جدران مهدمة

البارت العاشر

"جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل

عيوني التحبهن جنت
بعدك..
بس گَلولي هَلا كُلتلهم ها عيوني
.
.
ألنشر حيكون بين يوم ويوم
ومرات كُل يومين وثالث....

واتمنى تتفاعلون تعلقون ،لان
مدا يصير واهس اكتب ،،،
.
.
.
ضـي ...رحت الها ركـض روحـي مفرفحه علـيها
أبجي بخنگ وأني أشوف الـدم ألي ترس وجها
فجئه ،أمسح بدمها بـ ردان بـدي مالتي روحي
رأيحه ويا أخذ نفسها ،حسيت گلبي خفق بتوتر
أيـدي صارت ترجف مـن صـارت طلع أصوات غريبه
من حلگاها عبالك تشخر !

عطت خايفه
...شبيهااا يسررر تعاااي شوفيها ليش
هيج ليش شبيها

أحجي وأرجف كلي ،أجت يسر تركض
ماتقل عن حالي ،جانت تتعارك ويا أبوي
ومستغربه ما ضربها وأكتفه بـ قول

...لومـا ألبيج أعـرف شلون أربيـج

ماركزت على كلامه ،فقط جنت
أريد أحد ينقذها ألي ،وأبوي !
أخ يا أبوي ماكلف نفسه يشوف شسوه بيها
ولا دار بـال النه والحيرتنه على أختنه

طلعت أركض بـ تراكي ناسيه كلشي وراي
وما بـ بالي غيرها ،ما على رأسي غير الحجاب
الي مدري شلون لابسته ،رحت طايره لبيت جدي

دفعت الباب بقوه وطبيت أصيح
...جدددي عمووو الحگولي

وگعت بـ بأب البيت ،جسمي يرجف....
طلع جدي وعمو أيهاب يركضون
من شفتهم بجيت بتعب ،صحت بصوت يرجف

...ميسى ميسى واگعه عمو الحگ الها أبوي ضربها

عمو بس سمع كلامي طلع من البيت يركض
تبعه سالم ورجب ،روحي ترجف كاعده بـ عتبه
الباب ،مدنگه رأسي مكسوره عليها ،أجه دنگ
گبالي جدي ،رفعني من الگاع
،بجيت بشهكه ونطقت حرف حرف

...أبوي موتها جـدي أختـي ماتت والله شخرت

لمني الحضنه ساكت
شوي وبعدني گايل ...مابيها شي هسه يأخذوها
للمستشفى لاتخافين بعد جدج أخيتج سبعه

هزيت رأسي ساكته ،النفس أخذه يجرح بلعومي
بالي يمها ،ويم يسر بقت وحدها ،

...جدي يسر بقت وحدها

هز رأسه ...هسه اودي أحد يجيبها تعاي أنتِ
طبي جوه ،ماخليجن ترحن يم هذا المسودن بعد

ماحجيت شي وأخذ بأيدي دخلني للبيت.....
گعدت ع الكرويته وألف غصه بداخلي ،لان
كـل ما أجي هنا أجي مكسوره وكـل ما أكعد هل گعده
أكعد بيها خايفه والف غصه بدأخلي ،أباوع على بنات
عمي يباوعن ألي من بعيد ويتبسبسن ،أهمس بداخلي