جدران مهدمة

البارت الواحد والثلاثون

جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل
.
.

ياحزن غنـي
وجيس الصـواب
تـانيـتـهـم حد ماغفه الـبـاب !

ناصر البدري

علقوا بين الفقرات لطفاً....
.
.
.

الدنيا صارت تفتر بيه وأخـر شي
حسيت بيه وشفته هـو الـدم بعدهـا اغمه عليـه......
.
.

ضـي ... بقـه بالي يمها من نزلت تأخرت
ليش لهسـه ما صعدت !!

يسـر نامت وأني ما اجاني نوم انتضرتها
تجي بس ماكـو ،قررت أنُ انزل واشوفها

فتحت باب الغرفه اتسحب بـ هدوء ،كُلها
بالغرف بسبب الدوام

نزلت الدرج البيت يسوده الضلام الدامـس
اتصنمت بـ مكانـي ،بحلقت عيوني بصدمـه
وخـوف من المنضر المُريب الي شاهـدته ما
اعرف منين طلعت مني صرخه رجت اركـان
البيت ،على اثرها كُلها طلعت تتراكـض.....

أشـر بيدي عليها وما على لساني غير
كلمـه ماتت!!

ما فاهمه السبب وراء هذا الدم الي
صاير مثل البحر جواها ، ما بـ بالي
تفسير اله ولا الوضعها كُل ضني أن
هـي بيها شي ، بس فعلاً بيها....

اخذوهـا گدامي ، وأني شُبه صار عندي
انهيار داخلي صافنه وما اعرف شحجي
ومنضرها ما يروح من بالي ،حاولـوا أنُ
يحجون وياي وأني فقط بـهـذا  الوقت
كنت مبحلقه عيوني بضياع ،خوف ،الم
لم يكُن الم جسدي بل كان الم نفسـي....

،،صافنـه بالفراغ فاصلـه عنهم
ماكـو خبـر لهسه يطمني عليها
هـدوء هــدوء مُرعب مُخيـف...

اريد احـد يفسر الي شبيها ، كلمه وحده
اطمني عليها ، مابيها شي..!!

هـل فعلاً ما بيها شي مثل ما اتأمل...!!

بعـد ما بلش يبان خيوط الفجـر ، صليت
صلاه الصبح ودعيت الها بكُل ركعه ،مـا
أعرف ليش هيج گلبي جاي يوجعني وشنو
السر ورا هذهِ الكميه من الالم

بس !!

ما جان الم على الخالي بلاش
جان الم وراه مُصيبه حتوگع
على رأسنه ، او بـ الاحـرى.... رأس ميس

كملت تسبيح فاطمـه الزهـراء ( عليها السلام)
لميت السجاده وبعدني بـ الاحرام ،رفعت رأسي
على صوت السياره من دخلت للبيت ،طلعت شُبه
اركض ،روحي مفرفحه عليها

بس لزمت گلبي بـ ايدي من شفت الوجهه ما تبشر
بخير ، عگدت حاجبي مستغربه من عمه دلال ساعدتها حتى تنزل. نزلت وايدها على بطنها ،باوعت
بوجه ريناد الي جانت رايحه وياهم ،هزت رأسهـا
كانما تگلي اصبري جايج الحجي....