جدران مهدمة

البارت التاسع

"جدران مهدمه"

للكاتبه _زمرده

ياريت تقدرون تعبي ب تصويت
ومتابعه وتعليق يشجعني اكمل

تَعب حُبك وصعَب الحصول عليك
بس اني احبه هالتعب الي يبتذر عليك ♥️
.
.
.
.
بأوعت بحيره ماعندي جواب...
التفتت اكمل البيدي بس،
فز گلبي من عاطت يسر وتكومت بـ الارض

رحت اركض الها ،وميسه دگ وتلطم
مفرفحه وترجف ،من شافتها وگعت
من الدرج گدام عينها

هزيتها بـ قوه اريدها بس تتحرك تنطي اي رده فعل ،اشوفها گاعده أشوف مابيها شي ،من ميسه شافت ماكو أي أستجابه منها صارت تبجي وتگول
...أختـي مـاتـت مـاتت

على صوتنه اجه الكل فوك حتى جدي
شالوها شيل من حضن ميسه ،وركض بيها باقر للمستشفى ،وميسه ركضت وراهم بدون لا عبايه
ولا حجاب ولا أي شي يسترها...

نزلت اركض وراها جريت عبايه عمه من المطبخ وشالي نزعته ،خليتهن على رأسها وگلت مستعجله
...لحگيهم بسرعه

راحت تركض وراهم ،أعرف اذا بقت ياكلها القلق والخوف على اختها الافضل الها تروح

بقيت اللوب من القلق والخوف...
صعدت فوگ ،عيني اجت على ضي كاعده على الجربايه وتشهك...

تقربت كعدت يمها احاول اضيع الغصه الي بصوتي بس ماكو منها فايده اي محاوله...

طال الصمت الى أن نطقت

ضـي ...أنــي شفــتها أنـتـلـت

لطمت على خدي ودرت وجهي گبال وجها
...شلون ولج شلون والبنكه طافيه

هزت رأسها نافيه وشهكت
صوتها بالگوه يطلع 
...مادري مادري بس شفتها نشمرت من الدرج بقوه

نجمعن دموعي بعيني ،ودعيت الله يعديها على خير
والله هنه مو حمل تعب بعد...

مرت ساعه، أني كاعده يمها تبجي واهون عليها وأني الخوف تارس روحي ،منا حد مانزلت جوه وضي ملزمه بأيدي بقوه خايفه..

گعدنه بالصاله بـ سكته عيني على جدي يروح ويجي يفتر بالصاله والقلق باين بملامحه ،وكانما يخفي شي ورا هـل الملامح المليانات قلق

سألته بخوف من قلقه ...جدي ماتصلت عليهم

هز رأسه بـ أي وگال ...يگولون وضعها شوي موزين
دنگ رأسه وكمل كلامه ...گلبها ما متحمل النتله

شهكت ...جدي وهسه شبيها

...بعده وضعها ما مستقر
صفگ أيد بأيد وهو يگول گاز على أسنانه بقوه
...لا أعتراض على حكمك ربي بس لوما أبوهن
طايح حظ مايصير الي جاي يصير بيهن...

سكتت لان الظاهر جدي معصب ،ومو مال وأحد يزيدها عليه ويحجيله كلمه وياه...

مرت ساعه والوضع هدوء الكُل ساكت وجدي گاعد على الكرويته ،مُبايله بأيده ،يهز برجليه منتظر اتصال يطمنه ، وبـ الاحرى مو بس اله يطمنه كلنه ويطمن اختها التؤام الي روحها تبجي قبل عيونها على أختها
فسرت حالتها وعرفت البيها ،خايفه من الفقدان خايفه تفقد اختها تؤامها...