جدران مهدمة

البارت الخامس عشر

جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل
التفاعل بـ البارت السابق جدا سيء أتمنه منكم توصلون هذا البارت 35 تصويت ،لان مشاهدات
ده تعبر الـ 300 والتوصيت كلش قليل ، صوتوا
حتى تصعد الروايه
.
.
بعَدني أتهَزهَز لطاريّك مِن كُل صُوب
چذَاب اليكَلك بيّه شي بارِد ..
.
.
.
...شنو ألي يقصده وشنو خطاب لاتموت ،الف شغله أجت بـ بالي ،أريد أعرف خطاب شبيه وليش هيج يحجي ،ركزت أكثر بـ كلامه من گال

...گلتلك دير بالك على روحك
ون بـ ألم واردف ...گلتلك يغدروك

منو هم ألي يغدوره !

أباوع مستغربه وبـ بالي أريد أعرف شكو أريد أستفسر ، بس ماگدر أگعده ،شگول أله من أسال
حاولت أتغاضه واركز عن مرضه فقط وأنسه الكلام ألي جاي يحجي بيه ، رجعت أسويله كمدات وشوي شوي بدت تنزل حرارته ،

شوي وفز يرجف ويهمس بـ صوت تعبان
...بارده بارده

گمت جبت أله بطانيه ثانيه وغطيته بيها ،بعدت شعره الاسـود من وجهه ورجعت أسويله كمدات
منا من شفته صحصح ،فتح عيونـه العسليات يباوع
ألي بـ أبتسامه ، مديت أيدي أوخر المنشف من گصته
بعد أيدي من گصته وخلاها على شفايفه ،بأس باطن أيدي وهمس ...تعبتـج

أبتسمت بوجهه ...تعبك راحـه أخوي أنتَ

بقيت أباوع بـ وجهه أريد كلمه أبدي بيها حديثي
باوعتله متوتره من گال ...بـ حلگج حجي أحجي

حمحمت أفر بـ عيوني وگلت ...شصاير وياك أنتَ وخطاب سمعتك مدري شتحجي من جنت مصخن

باوع مستغرب ،وگال ...شحجيت

...مادري بس سمعتك تكول لاتموت مادري شنو

مسح على گصته وهمس بـ قهر ...خطاب تصاوب البارحه

شهكت وأني أخلي أيدي على حلگي ،واسمعه يكمل كلامه

...حالته خطره ،لهسه بـ المستشفى تحت العنايه المركزه...

أباوع أحاول أحجي طبيعي ...وين تصاوب

... وحده قريبه على گلبه ،والثانيه بجتفه

أخذت نفس وأني أگول ...الله يشافيه

مسح وجهه واردف ...أن شاء الله

...خطاب گوم أسبح حتى تطلع منك الفلاونزه

عگد حاجبه يباوعلي مستغرب ،أجتني لحضه أدراك على الجفصه ألي جفصتها ،خليت أيدي على حلگي مبتسمه أحاول اتغاضه عن جفصتي...

عافني وگام يطلع أله ملابس ،وأني ماعولت أطفر من الغرفه ،يمه طلعت وسديت ألباب أيدي على گلبي ،هاي أني شحجيت بس مو بـ قصدي ،لان جنه نحجي بيه والله ونطقت بـ أسمه...