اَهنِي بِك حَياتِي يَا رُوح اَلعُمر

-30-

هزت راسها بالنفي تنطق؛ماودي
ضحك بذهول يودعها وينتظرها لحد مادخلت مع بوابة بيت عُمر تنقفل البوابه بعد دخولها ومن بعدها حرك متوجه لـ الفندق , بالداخل نزعت عبايتها تحضن المخده وتضحك بعلو صوتها ؛يالله يا ساجي! ، ابتسمت من داهمتها ريحة عطره اللي اختلطت بعطرها ميلت شفتها تاخذ نفس طويل واخذت جوالها ترسل له "وصلت؟" ضحكت من اتصل ترد عليه؛ما تقدر تجاوب رساله؟
دخل جناحه يغلق الباب برجله ونطق؛أفوت فرصه فيها اسمع صوتك؟
ابتسمت تنطق؛وينك؟
جلس على الكنبه ينطق؛بجناحي اللي المفروض انك معي فيه
رُوح ؛اطلب الله ياحبيبي
ضحك بصدمه يمسح على ملامحه ينطق؛جرحتيني كثير اليوم!
ميلت شفتها تنطق؛خلاص اسفه
ساجي ؛لاتقولين اسفه أنا الغلطان والله!
ضحكت تنطق؛خلاص والله ساجي لازم انام داومي بعد ساعتين انتبه لنفسك
ساجي؛احبك مع السلامه
ابتسمت تقفل وميلت راسها تعشق نطقه لـ كلمة "أحبك" تعشقه وبشكل مو معقول يجذبها ويسلبها حتى من نفسها,
,
فتح عيونه يمسح على ملامحه مرت ساعات والنوم ما طرف عينه اخذ نفس طويل يستنشق ريحة عطرها العابق العالق بثوبه رغم انه نزعه من مُده طويله لكن انتشرت ريحة عطرها تملى ارجى الجناح ارتخى جسده يستنشق ريحتها و رفع إبهامه يحك طرف شفته يذكر قبلتهم الاولى وشعورها وهي بين يدينه يقبلها ميل شفته يُدوخ يذوب من يتخيل منظرها من جديد وكانها من أشد أنواع السحر من شدة جمالها مسح على ملاحمه يجلس يناظر يده والتفت لـ دبلته المتروكه بجانب كاسة الماء يسحبها يلبسها يبتسم لانها حلاله لانها زوجته, كل هالجمال وكل هالفتنه ملكه و يحرق من يفكر فيها مُجرد تفكير
وقف يسحب تيشيرته يرتديه وتوجه لـ جواله يلاحظ ان الظهر قرب عض شفته يستوعب انه قضى ساعات تايه بريحة عطرها وفيها ,
,
«البيت الحنون,بعد المغرب »
دخلت رُوح تنطق؛فزيت من عز نومي عشان اجي مستوعب يا متعب!
ضحك عزام ينطق؛متعب حاف؟
ضحكت تتقدم تحضن متعب ونطقت؛دخلنا عسكريه سوى صح؟
حضنها متعب ونطق؛عبيطه بنت عُمر عبيطه!
ضحكت بعلو صوتها وتقدم هداج يدفعها بخفه ؛ابي اسلم وش ذا الحب اللي جاءكم؟
ناظرته تحط يدينها على خصرها؛نعم؟ انت قبل شوي وش سويت عيد الحركه
سلم على متعب يلتفت لها؛أعيدها؟
رُوح؛عيدها يلا
صرخت بذهول تقفز على الكنبه ونطقت عذاري؛ولد بنت ! الواحد بطولي وذي حركاته؟
ضحكت تنطق؛جده والله هو اللي بدأ!
دخل سراج يعقد حجاجه من رُوح اللي خلف ظهر عذاري و هداج اللي واقف امامها ونطق ؛وش صار بغيبتي
التفت رُوح له؛شف اخوك المجنون مزحت معه مزحه خفيفه لطيفه وصدق
رفع سراج حاجبه؛لو سمحت ابعد يدك عن توامي
دخلت نجلاء تنطق بحده؛اطفال انتم؟؟
ضحكت رُوح تتمسك بـ اكتاف سراج اللي حملها لاجل تنزل ونطق؛بدور فيك
صرخت تنطق؛ياويلك والله ان اكلم ابو محمد ما يوافق على إجازتك
تعالت ضحكاتهم من نزلها سراج يلتفت لـ عُمر؛سبحان الله نفس الطينه نفس الحركات
ضحكت رُوح تنزع عبايتها وتعدل تيشيرتها ؛يمكن لانه ابوي؟
,
«الشرقيه , بيت جسار »
نزل شنطتها يلتفت لها ونطق؛تو ما نور البيت
ابتسمت له ونطقت؛بنورك
نزعت عبايتها تمثل التعب وابتسمت من نظراته وتقدمت ترفع كفها لـ شعره تتقدم تقبله ابتسم يبادلها ومن ثم قبل جبينها ونطق؛نامي وارتاحي
ميلت شفتها ترجع ظهرها لـ الخلف وتأففت من قفل الباب؛مر اسبوع وانا أمثل المرض !
رفعت جوالها تتصل على بيادر اللي نطقت؛كيف الأوضاع؟
تنهدت بيان؛طفشت من دور المريضه طفشت!
ضحكت بيادر تنطق؛معليك شوي وترجعين طبيعي
بيان؛يالله جسار مره حزين مايهون علي
ميلت شفتها بيادر تنطق؛ان شاءالله تحملين بس تخيلي رُوح بلكتني!
شهقت بيان ؛ليه؟
بيادر؛مو اعطيتيني رقمها راسلتها وتخيلي بلكتني! خوفي ساجي يحبها صدق!
ميلت شفتها بيان؛مستحيل ساجي يمكن معجب فيها بس يحبك انتِ
ابتسمت بيادر؛تتوقعين؟ سمى العطر بـ اسمها عشان يغيضني؟
بيان؛أوصفي لي نظرته لك في المستشفى
ميلت شفتها؛كان يناظرني وكأني غريبه ونظرته كانت حاده!
بيان؛هونيها وتهون ساجي ما ينسى ايامكم !
,
ميلت شفتها من نطقت نجود؛لزوم نسافر لهم ونحضر ونوجب
عقدت حجاجها تنطق؛ماما عندي دوام!
نطق سراج ؛ والله حتى أنا بس لازم احضر عندي فلوس ابي ارجعها
نطق هداج بالمثل ونطق عُمر؛مستحيل اخليك لحالك ولا تفكرين
رُوح؛بابا عندي جلسه ضروري ماينفع تتأجل
نطق هداج؛وين إيناس تجلس معك؟
رُوح ؛مسافرين هي واهلها لديرتهم
نطقت عذاري وهي تسمع رفض عُمر؛زوجك موجود بالرياض؟
التفت رُوح تقطع نقاشها مع عُمر؛زوج مين؟
تعالت ضحكاتهم من نطقت عذاري؛ياحسرتي نست الرجال
ضحكت رُوح تستوعب؛ساجي قصدك؟
عذاري؛ليش متزوجه غيره؟
تعالت ضحكاتها ونطقت عذاري وهي تلتفت لـ عُمر؛تجلس مع زوجها
سراج؛خساره! أنا ابي اجلس معكم
رُوح،خلاص يا حبيبي اجلس
سراج؛والله اترك ابو الزواج يا شيخه
ضحك عُمر يلتفت لرُوح؛ساجي يجلس معها؟ مستحيل
ضحك عزام؛يغار على بنته
التفت نجود تناظر عُمر؛اكثر شخص ممكن تأمن عنده بنتك هو ساجي
ميل عُمر راسه يفكر ونطقت رُوح؛طيب اسألوني يمكن ما ابيه؟
عُمر رفع يدينه بـ استسلام ؛يا تكلمين ساجي يا تروحين معنا انتهى النقاش
ميلت شفتها ترجع ظهرها لـ الخلف ؛ظلم ! مو توك تقول ساجي مستحيل
قبل سراج خدها وهو يغني؛ظالم ولكن في القلب لسى هواك!
دفعته بخفه تنطق؛سراج والله مو وقتك ابعد وبعدين بابا ليش غيرت رايك ؟
نطق عُمر ؛نجود أقنعتني
رفعت حاجبها تنطق؛يعني نجود اقنعي و رُوح تبتلش
ضحك يحضنها سراج يشد عليها ونطقت؛سراج احبك بس والله خنقتني!
ضحك يتركها؛أنا بجلس مع رُوح اجل ساجي يجي لا لا
عذاري؛سراج ياويلك !
ضحكت رُوح ؛جده خليه يجلس!
عذاري التفت تناظرها ؛مهبوله انتِ ؟اجلسي مع المزيون حقك لوحدكم
ضحكت بذهول تمسك راسها؛جده!
,
نزل كوب قهوته يسمع سوالف فهد وسرعان ماطلع جواله من رن يبتسم من قرأ اسم المتصل"رُوحي" وقف ينطق؛زي ماقلت لك خلص لي الأوراق وارسلها لي على الايميل
ابتسم له فهد ؛ الموضوع عندي ولا يهمك
بادله الابتسامه يغادر الكوفي يتوجه لـ سيارته يرجع يتصل عليها من ركب السياره ,ابتسم من نطقت؛وين كنت مارديت؟
نزل جواله يثبته ونطق؛هلا بك يا حياتي والله كنت مع فهد
أبتسمت تنطق؛هلا فيك
رفع إبهامه يحك طرف شفته تدوخه وتسلب عقله بشكل مو معقول بدلعها ونطقها , تنحنح ينطق؛وش بغيتي يعيني؟
ابتسمت تلعب بـ دبلتها تنطق؛ ولا شي اشوف وينك؟
ابتسم ينطق؛موجود يا رُوحي موجود
ميلت شفتها تنطق؛تدري الكل بكره مسافر
عقد حجاجه ينطق؛الكل؟
ميلت شفتها تنطق؛الكل إلا أنا
ساجي؛يعني تجين معي ؟
ضحكت تهز راسها بالنفي؛طبعاً لا بس بابا رافض اجلس لحالي
ابتسم ساجي ينطق؛كيف تجلسين لحالك وانا بالرياض؟
رجعت ظهرها لـ الخلف؛وبابا قال نفس كلامك قال تجي هنا بس أنا احس ماله داعي
ساجي ؛كيف ماله داعي؟ إلا له داعي ونص
ضحكت تنطق؛يالله ساجي بس قول لبابا انك بتجي وعادي لو تبي ترجع الشرقيه
نطق بهدوء؛ارجع واتركك بالرياض لحالك ترضين؟
تنهدت بتوتر ماودها تجتمع معه بنفس المكان ولوحدهم ,قاطع تفكيرها صوته من نطق؛ قولي لعمّي ساجي موجود , الحين مضطر اقفل اكلمك بعدين يا رُوح
ميلت شفتها تتصل على إيناس اللي ردت عليها تنطق؛رُوح ما اتحمل انقذيني!
ضحكت رُوح من منظر إيناس ونطقت؛أجل أنا بنت مدينه؟
إيناس؛ما اتحمل كمية حشرات! ماتوقعت بتكون كذا
قاطعتها الماس من تقدمت تسحب الجوال؛يعني يوم ضبط النت تكلمين رُوح تحشون بخلق ربي ؟
رُوح؛وشفيها رُوح لا يكون مب عاجبتك؟
ضحكت الماس؛بكلم لي شخص يفيدني في مستقبلي ويطلعني من هنا
تعالت ضحكات رُوح تنطق؛الماسّ حياتي صدقتي انك عايشه كل حياتك بالديره؟
ضحكت الماس تمد الجوال لإيناس اللي نطقت;يازين الرياض ويازين اهلها اللي يكلموني
ضحكت رُوح تنطق إيناس؛والله جد بنت وش هالجمال هالايام صايره حلوه بشكل لا يُطاق الله يصبر ساجي!
ميلت شفتها تنطق؛لا تذكريني بكرا بيجي عندي !
رفعت حاجبها تنطق؛بكرا؟
رُوح؛كله منك تو تحلى بعينك ديرتكم؟
عدلت جلستها إيناس تنطق بحماس؛لا تردين على السؤال بسؤال جاوبيني وبعدين شلون بسببي؟
رُوح؛بيروحو يوجبون واحد بعرسه وانا عندي دوام فـ اضطريت اقعد ولو انتِ موجوده بابا ما خلاني اكلم ساجي
تعالت ضحكات إيناس تنطق؛روحي بكرا اشتري له ريش
ضحكت رُوح بصدمه؛إيناس!
ضحكت إيناس؛روري تعصبين بس علي اما عليه ماغير ساجي
ضحكت رُوح تنطق؛ما اناديه كذا! اناديه طبيعي ساجي
الماس نطقت بعبط؛طيب قولي الماس نشوف الفرق
رُوح؛ماراح اقول
نطقت إيناس بضحكه:بكرا لا تنسين تبشريني اني بصير خاله
قفلت تستوعب بعدها مقصدها ترفع جوالها ترسل لها من جديد" ياويلك مني يا نوسه!
،
«ظهر اليوم الثاني, بيت عُمر»
عدلت بجامتها الحرير عارية الاكمام وسحبت روبها تخرج من الغرفه تناظر عُمر ونجود الي جهزوا اغراضهم يأشرون لـ العاملات ينزلونها ابتسمت تتقدم تحضن عُمر ؛بتوحشني!
ابتسم يشد عليها؛ انتبهي لعمرك
ميلت شفتها تنطق؛بس عُمري مسافر
ضحك عُمر ينطق؛بنت!
ضحكت تبتعد عنه تحضن نجود اللي نطقت؛انتبهي على نفسك!
ابتسمت تنطق؛من عيوني انتبه لنفسي دام قلتي
ضحكت نجود تقبل خدها وسحب عُمر يد نجود؛نرتاح لنا يومين لحالنا
ضحكت رُوح تنطق؛ترا اكنسل شغلي كله واجي معكم
هز عُمر راسه بالنفي يخبي نجود تحت ذراعه؛لا تفكرين حتى
ضحكت تودعهم واخذت نفس تطلب من احدى العاملات تجيب لها القهوه وتقدمت لـ الصاله تنزع روبها وتبعثر شعرها التفت تبتسم لـ العامله من مدت لها كوب الاسبريسو تنطق؛شكراً , اخذت نفس تناظر التقارير اللي ارسلها لها احد الدكاتره وميلت شفتها تسحب اللابتوب تبحث عن مشاري و عقدت حجاجها بذهول من اسم عايلته ؛مستحيل!
رفعت جوالها تتصل على هداج مباشره اللي رد ينطق بعبط؛مسرع اشتقتي لي؟
هزت راسها بالنفي وكانه امامه تنطق؛ولد! اسمعني ابيك تجيب لي معلومات عن مشاري
هداج؛مشاري مين
نطق هداج بذهول من نطقت بـ لقب عائلة مشاري؛وش عرفك بذي العايله؟ ماضيهم سيئ لأبعد درجه
بلعت ريقها رُوح؛الحاله اللي استلمتها كان هو مشاري
مسح هداج على ملامحه بذهول ونطق؛رُوح؟ تمزحين معي؟ الحين تنسحبين ولا تفكرين تكملين
رُوح اخذت نفس؛هداج تكفى بس جمع لي معلومات لان بحثت وكثفت البحث ماطلع لي شي
اخذ نفس هداج يلتفت لـ سراج اللي يناديه؛ ابشري لكن رُوح ما تخطين خطوه إلا وانا عارف وأوعديني تنسحبين !
رُوح؛هداج ماراح يصير شي بس ساعدني واعدك انسحب!
تنهد هداج ينطق؛طيب يا رُوح الحين بقفل
قفل منها تميل راسها على الكنبه تناظر في صورته واسمه فقط ولا في اي معلومه ثانيه عدلت جلستها من وصلها أشعار مو ساجي"بمر عليك العصر" تاففت تشوف ما باقي عن العصر إلا ساعه وحده فقط
,
نثرت شعرها تعدل فستانها الملئ بـ الورود عدلت شعرها تسحب قوت تتعطر وسرعان ما نزلت العطر من وصلتها رسالته"أنا تحت" نزلت بـ استعجال تتوجه لـ الباب كعادتها ما تسمح لحد يستقبله غيرها , فتحت الباب تبتسم من شافته ينتظرها يحمل بين يدينه باقة ورد سندت راسها على الباب ونطقت؛تفضل
ميل شفته ينزل نظارته يمتع نظره فيها وتقدم لها يحاوط خصرها وينحني يقبل كتفها ونطق؛وحشتيني
ميلت راسها تبتسم ؛مالي يومين من شفتك
ابتعد عنها يناظرها؛يومين؟بنظرك بسيطه؟
ضحكت تاخذ الورد من بين يدينه ؛شكراً مرا
ميل راسه يقبل خدها ينطق؛العفو
اخذت الورد تبتعد عنه ونطقت؛تفضل الصاله ثواني واجيك
رفع إبهامه يحك طرف شفته؛تشكرني واتركها بذي السهوله ؟
بعد دقائق رفع نظره من دخلت وبيدها فازة الورد ترفعها؛حلوه صح؟
رجع ظهره لـ الخلف ينطق بذوبان ؛حلوه وبس ؟ تطير العقل
ضحكت لانه تعرف ان مقصده ماهو الورد تقدمت تمد له فنجال القهوه وتجلس امامه ونطق؛بعيده عني مو حرام؟
ميلت شفتها ونزل فنجاله ينطق؛اقربي
عضت شفتها تاخذ نفس توقف وتقدمت تجلس بجانبه ومد يده يسحب فنجالها ينزله وشهقت من سحبها لحضنه ونطقت؛ساجي!
ابتسم يرفع فنجاله ينطق بهدوء ؛حرام تكونين قدامي ومب بين احضاني
بلعت ريقها بتوتر تنطق؛تبي تمر؟
هز راسه بالنفي يبتسم يمرر يده على شعرها ينطق؛ما ودك تشمين رُوح؟
نطقت ؛كنت بطلبه بـ
قاطعها ينطق ؛تطلبينه؟ وانا وين رحت؟
رجعت شعرها لـ الخلف من مد يده لـ الكيس الابيض اللي كان بجانبه يخرج لها العطر وميلت شفتها تتامل العبوه؛شكله خيال! تصميمك صح؟
هز راسه بالإيجاب يراقبها تفتح العطر وتبخ على معصمها مكان النبض انحنت بعد ثواني تستنشق ريحتها تنطق؛رهيب ساجي رهيب!
شد على خصرها يقربها له ومسك معصمها ينحني يستنشق رائحة العطر غمض عيونها يُدرك اختلاف الرائحه على جسدها يكتشف أن السر فيها مو في العطر ذاته ,قبل معصمها ورفع نظره لها؛السر فيك مو في أي عطر
عضت شفتها وكانت بتوقف تغادر حضنه لكنه شد عليها ؛ما أتركك
ضحكت تنطق؛ساجي!
رفع اصبعه لـ ثغرها ينطق؛لا تقولين ساجي لا تقولين !
ابعد اصبعه يقترب منها ناوي تقبيلها لكن ابتعدت عن حضنه مُسرعه من نطقت العامله بـ اسمها والتفت ساجي يناظر العامله يحك طرف شفته ونطق بحقد؛حبكت الحين؟
عقدت حجاجها العامله ما تفهمه وكتمت رُوح ضحكتها تلحق العامله تاركه ساجي لحاله ونطق ؛يعني على حظي؟
,
«الشرقيه ,قصر ناهل»
نزل وهاج ينطق من شاف ود؛انتِ ماعندك بيت تروحين له؟
رفعت ود حاجبها تنطق؛وهاج والله اضربك
ضحك وهاج؛يمه هذي شفيها ؟
وهج رفعت المخده ترميها عليه؛حامل اتركها لا تصيح علينا الحين
مسك راسه بالم يلتفت لها وينطق؛وانتِ شعليك؟
تاففت ود تنطق؛بابا شوفه!
التفتوا عذبي وناهل بذات الوقت؛وهاج
حك جبينه ينطق؛حلو جوك صار عندك اثنين يدافعون عنك؟
ضحكت ود ونطق ناهل؛على وين؟
نطقت وهج؛اكيد مع حبيب قلبه وزوجته
ضحك ناهل ونطق وهاج؛شدراك؟
وهج؛ماتعرف غير واحد وهو المصفوق سطام مافي غيره
وهاج؛والله انه احسن من مليون صاحب
عذبي؛والله رجال وأنعم
ابتسم ناهل يثني عليه ونطقت وهج؛بس بس! والله انه كريه وغثيث
ضحكت ود؛ما تدرين يمكن تغير
وهج؛من شاب على شي شب عليه
تعالت ضحكات ناهل ينطق؛عطيتينا المثل وحنا نرتبه؟
عقدت وهج حجاجه؛طيب صح
ضرب وهاج راسها ينطق؛من شب على شي شاب عليه
التفت تضربه ونطقت؛اصلاً قصدي كذا
,
عند رُوح وساجي بعد دقائق رجعت تناظره يفكر ابتسمت وتقدمت تجلس بجانبه التفت لها ينطق ؛ مو كويسه جيبوا غيرها
ضحكت تنزل فنجالها ؛العامله؟ حياتي من قبل ما أولد وهي مع ماما وبابا
التفت يتاملها؛ما جازت لي
التفت تناظره ونطقت؛مو ضروري ولا؟
قرب منها يتاملها ؛محد جايز لي بـ هالدنيا غيرك
ميلت شفتها تسند راسها على الكنبه مثله؛والله؟
تنهد ينطق؛أنا ويني عنك ؟ ويني عنك
رفعت اكتافها بعدم معرفه وضحكت يذوب فيها زود, نطق بهدوء ؛أنا لو داري ان نهاية هالعذاب انتِ من زمان تعذبت
ضحكت ترفع كفها على وجهه تمرر أناملها على خده ,سحب كفها لثغره يقبله؛هو أنا بحلم ؟ معقول قدامي هالفاتنه؟
ضحكت تنطق بسخريه؛وش تحس حلم ولا علم
اقترب منها ينطق؛بوسيني عشان احدد احساسي
ناظرته بذهول وسرعان ما تعالت ضحكاتها من نادتها العامله ينطق ساجي بحده؛هادمة الملذات
ابتعدت رُوح تناظر العامله بـ احراج تحاورها بلغتها وتهز راسها بالإيجاب ونطق ساجي من فهم محتوى كلامها ؛وش هالأغراض اللي ترتبها؟
رُوح؛بابا طلب منهم يرتبون له المجلس ويغيرون أشياء
ساجي ؛وعمي ما حبكت معه إلا الحين؟
ضحكت رُوح واكمل كلامه؛غيروها قطعت علي نقاش مهم
ناظرته رُوح تنطق؛نقاشك كان قمة الادب ولا ؟