اَهنِي بِك حَياتِي يَا رُوح اَلعُمر

-4-

صباح اليوم الثاني في بيت نايف تحديداً غرفة بيادر مبتسمه تناظر المقطع تشوف لمعة عيونه كيف حاضنها عضت شفتها ونطقت :مردك لي والله لي يا ساجي ولو تفرقنا !!
دخل سطام بـ استعجال؛الحمدلله والشكر صرتي تكلمين نفسك
قفلت جوالها بسرعه لانها تعرف ان الي تسويه غلط وغلط كبير,:ليش ماتدق الباب خوفتني!
سطام تأفف بملل:وين العطور ابي اتعطر بعدين ادق عليك الباب!
بيادر :على اساس ماتعرف وينها
ضحك سطام:علامك تراني مستعجل!
بيادر ضحكت بتسليك ونطقت:سطام ابي تطلع لي شريحه جديده
رفع حاجبه بـ استغراب:ليش؟
بيادر:متى مافضيت طلع لي خذ راحتك بس شريحتي النت اذا شحنت مايشتغل
هز راسه بمعنى تمام وسحب عطر يتعطر ويطلع بـ استعجال ,تأففت بملل:متى متى يا ساجي نجتمع!
-
<قصر ناهل>
تنهدت وهج تفتح الرساله الي وصلتها " وصلتني الرسمه تسلم يدينك" زفرت بغضب تكتب له" وش قلة الادب ذي" اتسعت عيونها من ارسل لها ضحكه وقفلت الجوال ترميه بغضب:الناس ماعاد فيهم حياء!
ود نزلت وهي تغني:الكل اليوم معصب مافي الا انا رايقه
وهج:قصدك مافي الا انتِ بعالم موازي
ضحكت ود بصدمه:يالله! ,المهم دعواتكم بالتوفيق واني اكسب القضيه
ابتسمت جميله ترسل لها بوسات:حياتي انتِ موفقه يعيون امك!
ابتسمت ود تطلع بحماس كبير وفرحه ماتوصفها وهي في كل جلسه وقضيه تكون هالابتسامه ماتفارقها بسبب حبها لـ ذا المجال وانه كان حلم طفولتها ,
,
<المحكمه>
نزلت بـ استعجال لكن جمدت مكانها من شافته قدامها يكلم بجواله وسرعان مارفع نظره لها ونطق:اكلمك بعدين!
بلعت ريقها بـ ارتباك من نظراته وسرعان ماتقدم لها ونطق : المحاميه ود
ابتسمت تتدارك موقفها وتنطق:المحامي عذبي!
ابتسم ينطق:ماكنت اظن ان محامي الطرف الثاني انتِ
ضحكت بسخريه:وليش جيت؟
رفع يده يفتل شاربه ونطق: نحط شروط للفوز؟؟
عقدت حجاجه ونطقت:زي ايش مثلاً؟
ابتسم لها ونطق : توافقين على الموضوع الي رفضتيه قبل سنه
بلعت ريقها ونطقت؛انت تعرف اني اعتذرت منك وانا الموضوع مو بيدي
ابتسم:هذا شرطي
ود بحده:وشرطي اني ما عاد اشوفك حتى لو صدفه ابتسم لها يصد ويمشي ونطق؛نشوف هالمره من يفوز!
-
تنهدت رُوح ترفع شعرها وترطب شفايفها ووجهها وتكمل روتين عنايتها وتنحني تلبس شوزها وهي تتامل فستانها الي باللون الوردي وابتسمت برضى تام تسحب جوالها تصور شكلها وعيونها وثبتت الكاميرا تصور شفايفها وهي حاضنه الورد بين يدينها وضحكت من رسالة امها "في كل مره تبهرني الشامه الي تحت خشمك" :والله يا مامي الشامات الي فيني لا تحصى!
ضحكت نجود :دقيتي مارديتي على الرساله واضح الشوف لاعب فيك لعب!
رُوح ميلت شفتها:باقي يوم ونرجع يـ احلى ام!
نجود:ثاني مره ما اتركك تسافرين لحالك!
ضحكت بصدمه:الموضع كان عن الشامات كيف وصل لهنا؟
نجود:اي اي يلا يـ روحي وقلبي وحياتي مع السلامه انتبهي لعمرك!
ابتسمت رُوح تتقدم لـ المرايا تتامل مكان الشامه الي فعلاً كان مبهر فوق شفايفها بالنص شامه وتحت شفتها من الجهه اليمنى شامه وسرعان ماضحكت؛قاعده ادور لي شي انشغل فيه واضح!! ادق على نوني احسن لي
وسرعان ما ابتسمت من ردت نجلاء:هلا وغلا ومرحبتين بـ روح حياتنا!
ضحكت روح :هلا بـ احلى نوني بالحياه !!
ضحكت نجود ترفع صوتها:واه واه متى انداك تدقين عليها
شهقت رُوح:عيب عليكم متجمعين بدوني!!
نجلاء:هانت هانت يا مامي لكم استقبال فاخر!
رُوح:تجهزوا بسوي لكم سبرايز واصبغ اشقر
نجود نطقت بحده:ياويلك يا رُوح انا بالقوه خليتك تقصين
رفعت حاجبها نجلاء : خليها على راحتها !
نجود:انتِ بكبرك يا نوني على قولة رُوح ما صبغتي اشقر يوم اعرستي!
ضحكت رُوح:اوتش المعذره خربت بينكم
ضحكت نجلاء:الا معلينا شسم الي بتمسكين حالتها اول ماترجعين
شهقت بصدمه :بسم الله كيف عرفتوا!
نجلاء:عمك مايخبي علي شي!
رُوح:الموضوع سري تكفون!
نجلاء شسمه ماسالت عن الموضوع؟
رُوح:ساجي
نجلاء ابتسمت :الله ساجي ورُوح!
رفعت حاجبها رُوح:يبوي وش ذا الصداع! تراني دكتوره يا خاله
ضحكت نجود بعلو صوتها:اهخ نجلاء ماتخلي حركاتها
تنهدت رُوح:متحور جده تبوني اعرس غصب !
نجود :يلا باي رُوحي خالتك الحين بتطلع السجل المدني حقه وتكتب عقد قرانكم عشان الاسماء نفس بعض
تنهدت تنطق من قفلوا:ان لله!
تأففت من دق سراج باب غرفتها:نعم !!
دخل سراج:شفيك معصبه ياحلوه بعدين وش ذا الجمال!
ضحكت :حلو تعرف تطير عصبيتي
سراج:اعرفك خفيفه يا حلوه! المهم اقفزي البسي ويلا نطلع نتمشى !
ضحكت:وش بقى مكان مارحنا له!
سراج:بنروح نشتري الهدايا وبكرا نتمشى !
رُوح؛ عندي فلم اليوم سهره؟
ابتسم يهز راسه بـ ايه ويخليها تغير ملابسها لأجل يطلعون,
-
رمى شماغه بـ انتصار كبيرر بعد سنه من الكسره والهواجيس على قصة حبه لها الفاشله رمى شماغه بفرحه مايوصفهاا كان محامي شاطر واثبت شطارته وقوة التحدي وربح القضيه! فاز بشرط الي لطالما كان حلمه , كانت تناظره ماتنكر انها فرحانه لكن متردده بلعت ريقها من التفت عليها وتقدم لها:فزت هالمره انا يابنت ناهل
ود :وش كان شرطك؟
ابتسم:الجمعه تعرفين وش شرطي ؟
بلعت ريقها ونطقت:مستحيل اقبل واخوي على حاله
ابتسم عذبي:قبل سنه ما كان عندي حل لكن هالمره عندي لك افضل دكتوره تضمن لك شفاء اخوك !
عقدت حجاجها ونطقت :مين؟
عذبي:الجمعه موعدنا
تصنمت مكانها تفكر بـ الي قاعد يصير وتنهدت تسحب شنطتها وتركب سيارتها تتجه للبيت وافكارها سيدة الموقف,
,
<بيت جسار>
رفعت له نظرها بحده ونطقت لا يشيخ ما تحسب حساب لحد؟؟ تراني زوجتك!
التفت عليها بحده ونطق:بيان واصل حدي!
صرخت بقهر:بيان وبيان وتحط اللوم عليك لانك ملاك ماتغلط صح؟؟
اتسعت عيونه بحده وتقدم يمسكها من ذراعها:احترمي نفسك واحترمي الحب الي كان بينا!
رفعت نظرها لعيونه ونطقت:كان؟
بلع ريقه من نظراتها كانت تلاحظ نظراته وارتفعت تقبله تمحي الحجاز الي بينهم تحملت كثيرر وهي بعيده لا عاد همها لا اهل ولا اقارب ولا مشاكل ابسط حقوقها تعيش حياتها مع شخص تحبه ، ابتسمت من شدها له يمحي كل الحواجز الي بينهم لان هم كانوا ضحايا كلام ومشاكل مالهم فيها......
,
التفت لـ سراج :يبن عمي! الحساب مصفر
حك جبينه بورطه:يا بنت عمي وحسابي نفس الشي
اتسعت عيونها:وش ترا ما اشترينا شي! بموت جوع يلا دق على عزامي
سراج:لا منك فايده لا اخت ولا بنت عم !
رُوح:على اساس انت منك فايده؟!
سراج:العشرين كيس الي اشتريتهم من فلوس مين
ابتسمت تحاوط ذراعه:افاا اخوي حبيبي فلوسنا وحده توامي وروح الروح
ضحك من كلامها ورفع جواله يتصل على عزام:ابو هداج!
عزام:نعم خير شتبي ؟
حك جبينه سراج:افاا!
سحبت رُوح الجوال:عمو حبيبي
ابتسم عزام:لبيه
رفع حاجبه بصدمه:وانا تقولي خير؟
عزام:في فرق المهم يا روحي وش بغيتي
ميلت شفتها:والله يا عمو طفرنا بحاجة فلوس
ابتسم بخفه:من عيوني كم بغيتي
ابتسمت تنطق:ابوس عيونك ياشيخ بس يعني اذا ماعليك امر حوالي حوالي عشر الالف
نطق بصدمه:اخو عمر
ابتسمت:اوف صوتك عمو صاير ياخذ العقل!
ضحك عزام :الحين بحولها !
قفلت وضحكت:شرايك بس؟
نطق سراج بتقليد:ابوس عيونك صوتك صاير حلو
رُوح:الكلام الحلو يفك ازمه
سراج: لو انا الي قلتها قفل بوجهي
رُوح:طبعاً مافي مقارنه من الاساس,