جدران مهدمة

البارت السابع والعشرون

"جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل

علقوا بين الفقرات، اريد اقرا تعليقاتكم
.
.
عاشرنة التعب والاه والحرمان
كلها لخاطرك ولخاطر اعيونك

لسمير صبيح
.
.
.
...أريـدج أليوم ،وراها اطلگج أريـد حـق كلشي
سويته الـج

جسمي انتفض بخوف ، رهبـه روحي وجت مثل
النار ، الشعـور وأني أسمع الكلامات هـذه دب الرعب
بداخلي الى درجـه ،مـا عرفت شنو أرد وشحجي

ألباب أنقفل مثل سجن انقفل على مُتهـم....

روحي تقاوم وياه بس لا مفـر ، ليش رادني
هسه وهـو بيوم الجنت يمه اكثر من سنـه
وما رادني ليش هسه من بديت اشـوف
حياتي ليش اليوم ليش هسه بالذات ليش
ناوي يذبحني ويرجعني النقطه الصفـر.....

لمساتـه ، همساتـه ، الشعور المُقزز الرفظ
الي رافضته أني بس ما فاد وياه ابداً!!

اعتلاني بالكامل ،مثل المرات البشعات الي
انكسرت بيهن وجان كسـري هـل مرا بشع
من حسيتها مـؤامره عليه.!

عافني اناشغ ، روحي مكسوره وتلوب ،ما أعرف
شسوي شصرف شگول شحجي

حجيت والرجفه بصوتي
...ليش هيـج ليش ليش نزلت نفسك بنضري
ليش هيج سويت حاتم

التفت الي جان يطلع ملابس من الكنتور
...مرتـي وحقي هـذا ، وجنت عايفج بمزاجي

...ليش هسه بالذات مو گلت اطلگج

هز رأسه بـ أي ...اطلگج صح بس بعد ما اخذت حقي

دنگت الم بـ نفسي ،شارده عن كُلشي وعن كلامه
وعن حتى تفكيري شسوي هسه

گمت سبحت ورجعت على ملابسي ، اجيت انسانه
وراح ارجع انسانه ثانيه . ويوميه يا دنيا تكسريني
ما قويت اذا ما عثرت انعم الله على كُل انسان جان
السبب بأذيتي...

وگفت يم الباب وأني اگول
...وديني الوقت تأخر

هز رأسه بـ لا وگال ...ماكـو فائده الرجعتج مكانج
يمي صـار

...حاتم ارجوك رجعني مالي خلگ ابقه

بقه ساكت فترا يباوع عليه ، بعدين گام اخذ
السويج ونزل وأني نزلت وراه ، تحت انضار
الكُل المستغربين والبعض يتهامسون الوضع
مبين شنو ومو أغبياء حتى ما يفهمون شعنده
فوگ...

طول الطريق ساكته وهـو يحجي ويبرر ،وأني
ما فتحت حلگي بـ كلمه ، شعور الضياع الي
احتل روحي عجـيــب....!

نزلت من السياره بدون ما أفتح حلگي صمت صمت
عجيب دخلت للغرفه البنات نايمات ، شمرت جنطتي
نزعت شالي وأني أباوع گـدام المرايه أثراه موشومات على رقبتي بـ تلقائيه....