"جدران مهدمه"
للكاتبه _زمرده
ياريت تقدرون تعبي بـ تصويت
ومتابعه وتعليق يشجعني اكمل
.
.
اتـذكروني بـ دمعــة بـ حچايــة
بـ جگارة حتة اگولن مـانسوني
لـ الكاطع
.
.
.
...ولج هُـدى لحگيليي
صحت فازه گلبي يرجف من الخوف الف شغله
جت بـ بالي ...شكـو شبييج ميسى
حجت بـ ضحكه ...على كيفج شبيج ، بس اريدج
تجين وياي أشتري ملابس للجامعه
...علييج الله وهاي الحكيلي والعيطه علمود الملابس
جنتي تكدرين تحجين مثل الاوادم مو هيج گمزيني
...يااا والله ما عبالي راح تخافين هيج
...أنتِ سامعه نفسج شلون عطتي حتى زرفتي
أذني گلت صار بيهم شي اكو شي گلبي وگع والله
...سوده عليه
أخذت نفس محاوله اهدء نفسي ماريد اگب بـ وجهه
...شوكت تردين ترحين
...ماعـرف بس حاتم من نجحت وعدني تجهيزات
الجامعه كُلهن عليه ، واليوم أتصل عليه گال من
تريدن ترحين أنطيني علم أنا اخذج وأني گلت ماكو
غير هديه خطاب تروح وياي
ضحكت ...قشمريني بهل حجي ست ميسى
...دكتوره ميسى على گوله عمو أيهاب
...دكتوره يابه ، شوكت تقدمين
...هـل أيام ، حايره هُـدى بين الطب وبين التخدير
...شتحبين أنتِ
...عاجبني طب عام بس خايفيه لايكون صعب عليه
...مايصعب عليج شي أنتِ گدها
ضحكت ...أنتِ دوم تشجعيني
...أذا ما اشجعج أشجع منو
...أشعجين خطاب
...هاا بدينه
...أحـم صح شلونه وضعكم
...من أي ناحيه
...من جميع النواحي
...ماشي طبيعي
بقيت أسولف وياها الى أن ختمنه الحديث بـ باجر
اروح الهم و أروح وياها للسوگ...
،،واگفه كـدام المرايه ،أمشط بـ شعـري
كملته وضفرته على طوله ،أخذت حمره حمـره وعجبني اخليها ، فتحتها وبديت أرسـم شفايفـي
القيت نضره عليها. كُلش حلوه طالعه عليه قررت
أبقيها ما أمسحها ، رحت مددت على الجربايه واتفرج
على الشاشه...
شوي وأنفتح ألباب وبأن هو منه ، سد ألباب وراه
بدون ما يباوع الي بس من وگعت عينه عليه وگف
بـ مكانه متصنم ، تعثلمت من نضراته انحرجت من
شده تركيزه بيه ، نزلت عيوني خجلانه منه...
وهو كان أنتبه على نفسه حمحم واخذ ملابس وفات
للحمام ، سمعت صوت الدوش جاي يسبح ،شوي وطلع لابس بس البِجامه من غير التيشيرت وبـ ايده
الخاولي ينشف بـ شعره...
أنت تقرأ
جدران مهدمة
General Fiction...انا فتاه عاشت وتربت كالجدار المُهدم انا من لم تذُق طعم الراحه في حياتها انا من خسرت عشقها انا هي ميسى وصفوني "بأبنت امها " روايه مختلفه تماما ...بقلمي الكاتبه _زمرده
