اَهنِي بِك حَياتِي يَا رُوح اَلعُمر

-19-

-الفندق-
نثرت شعرها ترفع جوالها تتصل على إيناس الي نطقت؛واخيراً!
ضحكت رُوح ؛والله صارت أشياء كثيره احسني بحلم
إيناس ؛احكي لي كل شي بتفصيل الممُلل
ابتدت رُوح تحكي لها ونطقت؛اول ما وصلنا شفت المريـ لكن سكتت ما يطاوعها قلبها تنطق انه"مريض " لانه بنظرها ابداً مو كذا تنهدت تكمل كلامها ,الغثيث وسويت نفسي ماشفته تخيلي دخلت اسلم وبعدها رحت انزل عبايتي واعدل شكلي إلا فجاه يطلع بوجهي ساجي
ناظرت إيناس رُوح تنتظرها تكمل لكن كانت مبتسمه وتلعب بخصلات شعرها نطقت إيناس؛طيب كملي بعدين تخيلي شكله
ضحكت رُوح؛ماني قاعده اتخيل! قاعده اتذكر الموقف وبعدها قال اعتذر وطلع
شهقت إيناس؛اعتذر منك!
هزت راسها بـ ايه تكمل لها كل شي صار لحد ما وصلت لـ بيادر ونطقت؛ طليقته مو طبيعيه تخيلي حاطه ساجي خلفيتها
نطقت إيناس بذهول؛يقولون هي الي طلبت الطلاق
رُوح؛جنون مستحيل احد يكون صاحي يسوي الي هي تسويه!
ميلت إيناس شفتها ونطقت؛واضح اساساً ما ارتحت لها كيف كانت الصوره؟
نطقت رُوح ؛حلوه و مو شوي ,
وضحكت إيناس تنطق؛مو شوي!
رُوح نطقت؛الصوره الي مصورها يعني
كانت إيناس تضحك ونطقت؛بس بس لا عاد تكملين!
ضحكت بـ اسى تودعها وتقفل وترتمي على السرير وهي تقفل ازرار بجامتها ما عاد آخر زر واول زر و التفت تاخذ جوالها من وصلتها رساله وشهقت بذهول تجلس تناظر الاسم "ولد ناهل" بلعت ريقها بذهول هي طول عمرها تعطي المرضى رقم ثاني لكن هالمره عطته رقمها بحكم انه المريض الوحيد الي بيكون معها خلال الست شهور ,تنهدت تفتح الرساله تشوف الكلام المكتوب
"صباح الخير ,أعتذر عن الازعاج يـ دكتوره،ارجعي الرياض"
رفعت حاجبها بذهول تنطق؛يستعبط؟ وش دخله تنهدت تكتب له" نعم ؟" بدون ما ترد على اي شي ثاني لانه فعلاً عصبها
,
«قصر ناهل,تحديداً غرفة ساجي»
كان منزل الجوال بجانبه والتفت من سمع اشعار وهو لاول مره جواله مايكون صامت يحب جواله يفتح رسالتها وضحك من قرأ"نعم؟" لانه فعلاً كان يستعبط ويبي يطول المحادثه رفع يده يمررها على ذقنه ويرسل لها"جلسة الخميس يا دكتوره " بلع ريقه من قرا رسالتها"يصير خير يا ولد ناهل, واتمنى ما تتكرر لان الوقت متاخر " ابتسم يقفل جواله بدون ما يرد عليها لكن غمض عيونه ينطق؛والله انتِ كل الخير ,وقف يسحب اقرب تيشيرت من سمع اذان الفجر ويطلع من غرفته متجه لـ المطبخ ونطق؛ود
التفت عليه تنزل كوب قهوتها ونطقت؛اهلين!
تقدم يجلس ونطق؛وش تسوين؟
ابتسمت تنطق:وهاج وسطام بـ المشب والعامله نايمه فـ أنا اسوي احسن من يقومها
هز راسه بتمام وتقدم يطفي على الشاي ونطقت بذهول؛ليش؟
نطق بهدوء؛عشان يصلون الفجر
ضحكت بذهول تنطق؛واو!
ضحك معها ونطق وهو يفتح الثلاجه؛متى عاد رجعك المحامي يا حضرة المحاميه
ميلت شفتها بزعل لانها ما توقعت يوم من الايام يصير ساجي يسألها عن زوجها ,التفت من شافها ساكته وعلى وشك تبكي قفل الثلاجه يتقدم لها ينطق؛صاير شي ياود
حضنته ونطقت ؛لا تنطق اسمي كذا تبكيني وبعدين ما توقعت ان بعد شهر زواجي وبترك بابا وبترك هالبيت وفوق هذا أنا صرت متزوجه! وتسألني عن زوجي ساجي ما ابي , دخل وهاج بنص حديثها واشر له ساجي يسكت وسرعان ما ضحك وهاج؛ما تبين المحامي نكنسله لعيونك
كتم ضحكته ساجي ونطق بهدوء؛وهاج اسكت
ابعدت عن ساجي ونطق وهاج؛حتى انت فيك ضحكه اضحك
رفع ساجي يده يحك طرف شفته ونطق؛ دام كذا يا ود هينه توقعت شي كايد
رفعت نظرها له وبكت من جديد ونطق وهاج بذهول؛يا ادميه شفيك؟
صرخت تنطق؛ لا تقولي ود بذي النبره
التفت يناظر وهاج و وهاج يناظره لحد ما دخل ناهل؛شصاير؟
ركضت ود تحضنه ونطقت ؛بابا
شد عليها ناهل يناظر ساجي الي يدينه على جنبه ووهاج الي يحك جبينه ونطق؛وش مسوين لها
وهاج؛ما تبي عذبي تبي نخلعه
نطق ساجي بسخريه؛نخلعه ليش متزوجينه معها؟
وهاج؛يا ثقل دمك
خبط ساجي يده على ظهر وهاج ونطق؛خفيف دم
نزل ناهل نظره لـ ود ونطق؛وش صاير؟
ود؛ما ابي اترك هالبيت!
ابتسم ناهل يحضنها يناظر ساجي الي يشتت نظره والابتسامه مرسومه على ثغره ونطق؛اضحك اضحك
ناظر ابوه؛لا لا محشومه ود
التفت ود تناظره؛قلت لك لا عاد تقول ود بذي النبره تبكيني
ناظرها بهدوء وهو يعرف انها من زمان ما تحب ان ساجي بذات ينادينها بنبرته لانها تلمس فيها حنيه مو معقوله وقت تزعل وتبكي إذا نطق "ود" يخليها تبكي وتنهار وتعصب منه , ضحك فعلاً من نطق وهاج؛ ما ودك تقول وهاج؟
هز راسه بـ النفي وهو يضحك ونطق؛الفجر,الفجر
ناظر وهاج البراد؛والشاهي طيب؟
ساجي:بعد الصلاه
طلع ساجي لغرفته عشان يلبس ثوبه وكان بيلحقه وهاج لكن نطق:بنت
ابتعدت ود عن ناهل تنطق؛ شتبغى يا الغبي!
ضحك ينطق؛شاهي سويتيه بمويه عاديه ولا دموعك ضحكت ونطق ناهل؛حتى لو بدموعها تشربه غصباً عنك
ضحك يرفع يدينه ينطق؛الله يرضى لي عليك هي ضحكت انت ليش تشخصن الموضوع؟
نزل بـ استعجال ونطق؛وهاج هيا اعجل
التفت يناظر فيه؛متى خلصت؟
تجاهله وهو يمشي لكن وقف من نطق ناهل؛كلمك اخوك
هز راسه بالنفي ونطق؛بتداوم اليوم؟
رفع نظره لـ ابوه وهو يمشي بجانبه لـ المسجد ونطق؛اداوم؟
ابتسم ناهل؛شركتك؟ مكتبك؟ ما اشتقت لـ الإمكان؟
ضحك وهاج ينطق؛المقصد ان الإمكان اشتاقت لك
ضحك بذهول من ردد ناهل؛الأمكان كلها مشتاقه لك
ضحك المره الثانيه ينطق؛الصلاه يبو جسار؟
ضحك ناهل وتقدم سطام؛ناسين الضيف بـ البيت
التفت ساجي يناظره؛أي ضيف؟
ناظره بذهول ينطق؛وصل جرحك يا ولد عمي
,
العصر كان المشب بارد وبشكل مو طبيعي بحكم انهم لعبوا سوني لحد ما اذن العصر ثم سكتوا يتقهوون ونطق سطام؛الحين كم لك شخصيه يا ولد عمي
التفت له ساجي وهو مو رايق ابداً من امس ما نام إلا ساعتين وماوده يعصب؛يا ولد عمي يمكن يصير شي ما يعجبنا
ضحك سطام لان كلهم منفسين لان ناهل بلغهم يستقبلون عذبي الي فعلاً دخل وهو يسلم وفروا له يسلمون عليه ونطق ساجي؛تقهوى بعدين بناديها لك
جلس عذبي وهو يشوف الإرهاق الواضح على وجيهم ونطق؛عسى ما شر
وهاج؛لا وانا اخوك بس من امس ما ذاقت عيني النوم
عقد حجاجه بـ استغراب ونطق سطام؛لاتاخذ كلامه بجديه
ضحك عذبي ياخذ ويعطي معهم وهو ملاحظ صمت ساجي الي شوي ويموت من الإرهاق والتفكير وقف من وقف عذبي يوصله لـ السياره؛فمان الله يبو متعب ينادي لك ود وبدخل مره وحده
ابتسم عذبي يشد على يده وينطق؛نوم العوافي
ضحك لان فعلاً النوم طاغي عليه دخل ينادي ود ويطلع لغرفته يرمي كل ملابسه ويبدلها بشورت ويرتمي على السرير وينام بدون تفكير لانه فعلاً مُرهق, بالاسفل نطق وهاج؛ تكفى بس براد ثاني!
هز راسه سطام بالنفي؛يرحم والديك بروح بيتنا!
ضحك وهاج يسحبه والتفت سطام لعمه جاهل وهج الي خلفه؛بالله عليك يا عم فكني منه والله ابي بيتنا
سرعت خطواتها تمشي لـ داخل وهو غض بصره لانه يعرف ان هذي وهج بحكم انهم يتحجبون فقط ونطق؛يا ادمي فكني عمي تصرف
كان ناهل يضحك بـ اسى على حالهم؛منت برايح نام في المشب
ضحك وهاج؛بروح اجيب لنا فراشين
مسك سطام راسه بتعب وهو يشوف عمه يطلع مفتاح سيارته من جيبه وياخذه ويمشي لـ الداخل وضحك وهاج بعلو صوته يترك سطام يرجع المشب وهو مهدود حيله لانهم لعبوا لساعات طويله,
,
«الرياض , بيت متعب»
كان روتينهم عادي هداج بداومه اغلب وقته لكن اليوم تفرغ وقرر يجمعهم ونطق ؛ يعني إذا رُوح مو موجوده مافيه رُوح بـ هالبيت
ضحكت نجود تنطق؛أنا متاكده لو جوال رُوح ينطق كان تافف من كثر اتصالات عُمر
ابتسم عُمر لانه يقلق ويخاف عليها حتى من نفسه لكنه متطمن ان عمها واخوها معها نطق متعب ؛بنته وبنتنا الوحيده ما تبونه يقلق؟
ابتسمت عذاري لانها تعرف مقدار حبهم لـ رُوح ونطقت؛إلا وينهم اليوم؟
هداج ؛كلمتني رُوح وقالت ان عذبي بيروح مع زوجته يختار القاعه وبعدها يرجع ويمشون
ابتسمت نجود؛والله البيت بدونهم ولا شي
هداج؛أنا ولد الجيران صح؟
ضحكت نجلاء تشرع يدينها له ونطقت؛تعال يا قلب امك اول حفيد واول ولد واغلى ولد
,
«الشرقيه , قصر ناهل»
وقف امام القصر يدخل السياره وينطق؛عجبتك القاعه
هزت راسها بـ ايه؛والله رُوح الله يسعدها اختصرت علي وقت التدوير !
ابتسم ؛بس بدخل اسلم على عمي وعمتي وبمشي الرياض
شهقت بذهول من تقدم يقبلها وابعدت عنه بذهول ؛قدام بيتنا!
ضحك ينزل قدامها وياخذ اغراضه من السياره ودخلت ود تسبقه تبلغ ابوها الي طلع يستقبله؛ارحب
تقدم يسلم عليه ونطق؛البقى يبو جسار!
ناهل؛تفضل وانا ابوك
تقدم يدخل وابتسمت من تقدمت جميله تسلم عليه ونطقت؛تو ما نور المكان
قبل راسها وهو ينطق؛بنورك يا عمه
جميله؛حياك
ابتسم من دخل وشافها قدامه تصب القهوه ونطق؛تسلمين
ابتسمت له بدون رد تتقدم لناهل تصب له والتفت جميله على نزول ساجي المستعجل الي نطق؛السلام عليكم
ردوا السلام وتقدم يسلم عليهم وابتسم من مد له عذبي مفتاح السياره؛ماقصرت والله خدمتني
ساجي؛ما بينا يبو متعب
التفت على جميله الي نطقت ؛طالع؟
هز راسه بـ ايه؛بمر على جسار وانجز كم شغله لان بكرا ماشي الرياض عندي جلسه
ابتسمت برضى من تقدم يبقل راسها وخرج مباشره لكن وقف مكانه من انفتحت البوابه ودخلت سيارة عذبي بحكم ان رُوح وسراج جايين ياخذونه تنحنح من نزل سراج يتقدم له ونطق؛مرحبا
ابتسم سراج ؛ الله يسلمك
صافحه ساجي وهو ينطق؛علومك عساك بخير؟
ابتسم سراج؛والله ولله الحمد انت بخير؟
ابتسم ساجي يرد عليه بـ المثل وينطق؛اجل بحفظ الرحمن أنا ماشي يبو عزام
سراج نطق بهمس من مشى ساجي لـ سيارته ؛عدت هالمره بدون كسور لكن التفت من طلع عذبي وخلفه ناهل يسلمون على بعض ويودعهم ناهل ,
ركب عذبي بـ الخلف ونطق؛مشينا؟
مدت له رُوح قهوته ونطقت؛مشينا الرياض مشتاقه ولا؟
ضحك سراج؛عذبي والله نسيبك داهيه
عقد حجاجه عذبي؛اي واحد؟
سراج؛ماغيره ذاك الوسطاني
عذبي؛ايه ساجي والله ما قصر معي بالأمس عطاني سيارته يارجال تبارك الله السياره رهيبه
ابتسمت رُوح تنطق؛سوالف سيارات مالنا فيها
,
عند ساجي الي طلع مسرع كعادته لبيت جسار  لكن وقف السياره من دخل الحي ورفع نظره لـ بيته البيت الي عجز يبيعه من وقتها وتقفل بلع ريقه تمر عليه كل ذكرى بـ هالبيت وآخرها ذكرى طلاقه الذكرى الي احرقت قلبه والي حس فيها بـ الغدره من اعز الناس له كيف ينسى وهي ذكرى علمته أشياء كثير مسح على ملامحه يرد على جواله ونطق؛فهد
ابتسم فهد؛خلصنا من التركيبه العطر جباره ياخوك جباره !
ابتسم بذهول؛بهالسرعه؟
فهد؛ساجي والله انك مجنون, مجنون يا خوي قوت انباع بشكل مو عادي
ابتسم ساجي من تذكر زاهد يترحم عليه وينطق؛اجل يا فهيد سرور
ضحك فهد بذهول؛سرور ؟
هز ساجي راسه بـ ايه؛نبدا بسرور وانا اخوك بكرا أنا جاي الرياض وبشرف على العبوات والتركيبه وكل شي ومن بعدها ينطلق براند"SA" من جديد بتركيبه جديده
فهد؛تامر امر بكرا على شي بيكون جاهز
ابتسم ينطق:ما يأمر عليك ظالم
قفل فهد وتنهد ساجي يحرك متجه لـ بيت جسار ونزل يدق الجرس وسرعان ما فتح له جسار المبتسم يحضنه ويبوس خده وينطق؛ياخي اقسم بالله احبك !
ضحك بذهول يبعد جسار ويمسح خده؛وش تبي مناديني
ابتسم جسار؛يا رجال اشتقت لك! ما اشتقت ايام نلعب كوره مع ورعان الحي
ضحك لانهم كانوا كل مغرب ينزلون يلعبون كوره مع الأطفال لحد الساعه عشره ويرجعون بيوتهم ضحك فعلاً لانه تذكر ايام حلوه رغم ان الذكرى السيئه موجوده لكن ما ينسى الايام الحلوه الي عاشها هنا التفت من نطق جسار ؛حياك
هز راسه بـ النفي؛لا والله عندي اشغال بكرا رحلتي بنجزها وبعدها ان كان فيك حيل نتقابل بـ محل سطام
تنهد يناظره؛تكسر بخاطر اخوك الكبير؟
تنهد ينطق؛فنجال واحد؟
ضحك جسار يدخل وهو محاوط كتف ساجي يدخله لـ المجلس وتقدم لـ المطبخ وضحك من طلعت بـ الصينيه تنطق بـ ابتسامه ؛توقعت يدخل
قبل خدها واخذ الصينيه ونطق؛ويلومني؟
ابتسمت بهدوء تمشي لـ الصاله وهي مبسوطه بعد ليلة امس وكثيرر,
,
مر عليهم يوم كامل فيه وصلوا الرياض وفيه وصل ساجي الرياض ومر يومهم طبيعي تماماً لانهم مروا بـ احداث كثيره وصلوا لـ اليوم المنتظر من رُوح وساجي "الخميس"
,
تنهدت رُوح تنزل وطرحتها على اكتافها وضحكت بذهول من حضنها  ابوها من الخلف يقبل راسها وينطق ؛صباح الخير
التفت ترتفع تقبل خده؛صباح النور يا نور عمري!
التفت عُمر لـ نجود وينطق؛أنا صدقيني بيجي يوم واموت من كلام هالبنت
ضحكت تحضنه ثم تتوجه تقبل خد امها وتحضنها وضحكت نجود تنزل كوب قهوتها وتشد عليها؛لو اني داريه ان شرقيه تخليك تشتاقين لـ امك كذا من زمان أرسلتك
ابتسمت تحضنهم كلهم وتنطق؛والله احبكم
ابتسم عُمر بحب كبير لها ونطق؛ بتداومين الحين؟
هزت راسها بـ ايه تنطق؛اليوم جلسة الخميس بدري شوي
ابتسم عُمر يدخلها تحت ذراعه ويوصلها لحد سيارتها؛اقري أذكارك يا رُوح عمري وتحصني والله يوفقك وينور دربك ابتسمت تحضنه وتقبل خده ؛والله احبك!
ضحك يقبل جبينها؛وانا احبك يلا لا تتأخرين
ابتسمت بُحب وهي تدعي من أعماقها تكون الجلسه اليوم حلوه وان ساجي ما ينسحب هالمره تنهدت تشغل أغنيتها المفضله لـ " صوت الحُب " وابتسمت من ابدت تغني معه " انت يا اغلى من عيوني يا ضياي وكل كوني"
" حبك بقلبي جنوني ولو طلبت عمري أفداك" كانت تردد معه بكل حُب وحتى لو تنكر بانت مواري الحُب على ملامحها تنهدت توقف امام العياده تقوي قلبها وتنزل, نزلت تدخل وتتوجه لـ مكتبها متجاهله انه جالس بـ الاستقبال ينتظر وقت الموعد دخلت غرفتها تنزل شنطتها وتعدل طرحتها وتبلغ الاستقبال ان المريض يقدر يدخل , نزلت النوت بحضنها من اندق الباب ونطقت؛تفضل
دخل ينطق بكل هدوء؛السلام عليكم
رفعت نظرها له كان لابس الثوب بدون شماغ ونظارته الي كانت على شعره نزلها يدخلها بـ جيبه وتقدم يجلس هو ما كان عنده اي خيار ثاني حتى يعرف إذا تحبه او لا  بلعت ريقها تنطق؛وعليكم السلام يا ولد ناهل
ابتسم ينطق؛ادري ان موعد الاحد فات وكان سببي فـ أنا اعتذر منك يا دكتوره واعتذر عن كل شي سيئ شفتيه مني خلال الخمس شهور
رق قلبها من نطق " خلال الخمس شهور " بلعت ريقها وهي تفكر معقول كل شي انتهى كانت بتنطق من قاطعها يكمل حديثه ؛ادري حالتي أتعبتك كثير اعتذر منك لان  أنا لو كنت اليوم بخير وبصحه وسلامه قدامك فـ هذا بفضل الله ثم فضلك ابغاك تسامحيني يا دكتوره لأن أنا اليوم احس نفسي فعلاً بخير ما كان سهل الي مريت فيه وأتعبتك معي شكراً
بلعت ريقها تشد على النوت وكنا ينطق؛أنا بفضلك تعرفت على إنسانه طلعتني من كل الي أنا فيه
ارتجفت يدها يفلت القلم وانحنت تاخذه ونطق؛ رُوح
ارتجفت يدها يفلت القلم وانحنت تاخذه ونطق؛ رُوح
تنهدت لانها سمعت اسمها حاف منه وكانت نبضات قلبها متسارعه بشكل مو طبيعي , بلع ريقه يرفع ابهامه يحك طرف شفته وينطق؛دكتوره رُوح أنا أشكرك الحين مو عشان نفسي أشكرك لأن أنا طلعت من كل ألي أنا فيه بسبب انسانه طلعتني من كل هالشي إنسانه حبيتها بكل مافيني
رمشت بذهول تمنع دموعها تنزل لانها فعلاً جاهله انه يقصد بـ هالانسانه هي,شتت نظرها تنطق؛العفو وهذا واجبي يا ولد ناهل وأظن اننا وصلنا نهاية هالطريق الله يوفقك بحياتك ويجعل ايامك الجايه مليانه فرح وسرور ومبروك مقدماً
سكت يناظر فيها يتفحصها بنظراته يلاحظ لمعة عيونها ورجفت يدينها ,ابتسم بخفوت لانها نطقت "مبروك" بطريقه أربكت شعوره كان يتمنى يسمعها منها وقت تصير زوجته لكن يبي يتاكد من شعورها يبي يتقدم لها وهو عارف انه مستحيل تردن تنهد وهو يتمنى انه ما غلط بتصرفه وقف يبتسم لها بـ امتنان والود وده يعيش على هالكنبه ويتاملها لكن تنحنح يبتسم لها ويطلع وسرعان ما رمت القلم من انقفل الباب وتقدمت تقفله بالمفتاح وترمي طرحتها هزت راسها بالنفي تنطق؛رُوح اهدي مشاعر عابره اهدي سحبت كاسة المويا تجلس على الكنبه لكن سرعان ما نزلتها من نزلت دموعها كان توهم نفسها انه مستحيل تحبه لكن جاها مختلف بكل شي فيه بطريقة تعارفهم بـ أسلوبه و اسمه وكل شي فيه كان مختلف بطريقه تسلب عقلها ما توقعت ينحرف قلبها من نطق انه يحب إنسانه كانت تبكي وهي بعمرها ما نزلت منها دمعه على شي ما تحبه هزت راسها بـ النفي تنطق؛روح انتِ مو كذا رفعت نظرها يمر عليها كل حدث جالسه على نفس الكنبه الي شافته جالس عليها بـ اول لقاء شهقت تنزل دموعها زود ونطقت؛تكفين لا يا روح لا تبكين !, كانت تحاول تقنع نفسها انه وهم لكن استحاله يكون وهم مواري الحب واضحه عليها مو مجرد اعجاب هي حبته وتعمقت في حبه مثل ما حبها هو انفضح بحبها وصار واضح الحب عليه لكن هي ما زالت تكابر غمضت عيونها تحاول تهدي نفسها لحد ما دق الباب وتقدمت تفتحه لانها متاكده انها إيناس فتحت الباب ودخلت إيناس ونطقت بذهول؛روري؟
حضنتها رُوح ونطقت إيناس ؛رُوح
رُوح؛إيناس والله حقير حقير
ناظرتها إيناس بذهول من ابتعدت عنها تتقدم لـ الكنبه ونطقت؛من الحقير وش صاير اشربي مويا وتكلمي
تنهدت تهز راسها بـ النفي وتنطق؛إيناس والله ما كان بيدي والله لو بيدي ما التفت له والله مو بيدي
ارتخت ملامحها تنطق؛ساجي؟
هزت راسها بـ ايه تمسح دموعها وتكمل؛إيناس انتهت الجلسات وانتهى كل شي اعتذر من وشكرني ما اكتفى وكملها يوجع قلبي زياده ! ويقول ايش؟ بفضلك تعرفت على انسآنه طلعتني من إلي أنا فيه
صرخت إيناس من استوعبت؛نعم ؟ ساجي ؟ ويوجع قلبك؟ والله اني كنت داريه انك تحبينه!
تاففت رُوح تعلمها بكل شي وناظرتها ايناس بحزن تسحبها لـ حضنها؛بس بس! لا تبكين
مسحت دموعها بعشوائيه؛ما ابكي عليه ابكي على مشاعري الغبيه! وقفت تاخذ عبايتها وكملت بروح البيت ارتاح وارتب افكاري
هزت ايناس راسها وهي تعرف رُوح تكذب تعرف انها تنكر وتكابر اهم شي ما تضعف عند احد تنهدت تمسح على ملامحه بـ اسى من دموع رُوح الي فعلاً ارجعت قلبها
,
وقفت قدام البيت وهي ما تعرف اساساً كيف وصلت لـ البيت لانها ما كانت بوعيها اخذت شنطتها تنزل لـ البيت وسرعان ما ناظرت عُمر الي رفع نظره لها وهو توه بيخرج لداومه لكن وقف يناظر شكلها طرحتها الي على اكتافها وملامحها شديدة الاحمرار وموج عيونها الي حرك كل شعوره ينطق بحنيه؛ابوي روح ليش رجعتي بدري؟
رمت شنطتها تركض تحضنه وبكت من شد عليها هي قويه قدام كل إنسان لكنها تنهزم عند عُمر شد عليها ونطق؛بس بس يا رُوح حياتي وش صاير
ابتعدت عنه تمسح دموعها ونطقت؛ما صار شي
قبل جبينها ؛ افا من مزعلك يا رُوح
رفعت نظرها للأعلى وهي ما ودها تبكي ونطقت؛الكل والله الكل مزعليني ، سحبها لحضنه وهو مو عارف ان قصدها بـ الكل " ساجي " ولو يعرف كان احرقه قبل تنزل دمعه من بنته , ابعدت عنه تنطق؛بابا خلاص تاخرت على دوامك
رفع حاجبها بذهول ؛تقولين لي دوام وانتِ تبكين ؟ احرق الشركات كلها لعيونك !
ضحكت تمسح دموعها ورفعت نظرها من نزلت نجود الي ارتخت ملامحها تركض لها؛وش فيه؟
التفت عُمر لها ويرفع اكتافه بمعنى ما يعرف والتفت نجود لـ رُوح تحضنها وتقبل راسها ؛تعالي يا امي معي تعالي
غمضت رُوح عيونها تشد على امها وهي فعلاً تعبانه معقول الُحب يوجع لـ هالدرجه معقول انه مُهلك لهدرجه شتت نظرها تبتعد ان امها وتصعد لغرفتها بتعب كبير,
,
«المصنع»
نزل وهو يلبس نظارته والتفت على فهد الي تقدم له؛بو ناهل ارحب
ابتسم يصافحه؛البقى يا فهد ندخل؟
هز فهد راسه بـ ايه وسبق ساجي الي دخل وهو مُنبهر تماماً من اجمل منظر بـ النسبه له عطور وعبوات واحب الروائح له , التفت على فهد الي نطق؛ شوف هذي العبوه طبقوا تصميمك بالضبط
رفع العبوه وهو فعلاً مُعجب بشغله ودقة رسمه والتفاصيل بـ عبوة العطر و زاد انبهارها من الاسم الي مزين العبوه فتح العطر يشمه ونطق؛رهيب
ضحك فهد؛يعجبك شغلك؟
ضحك ينزل العبوه ؛ راح نشتغل الحين عن طريقة الإعلان عن العطر وبتفاهم معك على التفاصيل
هز فهد راسه بـ ايه ونطق؛بعد شهر تقريباً عندك شغل بـ الإمارات بتروح له
التفت يناظره وينطق؛شغل وش
رفع فهد جواله يوريه الصور ؛ طالبينك خصيصاً بعد ما وصل لهم العلم انك رجعت لـ الشغل وعمي جراح قال بياخذ شورك
رفع نظره ونطق؛ارسل لي كل الصور وبعدها نتصافى,
لبس نظاراته  وهو يخرج تارك فهد ورفع جواله من اتصال وهاج الي نطق؛اهخ يا شين الشرقيه بغيابك
سطام؛تدري يا ساجي اني من قوة شوقي لك كتبت قصيده
ضحك وهو يركب سيارته ؛ بالله انت صادق؟
تنحنح سطام ؛ مشتاق لك أكثر من الشوق شوق بدوي ضاعت أغلى نياقه
ضحك ساجي بعلو صوته؛يا نصاب
وهاج؛تراه سارق الشعر قدام عيني
ساجي ؛اي وش بغيت؟
وهاج؛اتطمن عليك وعلى الرياض
ابتسم ساجي ؛الرياض حلوه حيل وانا اخوك
وهاح؛يعني احجز لنا أنا و سطام نجيك
هز ساجي راسه بـ النفي ينطق؛بكرا راجع أنا
سطام؛زين عشان لو تطول الشوق بيلعب فيني , ضحك ساجي بعلو صوته
,
مسكت راسها بتعب تفتح عيونها تستوعب وين نامت وتأففت من الم ظهرها تسحب جوالها الي يرن ترند؛نعم ؟
نطق سراج؛بدري؟ توك تردين علي؟
مسحت على ملامحها ونطقت؛ لا تصارخ وش صاير؟
سراج؛الحين اسمعي ريان ولد خالي احمد يبي يتواصل معك ضروري عشان بنته
فزت تعدل جلستها وتنطق؛ريان؟ ليش وش صاير زوجته حالتها انتكست؟
نطق سراج؛قالي انهم راجعين السعوديه عشان عرس عذبي ومنها تشوفين موضوعها وموضوع بنته
تنهدت بتعب؛ارسل لي رقمه اساساً أنا اليوم خلصت الجلسات مع المريض الي كان ست شهور بتفاهم معه على كل شي , قفل سراج ووقفت تتوجه لـ الحمام تاخذ شاور وتحاول تتناسى الي صار اليوم هي بعمرها ما كانت ضعيفه مستحيل الحُب يضعفها لذا الدرجه اخذت شاور عميق تحاول تبعد ساجي عن تفكيرها وهي مو مستوعبه ليش بكت ليش نزلت دموعها؟ صحيح ان دمعتها طارفه وانها شخصيه حساسه لكنها قويه ومستحيل تضعف قدام اي شي بـ الدنيا تنهدت تخرج من الحمام تنثر شعرها على روبها وتبدا بعنايتها هي ما تدري كيف نامت الوقت هذا كله لكن تعبها وإرهاقها خلال الخمس شهور اليوم انتهى وقفت تلبس بجامتها وتعدل شعرها وتنزل لـ الاسفل تنطق؛مساء الخير
نزل عُمر فنجاله ينطق ؛ارحبي ارحبي يا بعد كل الخلايق
ضحكت تتقدم تحضنه ونطقت نجود ؛ونجود لها الله
ضحكت توقف تتوجه لها ونطقت نجود؛في شي على الطاوله ما شفته
التفت تناظر قبل ما تقترب من امها وتقدمت لـ البوكس الي على الطاوله وسرعان ما صرخت ؛ SA قوت وصل؟؟
ضحك عُمر ؛اي اخذته من عند الباب اليوم
ضحكت بذهول تفتحه وتاخذ العطر ونطقت؛والله اشتقت له!
تقدمت تتعطر منه والتفت لـ امها؛ماما والله ريحته ترد الرُوح
ضحك عُمر لانه فعلاً مبسوط انه يشوف فرحتها مع ان موضوع دموعها الصباح شاغله وكثير تقدمت تجلس بينهم وبحضنها البوكس ترفع جوالها تصوره ونطقت بهمس وهي تنزل الصوره ؛ ذا ينسيني ساجي واهله !
نطقت نجود؛كلمك سراج احرق جوالي يبيك
هزت راسها بـ ايه؛اي يبيني بشي عشان الشغل وكمان ماما خالي احمد راحت على الاسبوع الجاي
نطقت بذهول ؛ والله؟
رُوح؛هو وخالتي و ريناد وريان واهله يعني كلهم
عُمر؛عشان عرس عذبي ابو ريان مستحيل يتركه بوقت مثل ذا
هزت رُوح راسها بـ ايه ونطقت؛عذبي حجز القاعه يوم ايش؟
ضحكت نجود؛هو بعد أسبوعين بس مستحيل تتوقعين اليوم
ميلت شفتها تفكر وسرعان ما نطقت ؛ماما تكفين لا!
ضحكت نجود ؛يوم احد ويوم ميلادك بعد
رجعت راسها ونطقت:يالله مو معقول وقته دايم غلط!
,
مرت عليهم ثلاث اسابيع وهم على نفس حالهم مابين تجهيزات عرس ود وعذبي وما بين رُوح وإيناس الي قفلوا العياده وقاعدين يدورون على مستشفى يكملون فيه شغلهم وما بين ساجي الي عقله وقلبه وكل تفكيره مع رُوح وكل ما يجيبون طاريها يفز قلبه قبله وما بين رُوح الي لازالت مجروحه من الشي الي صار ومن كلام ساجي وهي قاعده تحاول تنساه لكنها ما تعرف ان الحُب شي ما ينتسى كان كل واحد يعيش صراع داخله بعيد عن الثاني كان كل واحد فيهم يظن ان الثاني عايش حياته وتخطى كل شي صار في الخمس شهور والصدف لكن كان كل واحد فيهم يحترق و يغار ويموت الف موته مجرد ما يتخيل ان الثاني بيكمل حياته مع شخص آخر ,و رجوع خال رُوح الي تاجل إلى اليوم لاجل يقابلهم في الشرقيه بحكم انه بقى على الزواج اسبوع واحد فقط،
,
«الفندق»
نطقت بتعب ؛خاله منجدك قولي غيرها!
نطقت نجلاء ؛روري ناهل عزم جدك وابوك وعمك ومستحيل يردهم
ميلت شفتها بتعب ؛طيب تونا واصلين!
نطقت ريناد؛والله صادقه بعدين حنا جايين من برا
ضحكت رُوح تنطق؛حتى أنا كنت معهم
رفعت نظرها مها لهم ونطقت ؛أنا مالي خلق
التفت رُوح لـ مها الي هي زوجة ريان وهي عارفه انها تعبانه وحالتها كل مالها تدهور ومو طايقه حتى نفسها ولا بنتها الرضيعه الي عمرها ما كمل سنتين وبلغها ريان بحلاتها وهي تنتظر بس عرس عذبي يعدي وتبدا معها الجلسات التفت تناظر مسك الي جالسه تلعب بـ ألعابها
التفت ام ريان ؛الحين ناهل هذا من يكون؟
نطقت عذاري؛ابو ود زوجة عذبي
ام ريان ؛ماشاءالله وكم عنده عيال
نجود؛عنده بنتين وثلاث عيال
ام ريان ؛الله يحفظهم له
ميلت رُوح شفتها وهي وهم كارهه بيت ناهل بشكل لكن فزت من دقتها ريناد ؛ونوسه متى بتجي؟
رُوح؛كلمتني تقول ما راح يمديهم يجون إلا قبل العرس بيوم
ريناد؛يلا خيره اتهنى فيك قبل تجي تسرقك
ضحكت رُوح ونطقت؛تصدقين والله وحشتيني يا حيوانه!
نطقت عذاري؛خلوا الشوق والوحشه باقي معكم ساعتين ونروح عند الرجال
ميلت رُوح شفتها وهي تشوفهم تخرج كل وحده لجناحها ما عاد ريناد الي بقت معها لان جناحهم واحد ونطقت ريناد؛ روري الحين وش تفكرين تلبسين
ميلت رُوح شفتها تنطق؛في فستان ابيض لفوق الركبه افكر فيه من كعب عنابي ؟
نطقت ريناد بـ اعجاب؛مُجرد ما تخيلته على جسمك طار عقلي
التفت رُوح لجوالها الي يدق ونطقت؛هلا قلبي؟
نطقت سراج ؛ قلبي ؟ دخت خلاص اغمى علي
ضحكت تنطق؛نعم وش تبي؟
سراج؛يالخاينه ساحبه علي عشان الي معك ! تراني انسان اشتاق ! انزلي اشربي معي شاهي
التفت تناظر ريناد الي كانت مشغوله تطلع اغراضها ونطقت؛تم جايتك
نطقت ريناد بـ استغراب ؛وين رايحه؟
ميلت شفتها تنطق؛بروح عند سراج
ريناد؛يالله ثقيل الدم حتى بـ ذا الوقت ناشب لك
ضحكت تعدل طرحتها وتنطق؛اخوي ما ارضى عليه!
ريناد؛يلا روحي له وخليني اخلص
,
«قصر ناهل»
نطقت وهج ؛الحمدلله عزمتهم صدق اشتقت لـ رُوح
ضحكت جميله؛أنا ماني فاهمه كيف قويت علاقتكم
ود؛سراقه سرقتها مني المفروض أنا زوجة عمها
ضحك ساجي بذهول ونطق وهاج؛حتى ساجي الي نادر يضحك ضحك على نقاشكم الغبي وش سرقتها شنطه هي
نطق ناهل وهو يناظر ساجي ؛يا هالرُوح الي خذت عقولكم
نطق وهاج ؛ابي أشوفها من كثر ما تكلمتوا عنها
التفت له ساجي يرمي عليه المخده وينطق ؛اترك الناس
وهاج؛ خلاص عشان ساجي يشوفني محترم اخطبوها لي
ضحك ناهل من ملامح ساجي ونطقت جميله بـ ابتسامه؛وهاج اسكت
ود؛الحين من معهم
ناهل؛خال عيال عزام وبنت عُمر
ميلت ود شفتها تنطق؛بس ما قال لي عذبي!
تنهد ساجي يمسح على ملامحه ويوقف يطلع لـ الحديقه ما يتحمل ولا يقوى ولا يرحمون قلبه الشجي ولا شوقه الي طغى اشتاق لها وبشكل مو طبيعي هو لاحظ رجفتها ورجفة صوتها وكل شي فيها يوم كلمها في آخر جلسه كان بيسوي هالشي لجل يتاكد من مشاعرها لكن هالشي لعب فيه زود وحيره هو ما عاد يتحمل اكثر ما يبي تكون كذا وهو من كلام امه وخواته الدائم عنها عرف انه مستحيل انها ما قد انخطبت التفت من تقدمت له جميله تجلس بجانبه ؛ساجي امي وش عندك
التفت يناظرها ونطق بكل هدوء ؛ولاشي
ميلت شفتها تنطق؛ و رُوح ؟
ارتجف قلبه ونطق يمثل الاستغراب؛رُوح؟
ضحكت تنطق؛دكتورتك مسرع نسيتها؟ ليش تعصب كل محد ذكر اسمها ؟
شتت نظره ينطق؛ماله داعي نجيب طاري بنات الناس واي رجال مكاني كان سوى الي اسويه وهذا تصرفي مع كل بنت تذكرونها
ابتسمت تنطق؛بس هذي مو تصرفات اي رجال هذي تصرفات مُحب
التفت يناظر امه بذهول ونطقت؛انت اكثر من يسمع لـ فنان العرب الحين في اغنية توصيني على الكتمان وش كان يقول؟
ضحك بخفه يحك طرف شفته ونطقت؛ساجي تبيها؟
التفت يناظر امه ونطقت ؛تبيها؟
____________________________________
"أعذروني إن وجدت أخطاء إملائيه"