جدران مهدمة

البارت الثاني عشر

"جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل
التفاعُل بـ البارت السابق جداّ
سيءٕ اتمنى تتفاعلون بـ هذا
البارت وتعلقون ،احبكم....
.
.
.
راضيني اذا طال الزعل
غير اليحب ميجافي ؟
صغيرون ؟ كل ما نختلف
لهنا تگلي وكافي .
.
.
.
...يابه أنا مزوج ،وجبت مرتي گعدتها بـ بيتي وگلت أبلغك حتى لا تگول ما گلت ألي....

ميسى ...يحجي وأني أباوع أبرود ما متفاجئه ،
يسر وضي أنصدمن وبقن بس يدورن بـ عيونهن
جدي صفن يستوعب كلامه ،عين على جدي وعين على أبوي ، الله يستر شراح يصير لزمت گلبي بـ أيدي
من جدي طفر من مكانه بعد ما أستوعب كلام أبوي

عاط بـ صوت خله أبوي يطفر من مكانه..
...لك أنته صدگ ماا تستحي ما تستحي
لك أنتَ من يا طينه مخلوق گلي منين ،ولك مرتك مرتك الاربعين ما طالعه لك مجيد تزوج لك شبسرعه

بأوع أبوي بـ توتر وتردد وحجه ...من زمان مو من هسه وعدي جهال

ضرب جدي عوجيته بـ الگاع دليل على نفاذ صبره
وگال بصوت مقهور ...صدگ ماعرفت أربيك صدگ
واردف ...بس ربيتك وربيت اخوتك ليش ماطلعو زگوطه مثلك...

مجيد ...خلف الله عليك

جدي ...وغصب عليك ،وأمشي أطلع من بيبتي والبنات تحلم يجن يمك يله يله أطلع

يأشر اله ع الباب ،وأبوي وگف ب الصاله ما راضي يطلع اله أحنه وياه...

مجيد ...ماطلع منا أذا ما أخذهن ، مرتي حامل منو يعاونها بـ البيت

جدي من سمع هيج يگول راح ،جره من يأخته وطلعه بـ الحوش ،وبيبي تعيط ودگ وتلطم

صفك أيد بأيد يباوع على أبوي
...أمشي أمشي اطلع يريد من هسه يسويهن خدامات للخايسه ،ولي من خلقتي مجيد لا تشوفني خلقتك

مجيد ...شسالفه يابه

جدي ...وخر من كدامي... ،سد باب المطبخ ودخل جدي أعصابه تلفانه ،محد.حجه غير بيبي تنوح على أبوي ،أنقهرت حيل وحزت بـ خاطري حجايته من گال
منو يعاونها بـ شغل البيت ،بس سكتت ،التفتت على هُدى ،غمضت عينها وفتحتها
مطمنتني ،هزيت رأسي ساكته ،بس غصه بداخلي جنت اتأمل الموضوع ما يطلع صدگ وما يكون مزوج بس هسه صارت السالفه صدگ ،وأبوي طلع مزوج على أمي بـ حياتها قبل مماتها...

رفعت رأسي على صوت خطوات على الدرج ،عمو أيهاب نزل ، باوع على جدي وباوع عليه ورجع نضره على جدي ،وتقدم گعد يمه

أيهاب ...يابه كافي يوميا محروگ گلبك من مجيد عوفه شيسوي يسوي ،بس أهمشي البنات ما يرحن يمه...