"جدران مهدمه"
للكاتبه _زمرده
ياريت تقدرون تعبي ب تصويت
ومتابعه وتعليق يشجعني اكمل
خلفَ كُل ضِحكه دمعه وخلفَ كُل أبتسامه كسره ،ترونَ فقط ضِحكاتي وتبسُمي ولا ترونَ ما يدورُ في خاطِري
.
.
.
_باوعت عليها هزيت ايدي وعبرت منها ،شلون الي خلگها وهاي تتشرط عليه...
طبيت للغرفه ورگعت الباب بقوه ،روحي صايره بخشمي والي يحاجيني اتعارك وياه...
رفعت راسي باوعت ضي تباوعلي بأستغراب سديت عيني بقوه احاول اهدء نفسي واغير نبره صوتي
فتحت عيني وأبتسمت الها مطمنتها
ماحجت شي ودنگت على كتبها الي مفروشات گبالها
گعدت على الجربايه مالتي أباوع عليهن ، وادعيلهن يعدن المرحله الي هن بيها على خير
گمت متجهه لـ ضي الي لازمه القلم وشخبط بـ عشوائيه ،جريت القلم من ايدها وگلت
...شبيج شجايج
ضي ...مادري تعبت ميسى بزعت
...تهون ضي التعب كله يهون
ضي ...مابقت عندي طاقه
مسدت على شعرها ...أيام قليله وتخلصين وتصيرين احلى طالبه أعداديه
أبتسمت وگالت ...وشنوو الي مهون عليه غير هل شي
...شدي حيلج حتى ميروح تعبج ع الخالي بلاش أخر ايام
يسر ...وأني خراعه خضره محد يهون عليه
رحت الها مبتسمه ...لا لا ادري بيج صبوره لـ هل سبب اني مأمنه منج
يسر ...صبوره لو قلم
أبتسمت ...شلون بتفاهتج
يسر ...تفاحه لو برتقاله
سكتت عندها قابليه فضيعه...
ضي ... أسكتي يسر ،وتعااي ست ميسه شنوو قصدج عيني
يسر ...قصدها أني أشطر منج
أبتسمت من بدن يتعاركن،
عطت متصنعه العصبيه ...كافي كلمن لكتبهاا والي اسمع صوتها اطلعها يم الحيه وبعد تعرفن شنو هي...
سكتن وماحجن بعد ،رأسي يأذيني الضغط خبلني مال دراسه احس النفس بالگوه اجره مختنگه الى أبعد حد
أجت باالي فكره وماكو غير جدي يخلصني
لبست حجابي وعباتي
حجت أثنينهن ...وين رايحه
بدون ما التفتت ...اقفلن الباب ورايحه لبيت جدي بسرعه أجي
ماحجن عفتهن وطلعت متوجهه لبيت جدي
گلبي يدگ بقوه أبوي لو عرف وحدي طالعه اله يعلگني بالبنكه ويشغلها ويسويني عبره لمن اعتبر...
طيزت كلشي وكملت طريقي لبيت جدي لگيت الباب مفتوح دفعته وفتت ،بوجهي للصاله ،لكيتهم ملتمين سلمت عليهم وگعدت
حجه جدي مستغرب جيتي ...جدي ميسه شعندج ولج بهل ليل طالعه
...جدي محتاجتك بشغله
أنت تقرأ
جدران مهدمة
General Fiction...انا فتاه عاشت وتربت كالجدار المُهدم انا من لم تذُق طعم الراحه في حياتها انا من خسرت عشقها انا هي ميسى وصفوني "بأبنت امها " روايه مختلفه تماما ...بقلمي الكاتبه _زمرده
