؛اسمع كلام ابوك هذي هي الحياه! بس انك ترمي بنت الناس ذي ما ترضي احد يعني مافكرت بموقفها قدام ابوها واهلها ؟
جسار:يمه ما عاد فيني شده اتحمل
ناهل؛خلك رجال ورجع حرمك لا تلحق ساجي الي رماها وطلقها ولا سال عنها والحين جالس لحاله وحيد !
رفعت جميله نظرها؛بيان ما تتقارن بـ بيادر
وهج؛يبه رافعه عليه وهو في العنايه وفي غيبوبه قضية خلع وهو كان يشوفها حياته وروحه وتبيه يسامحها ؟
نطقت ود؛وهج صادقه في ذي بيادر إنسانه مريضه خافت تكمل طوله حياتها مع ساجي وهو مريض لكن من حسن حظه ان ربي كشفها له قبل يجيب منها عيال ويتورط
وقف ناهل ينطق؛تسدون نفس الواحد بمواضيعكم
نطق وهاج بهمس:مو هو الي بدأ الحوار
ضحك جسار بـ اسى؛ود عطيني البراد
رد؛كنا بموضوع زواجي كيف وصلنا لسالفة عمي وبناته؟
وهج نزلت الزيتونة من يدها تنطق؛والله عمي وبناته مرت سنتين ولا تخطينا !
ضحك جسار؛فينا طبع البعير لا حقد
وهاج ؛حتى ذباتك ما تنبلع ياليل بالثلاثيني
ضحكت ود؛يالله منكم ابي تاريخ مميز لزواجي
وهج؛ عيد ميلاد ساجي بعد شهر حطيه يوم زواجك
ضحكت بذهول ؛والله فكره!
,
عند رُوح الي خرجت بـ باقة الورد ترميها بـ الزباله تنطق؛لو صاحبها بدالها افضل
ضحكت إيناس؛لـ هالدرجه الكره!
رُوح؛إنسان محنون مايفهم وما ابي الموضوع يكبر عشان منى
إيناس؛يالله روري معليك هدي وخليني أعزمك على اسبريسو
رفعت نظرها تناظر المطر ؛ما أرق الرياض وقت المطر
ضحكت إيناس تسحب شنطتها؛اكيد هاذي العاصمه!
ابتسمت رُوح تاخذ جوالها وتلحق إيناس الي طلعت قبلها  ؛ الجو اليوم حلو
إيناس؛عشان الجلسه؟
ابتسمت رُوح بدون ما ترد ومدت إيناس يدها تشبك جوالها وتشغل اغنيه لـ ابو نوره وتصل لـ البارت المطلوب  وتردد معه ؛ترا راعي الهوى مفضوح!!
التفت رُوح بذهول تتعالى ضحكاتها الي تسلب العقل
" ما ارق ضحكات رُوح" تشابه بين هالجمله وجميلة
"ما أرق الرياض" لان رُوح تشبه الرياض نادره ومميزه وعظيمة نفس العاصمه ,
،