اَهنِي بِك حَياتِي يَا رُوح اَلعُمر

-9-

~ بيت متعب~
دخلت تنزل عبايتها وتوقف قدام المرايا تعدل شعرها وتسحب جوالها تتصور اكثر من صوره كانت جميله جميله بشكل يفتن القلب ويذهب العقل جمالها ابداً مو عادي وكثير على اي شخص يشوفها تفاصيلها الفاتنه وعيونها الناعسه كل شي فيها يفتن ,نزلت جوالها بعد ما انتهت من التميلح تنحني تاخذ شنطتها بيدها وتتوجه لـ المجلس الي ما كان في غير جدتها ونجلاء ابتسمت من شافتهم تنطق:السلام عليكم
اتسع ثغر عذاري ونطقت: وعليكم السلام وش هالزين كله يا ماشاءالله !
تقدمت تقبل جبينهم ونطقت: طالعه على جدتي
ضحكت عذاري ونطقت:ايه ايه شكل بتطلعين اليوم من هنا مخطوبه
رُوح :دام الموضوع كذا انا استاذن برجع بيتنا!
ضحكت نجلاء:امي سببت لك فوبيا
رُوح :مالك ذا ناشب بحلقي تبون تجيبون لي غيره؟
عذاري:رجال وسيم ووظيفته زينه وخلوق ويحبك
رُوح :الله يحفظه لـ اهله انا وهو خطان لا يلتقيان
ضحكت نجلاء ونطقت:خلاص اقطعوا النقاش الحريم وصلوا
قامت عذاري وكانوا خلفها يستقبلون الحريم الي وصلوا
,
عند الرجال كانوا سوالف واخذ وعطى لحد ما نطق متعب: والله عندي عذبي خطب له وملكته اذا تحددت باذن الله كلكم معزومين
ابتسم ابو منى:بأذن الله اول الحاضرين يبو عزام
ابتسم مالك يسمع كلام ابوه ومتعب وهو عقله مو في هالمكان كل تفكيره كيف اخذت الورد وهل اعجبها وهل وهل افكار كثيره تراوده وكلها عن رُوح لانه يعشقها عشق مو طبيعي وكل ما يجيب رقمها تبلكه من قوة عشقه لها حجز عندها موعد بـ اسم شخص ثاني لاجل يقابلها ويختلي فيها ويسولف معها لكن كان هالحب بنظر رُوح "مرض" نطق عذبي يقاطع افكاره :الا يـ مالك كيف الدوام معك؟
ابتسم مالك بخفه:والله زين وانت كيف المحاماه ؟
عذبي:عشقتها لاجل ابوي
هداج:خلوا عنكم مافي مثل العسكريه
سراج:كرف بكرف
هداج:متكي في مكتبي وعلوم زينه
ضحك مالك:شغل الشركات مافي زيه
كملوا سوالف على هالموال وهم كلهم يعرفون ان مالك يدير شركة ابوه ويدير كل امواله وعندهم خير ولو وافقت عليه رُوح كانت راح تعيش ملكه لكنها رفضته مرتين ,
,
عند رُوح الي تقدمت تحضن إيناس:وينكم!!
ضحكت الماس:اقولك خويتك غبيه تمشي اربعين
رُوح :زحمة الرياض رلا انا اعرف نوسه
رفعت الماس يدينها تكش عليهم:مالت يعنني الاصدقاء الروح بالروح
احتقرتها إيناس:انا روري اعظم علاقة صداقه مرت في هذا الكوكب!
ضحكت رُوح ونطقت:تفضلوا يلا حياكم الله
إيناس:ياي وصرنا نرحب؟
ضحكت رُوح تدخلهم ونطقت إيناس بهمس :عاد عرفتي من جاب الورد
شهقت تنطق؛يمه نسيت رجعت نمت على طول!
إيناس:انا للحين ما عرفت
ضحكت رُوح وهي عارفه ان هداج هو الي يرسل لكن تحب تعطيه جوه: كنت اطقطق عليك وصار يجيني ورد حسبي الله!
ضحكت إيناس بخفه تنطق:ما علينا شرايك بشكلي؟
ابتسمت رُوح تناظرها كانت لابسه فستان اسود لفوق الركبه مع بوت اسود طويل وشعرها منسدل على ظهرها :واو ياخذ العقل خاصه المكياج ولا غلطه
ابتسمت بخفه:الا انتِ الي طالعه تاخذين العقل وش هالفستان الحلو والوجه الحلو ؟؟
ضحكت بخفه:لا تحشريني بالمدح ! ويلا قدامي وترا ام منى موجوده
إيناس:مره مشتاقه لـ منى!
رُوح :ولدها ياخذ العقل بس بحق ليش ما جبتي زوجي؟
ضحكت إيناس لانها تقصد بزوجي إياد: والله قعد يصيح بس ماني ناقصه ازعاج
رُوح :زوجي مو مزعج انتِ المزعجه!
,
عدى الوقت وفضى بيت متعب من الناس واجتمعوا كلهم في الحديقه الخارجيه نطق عذبي:ماشاءالله يبه دريت ابو مالك سلم له كل الاداره
ميلت رُوح شفتها تنزل نظرها على جوالها تشوف تعليقات الناس على صورها ونطق سراج:الاداره يبي لها عاقل
متعب :مدري وش شايفين فيه الرجال والله انه طيب
سراج:جد اسالني انا اعرفه
هداج:ما علينا اتركوا الناس متى عاد تحددت ملكتك انت
عذبي:ننتظر الرد
متعب:بكرا بدق واخذ منهم العلم ورانا تجهيزات ان كانوا بيحطونها هالاسبوعين
صرخت رُوح ونطق عذبي برعب:شفيك!
رُوح :ياويلك ياويلك ان كان وقت دوامي بعدين وش هالاسبوعين ما تجهزت
متعب:يمديك تخلصين الحين مو صعبه
رُوح:مستحيلل!
ضحك عُمر :اذا ما انهارت وبكت وسوت سالفه مستحيل تلقى فستان
ميلت شفتها تمثل الزعل :بابا يويلك مني!
ضحك عُمر يدخلها تحت ذراعه وينطق:متاكده انك بكرا بتداومين؟
سندت راسها على صدره بتعب والنوم باين بصوتها:خل سراج يجيب سيارتي لـ البيت
عزام:وش يجيبها يوديك الحين
تنهد سراج بقلة حيله؛ طيب خذوا رايي؟
عزام:قم!
وقف وهو يتافف ووقفت بعده رُوح وهي يالله تشيل نفسها  , ركب يشغل السياره وضحك من منظرها وكيف دايخه وهي تمشي :انتِ متى اخر مره نمتي
نطقت بتعب:الظهر بس فجاه تخدرت!
ضحك يحرك لـ بيت عُمر يتركها تنام لحد ما يوصلون,
-
صباح الثلاثاء تحديداً بيت ناهل كان الهدوء مالي السفره والتوتر واضح على وجه ناهل لان ساجي مايرد على جواله الي مُغلق من الاساس كان متوتر وبشكل كبير خوف عليه وما يعرف كيف يوصل له ولا عنده ادنى فكره لكن وقف من تذكر  رُوح وهي امله الوحيد توجه لـ مكتبه وهو ينتظر ردها عليه,
,
بيت عُمر كانت جالسه امام مرايتها تنهي عنايتها وتنثر شعرها المبلول على ظهرها وتنزل متوجهه لـ المطبخ لكن ضحكت من سمعت صوت اغاني من الحديقه ونطقت: اني داريه بيتنا ما يهتز من كل جهه إلا إذا  ذا الملقوف موجود
صرخت بعلو صوتها ومن رفعها سراج عن الارض يدور فيها ويكمل يغني:لقيتك تشبه الصادق
تعالت ضحكاتها ونطقت:نزلني!
ضحك ينزلها وضحك زود ومن كملت تغني مع عايض:لأن الكذب مابه خيرر!
سراج:أنا اعرفف من هو النازل وانا اعرف من هو يرقى
تنهد عُمر بـ يأسى :فوق انكم تبون تفطروني بالشمس اسمع هالنشاز؟
ضحكت رُوح :تعدل لبسها وتقدمت تجلس:امس خمول بس مو طبيعي!
سراج؛وربي صادقه بعدين لازم مكافاه امس وصلتك
ضحكت رُوح وضل عُمر يتامل ضحكتها ونطقت:كم ودك
سراج:سفره خارج المملكه على حسابك
رُوح: لا والله وما تبي طياره خاصه
سراج:هذي كيفك ان كان بغيتي
ضحكت بصدمه:بعطيك خمسين وكثير عليك
سراج:راتبك في الشهر أربعين الف وما تعطيني إلا خمسين
رفعت حاجبها :كلنا نفس الراتب ليش تطلبني مكافاه
سراج:الهديه غير
صرخ عمر :اسكتوا شوي قلبتوا عقلي
ضحكت نجود تصب الشاهي:عاد تخيل انهم صدق توام
عمر:ما قصرتي انتِ ما اعطيتيني مجال اتخيل
ضحكت نجود ونطق سراج:لذي الدرجه تغار مني أنا واختي؟
رُوح:تشوف! تعال اخوي حبيبي أحصنك
سراج:يويلك!
ضحكت لانه عارف حركاتها ونطقت:أفطرت؟
سراج:اي نقوم؟
هزت راسها بـ ايه:اليوم ما عندي دوام بوصلك وبروح لعل وعسى القى فستان لملكة المحامي
نطقو كلهم عمر ونجود بصوت واحد:موفقين
طلع سراج قبلها ينتظرها لأجل توصله لـ سيارته وهاي ثواني الي طلعت له ونطق :وش سر حُبك لـ اللون البني نص عباياتك بدرجاته؟
ضحكت بخفه :هادي وحلو وشتوي
مد يده لـ المسجل يشبك جواله ويشغل لها عايض وتعالت ضحكاتها لانها تعشقه بعد ابو نوره تعشق كل اغانيه,
كملوا طريقهم لحد بيت متعب وكانت نيتها تنزل معه لكن عقدت حجاجها من شافت اتصالات ناهل المتكرره رفعت نظرها لـ سراج : إيناس احرقت جوالي واضح في شي ما يمديني انزل لكن سلم لي عليهم
هز راسه بـ تمام وانتظرته يقفل الباب لأجل تحرك وتتصل على ناهل مباشره وماهيثواني إلا وصلها صوته:السلام عليكم
تنهدت ترد السلام وهي عارفه ان وراه شي وتنتظره يقول لانه مو من عوايده يتصل إلا بعد جلسة ساجي لكن قاطع هالصمت صوته الي نطق؛بغيت اطلب منك خدمه يا رُوح
ابتسمت تنطق بكل هدوء:وش بغيت استاذ ناهل
ناهل:والله لي يومين اتصل على ساجي ولا يوصلني منه رد
عقدت حجاجها تفكر هي وش علاقتها بـذا الموضوع لكن صعقت من نطق ناهل:وزي ما تعرفين ساجي امانه برقبتك
نطقت بحده:شلون امانه هو مجرد مريض وانا دكتوره
ناهل:أنا سلمت لك اغلى عيالي ولا كان ـ إمكاني أعالجه برا!
رفعت حاجبها تضحك بدهشه:اغلى عيالك ومريضي وعلى عيني وراسي لكن أنا برا العياده مالي اي علاقه فيه
ناهل:ما اظن ودك تكسرين فرحة عمك؟
ضحكت بذهول لان ناهل يقول كلام مستحيل يسوويه بس يخوفها لكن اندهش من نطقت:مو أنا الي اتهدد يا استاذ ناهل ومن الاساس كنت اقدر ارفض حالته او اقول له ابوك مرسلني لكن احترماً مني كملت واجلت كل مواعيدي عشان ولدك
ناهل:اعتذر يا دكتوره لكن ان كان ناهل ما يهمك طمني قلب اب على ولده
سكتت لثواني تفكر ونطقت:ارسل لي موقع الفندق ورقم الغرفه واي دور على الواتس
قفل يرسل لها كل المعلومات وهو عنده علم بكل شي مسويه ساجي بالرياض لأجل يتطمن عليه ,قفل جواله يرميه وشد على شعره من شدة خوفه ان يكون صاير بـ ساجي شي ,
,
تنهدت توقف السياره على جنب تدق على رقمه وهي عارفه ان موقفها بيكون غبي لكن هي مضطره تطمنهم عليه وما تنكر ابداً انها توترت لكن مستغربه كثير دامه يعرف الفندق ليش ما ارسل عمال يشوفونه ليش هي بالذات تأففت من ما رد عليها:اوف اوف منك كاني خلفتك ونسيتك!
كانت طول الطريق تفكر فيه وناقده على نفسها شلون تفكر فيه! وليش يهمها من الاساس !
,
~بيت ناهل تحديداً غرفة وهج ~
ضحكت بـ انتصار من انتهت من الرسمه بعد هالايام ورفعت جوالها تصور انجازاتها من كل جهه ثم تتوجه ترسل لـ الرقم الي هي من الاساس مسميته"العميل المجهول " لانه دايم يطلبها بدون اسم بدون شي يطلب منها فقط تنزله في محل ويحول لها الفلوس كل  يوم من حساب مختلف وعقدت حجاجها بغضب كبير من الرساله الي وصلتها"واخيراً ما بغيتي؟" : وش هالاسلوب الوقح
دخلت ود في نفس اللحظه تنطق:صوتك واصل لـ آخر البيت وش فيك؟
رفعت الجوال توريها الرد :بالله مو وقح ما قال يعطيك العافيه!!
ضحكت ود:صدق انك بعالم موازي بيعطيك شي احسن من الحكي الحلو الي ماله داعي
ضحكت وهج لانها تعرف ان مقصد ود " الفلوس" لكن نطقت بتجاهل لـ الموضوع :اي وش بغيتي؟؟
رفعت ود الايباد توريها :شرأيك في ذا؟
صرخت وهج تتامل ألواننا وجماله وصفنت لثواني تتخيل  ود بـ الفستان وصرخت:بيطلع عليك يجنن
ود:اعتمده؟
وهج:وباقي تسألين مره يجين واختصري عشان يوصل بسرعه!
ود:الموقع حلو دام خلصتي رسمتك ادخلي شوفي الفستايين
وقفت وهج:حياة المتخرجين سهله ان باقي بداوم لكن في البريك بدور لي فستان
ود:للحين بابا ما بلغهم مدري ليش
وهج:اتوقع ساجي ما يرد عليه
ضحكت ود بصدمه:يالله في ذا البيت ما يخفى عليك شي
ضحكت وهج تلبس عبايتها وتقبل هذ ود :يالله يا حياتي تناقش إذا رجعت لا تنشب لي دكتورتي
طلعت وهج تاركه ود تكمل طلباتها واختياراتها لـ ملكتها
,
وقفت في مواقف الفندق وتوجهت تنزل تناظر رسالة ناهل" الدور الثالث الغرفه 46" اخدت نفس تمشي متجهه لـ المدخل الرئيسي لـ الفندق وتتوجه لـ المصعد مباشره وتختار الدور الثالث ما تنكر التوتر والرجفه الي فيها ما تعرف الي تسويه صح او غلط هي بكبرها ما تعرف ليش جت وقطعت هالمسافه لاجل تطمن اهله عليه وهي مجرد دكتوره؟
تركت كل افكارها من وقف المصعد عند الدور المطلوب وابتدت تمشي بين الاسياب تدور رقم غرفته لحد ما وقفت امام بابها و غمضت عيونها ثواني ثم التفت تدخل جوالها بالشنطه ما تدري تسمع قلبها الي يقول دقي وطمني قلب ابوه ولا عقلها ومنطقها الي يقول انسحبي لكن نطقت بصوت عالي:قطعت كل هالمسافه في النهايه ارجع؟
رفعت يدها تدق الباب مره لكن ما كان في اي رد ورفعت يدها لـ المره الثانيه والثالثه لكن ما كان في اي رد كانت بـ تنسحب لكن الرابعه قالت هي الاخيره وترجع لكن جاهله انه كان صاحي لكن حس بـ انزعاج من دقتها الثالثه مستغرب  من الي يدق عليه وقف يتوجه يفتح الباب ناسي ان ما عليه تيشيرت , سكت بذهول من فتح وشاف رُوح امامه: دكتوره؟
ناظرته بصدمه وصدت بسرعه تشتت نظرها : اتصلت ابلغك ان جلسة الاحد بتصير اليوم لكن ما رديت
نطق بملل:ومن قالك اني بكمل جلسات
رفعت نظرها له بذهول:أنا قلت والي اقوله يصير
ساجي :ما راح اكمل ما استفدت , كان يكذب بكل كلمه قالها هو استفاد ويعرف لكن من حس ان ابتسامتها راح تكون ملاذه قرر يكسر الجوال الي شاف فيه ابتسامتها قرر ينسحب ما يبي قلبه يتعلق ويتشافى بحبها شتت نظره ونطق: يا دكتوره انتهى والله يوفقك أنا راضي من حالي ما ابي أتعالج
ضحكت بسخريه:والشهور الي أجلت كل مواعيدي عشان حالتك؟
ساجي:أنا قلت لك يا حضرة الدكتوره ؟ قلت لك ألغيها؟
نطقت بكل هدوء وثقه:خمس دقايق انتظرك في اللوبي
رفع حاجبه بذهول " يبتسم" وما كانت هالابتسامه بتمر مرور الكرام لان من سنتين ما " ابتسم " ما ارتسمت الابتسامه على ثغره إلا من كلامها  ابتسم بعد ما مشت لكن تراجع يدخل غرفته هو ما يسوي الي يملى عليه ابد لكن لبس ترنق بشكل سريع ولحقها فعلاً لحقها لانه يحاول ينسي نفسه الابتسامه الي ابتسامها لانه يعرف ويعرف ان الضحكه والابتسامه ما ارتسمت على ثغره من "سنتين" , نزل يشوفها جالسه وأمامها كوب قهوه وعلى حضنها موت ملاحظاتها الدائم تقدم يجلس امامها ونطق:الي اعرفه يا حضرة الدكتوره المواعيد تنزل على جوالي
شتت نظرها تفتح النوت وهي إلى الان مذهوله من منظر عضلاته وكيف طلع امامها وهو بدون تيشيرت :انت يا استاذ عند الدكتوره رُوح
سند ظهره كعادته يحك طرف شفته بـ إبهامه : وصلنا اخو مره عند وين
رُوح:عن الفقد
ارتجف قلبه يبغض هالطاري ويكرهه يكرهه كثيرر كان بينطق بـ جملته " اكره هالطاري" لكن ضحك بذهول من نطقت: تكره هالطاري واضح عليك
ضحك وانلجم ابتسم ثم ضحك هو مصدوم من نفسه ولازال ينكر ان الكلام معها ما فاده لكن هو ابتسم وضحك من سنتين ما ضحك والان يضحك؟ نزلت قلمها وهي منبهره كيف في شهر واحد رسمت الضحكه على وجهه شهر واحد من الجلسات المليانه حكي وما لفت انتباهه زود إلا غمازة ذقنه كانت واضحه وبشكل كبير من ضحكته لكن شتت نظرها تنطق:تكرهه لكن رهبته راح تضل بداخلك ان ما حكيت لـ احد
ساجي :وتظنين الحكي بيفيد ؟
رُوح:انت تحملت بداخلك كثير بوح في الي بداخلك وندور حل وان كان ما بتبوح قدامنا خمس شهور تبوح فيها
صفن يناظرها ونطقت:تخلص بدري وترجع لحياتك الطبيعيه بس انت بحاجة تقول وش الي جرح ولد ناهل وش الي وصله لـ هالحاله؟
عض شفته بقهر ينطق:ساجي
رُوح : ولد ناهل تقدر تبوح بالي بداخلك؟
شتت نظره ونطق بنبره مليانه حرقه وقهر  ؛ انكسرت مرتين وانهدم كل شي  كنت عايش حياتي طبيعي ومبسوط وعايش مع الي احبها لكن هي كانت اكبر غلط بحياتي هي لها دور كبير في الي أنا فيه الحين باعت حُبي لها في في كم ساعه باعت حُبي لها وكل ايامنا الحلوه ؟ ما تعبت نفسها يا دكتوره تسال وش مصيره بعد الحادث لا انسحبت ! اصحى من غيبوبه شهر وعلي دعوة خلع؟ بحكم ان ساجي الي ضحى بكل شي عشانها أحتمال يصير معاق! ان كانت ما تحبني وكله وهم ليش عمي اخو ابوي من دمه ولحمه ما منعها على الاقل لاجل اصحى؟!! لكن الصدمه انه هو الي قايل لها كيف تعيش بنتي مع معاق؟
رفعت راسها لفوق تمنع دموعها تنزل لان كانت نبرته تحكي كل شي تحكي ندمه وكيف حب انسانه كذا ؟ بلعت ريقها تنزل راسها تناظره يناظرها ولأول مره عيونهم تتلقى لانه دايم يشتت نظره لكن هالمره ما أحرم نفسه يتامل ملامحها , تنهدت تنطق بعد صمت كان لمدة دقائق: وحزنت؟ وانكسرت مره ثانيه ؟ ليه ؟ بتكون تافه لذي الدرجه ان كان هالشي جرحك! بسالك انت أصبت بـ الاعاقه؟
نطق بنبرته الهاديه:لا
ضحكت بذهول وانقبض قلبه من ضحكتها وما ينكر ان دقات قلبه تسارعت ونطقت:أعتذر لكن يـ ولد ناهل ربي يبغى لك الخير الدكتور عطاهم خبر مو اكيد لكن انسحبوا على طول بان معدنهم والمواقف تبين معادن الناس انت توك ما نصفت الطريق حتى عيال ما جوك وهذا دليل ان الله سبحانه وتعالى يبي لك الخير ويبعدك عنهم المفروض تسجد سجود شكر تحمد ربك ميه مره انه نجاك من هالزواج واذا على عمك توجع لكن سالته ليش واجهته؟
سرح يتذكر  المواجهه الي صارت بينه وبين بيادر
,
~ فلاش باك~
دخل لـ بيته بمساعدة جسار لان جسمه مليان كسور ونطق بحده من جلس بمساعدة جسار على الكنب:تقدر تطلع في كم كلمه بقولها لها
هز راسه ينطق:ابشر وطلع يترك ساجي يتصافى مع بيادر بعد ما درى بقضية الخلع الي رافعتها عليه , رفع نظره يشوفها تنزل بـ استعجال من الدرج ويناظر ملامحها شديدة الاحمرار صد يغمض عيونه من ركضت تحضنه وتقبل عنقه :كنت خايفه ما ترجع لي
عض شفته ونطق بقرف :ابعدي عني كان شعوره تجاهه كلها كره كيف تبدل حبه العظيم لها لـ كره ابتعدت عن جسده تحاوط وجهه بكفينها:ساجي شفيك يا روحي؟
رفع يده بصعوبه يبعد يدينها عن وجهه ونطق:ابعدي عني! ابعدي عني ! بكل برود تنتظريني وفي بيتي وتنتظرين مني استقبلك بيحضن وبوسات ؟؟
جمد وجهها لثواني وصرخ بغضب:يا حسافة كل كلمة احبك قلتها لك يا حسافة حُبي وسنين عمري الي ضيعتها معك !!
غمضت عيونها دموعها تنهمر وانطقت برجى :ساجي تكفى! اسمعني ما كان بيدي
صرخ فيها للمره الثانيه:ما كان بيدك؟؟؟ زوجك انت محد له كلمه عليك غيري!! ما كان بيدك؟ عذر اقبح من ذنب! خذي كل شي يخصك واطلعي برا بيتي
شهقت تتقدم تحضنه :ساجي لا تنهينا!
غمض عيونه ونطق:انتِ الي انهيتينا يا بيادر
عضت شفتها تبتعد عن حضنه وتناظر ملامحه وقربها الشديد منه لكن ملامحه باين عليها الكره لها باين نزلت نظرها لـ ثغره لكن وقف بصعوبه يدفعها ونطق بحده:انتِ طالق والله يستر عليك
ناظرته بذهول وصدمه كبيره يخرج وهو يعرج بصعوبه يتركها تستوعب فعلتها وانها كسرته بـ اكثر وقت كان هو بحاجتها ما تدري كيف طاوعت امها ؟ ما تدري عن شي سوى انها خسرت أعظم انسان مر عليها وأعظم حُب
,
تنهدت من شافته صافن ونطقت :انتهت جلستنا أشوفك الشهر الجاي
رفع نظره لها ونطق:ان شاءالله
وقفت تاخذ النوت والقلم بيدها وتوقف متجهه تغادر الفندق , غمض عيونه يناظر كوبها الي امامه ويفكر هو اليوم ضحك ؟ ضحك بعد سنتين وكان سبب هالضحكه رُوح؟ غمض عيونه يبتسم لـ لحظه لان كلامها له خلال هالجلسات وغير أشياء كثيررر !
وقف يمشي لـ غرفته وياخذ جواله الطايح بركن ونطق :شكله ما راح يتصلح تنهد يطلع جواله الثاني ويتصل على رقم جسار الي رد بسرعه: يا كلب ليش جوالك مغلق؟؟؟
رص على اسنانه بغضب:ولد! جوالي انكسر و
جسار:اترك حركات المبزره وشوله تكسره؟
حك جبينه وهو سبب كسره لـ الجوال جداً غبي: مالك دخل الحين ابيك تحجز لي على الشرقيه وارسل كل شي على هالموال 
صرخ جسار: طيب طيب الله يعيني عليك
تنهد يقفل وينسدح على سريره يفكر ويدرك ان بقاء البشر  ورحيلهم مرتبط برغباتهم وليس بما تقدمه لهم يدرك انه اعطى بيادر كل شي تتمنه حبها وعشقها وحنيته عليها كانت لا توصف كان معيشها حياتها وما تطلب شي إلا يقول حاضر وتم لكن ما كانت قد الهقوه وتركته تركته يعاني لحاله وكان يمثل حاله ابو نوره يوم قال
" قولي له اني ما هقيت" ما هقى في يوم بيادر تكسره بدال ما تواسيه
-
انسب تعبير لـ خيبة وخذلان ساجي قالها ابو نوره :
" قولي له إني ما هقيت
والله إني ما هقيت"
-
عند رُوح الي وقفت امام المول لكن دقت قبل تنزل على ناهل الي رد عليها من اول رنه:اهلين يا دكتوره وش صار؟
رُوح:كل خير وبس جواله مكسور
ناهل بـ استغراب:ما سال عن سبب جيتك؟
رُوح:قدمت الجلسه الي يوم الاحد اليوم وكان في استجابه وبشكل كبيرر!
ابتسم ناهل:والله يا بنتي مدري وشلون اعبر لك عن امتناني
رُوح:ما سويت شي يا أستاذ ناهل وكلها كم شهر وبأذن الله يرجع لك ولدك احسن من قبل وحتى ما اظن يكمل الخمس شهور الباقيه
ناهل:شلون؟
رُوح:في استجابه كبيره واحتمال وثلاث شهور او شهرين وهو طيب وبيرجع بأذن الله افضل من قبل
ابتسم ناهل بفرح كبير وراحت الدقائق الباقيه كلها شكر من ناهل لحد ما نطقت:العفو
قفلت منه تنزل لـ المول لأجل تكمل تجهيزاتها لملكة عذبي ,
-
بيت جسار تقدمت تناظره مندمج يحجز ونطقت :تحجز لمين؟
جسار:لـ ساجي كسر جواله وابلشني بـ الحجوزات
بيان:مو قلت ما بيجي إلا بعد الاحد؟
جسار: انجز إشغاله بدري وراجع
ميلت شفتها:اساساً هو وش عنده في الرياض
جسار :ما عنده شي اشغال خاصه فيه ما يعلم احد
ضحكت بذهول تنطق:تخبي علي؟
جسار:أنا اخوه من لحمه ودمه ما علمني وش عنده!
وقفت بزعل تمشي لـ غرفتها تتصل على بيادر ونطق جسار:الله يصبّرني!!!