"جدران مهدمه"
للكاتبه _زمرده
ياريت تقدرون تعبي ب تصويت
ومتابعه وتعليق يشجعني اكمل
على لسان حال بطلتنه
تگول......
وكانما اشتعلت
تلك النيرانُ في قلبي بدلاً
من جسد امي...💔
.
.
بهاي الليله نمنه ودمعتنه مفارگت خد وحده بينه
الشعور الي اجتاح گلبي بوقتها مينوصف ،تعبت على امي واخواتي حزنت عليهن وحزنت على نفسي على الحال الي بيه احنه
نمنه احنه الاربعه بغرفتنه وامي اجت يمنه بعيده عن ابويه نمت حاضنه ضي ، ويسر حاضنه امي
يسر تأذت حيل طول الليل وشهكتها مفارگتها
انطحنت طحن لحالها والله احنه مانستاهل هل مُعامله المؤذيه
گعدت الصبح احس راسي يريد ينفجر من گد مابجيت وضي ويسر بعدهن نايمت بس امي الگاعده
لان باوعت على مكانها ماكو مالگيتها
،،تلسمت خد يسر الي نطبعت اصابع ابويه عليه
اخذت نفس بقوه احاول اسند نفسي لاجل عينهن
طلعت من الغرفه عايفتهن مدوره على امي
لگيتها بالمطبخ گاعده تشنگ بالعجين
ابتسمت احاول اقوي نفسي ...صباح الخير حبيبتي
ردت ...صباح النور امي
...شبيه الحلو من صبح يخبز
...گلت اتونس بالخبز ضايجه
...يله اساعدج
...لا عوفيني وروحي گعدي خواتج حتى تتريگن خبز حار
هزيت راسي الها مأيده كلامها وگلت ...خوش رايحه
صاحتني رجعت الها ...گولي يوم
ابتسمت بوجهي ...ماما ميسى
...عيوني
...ماما اريدج سند لخواتج دوم مثل هسه واريد تقوين اكثر بعد اريدهن دوم يشدن ضهرهن بيج بدال الاخ اريدج اخ الهن
ابتسمت بقلق بس مجان ابالي ولو شي بسيط عن الي راح يصير ...حبيبتي نشالله لاتشيلين هم
ابتسمت بوجهي ،رحت بوستها و
عفتها تگمل ورايحه اگعد خواتي
تقدمت يم يسر ندستها ،فزت مرعوبه
حضنتها ...اسم الله شبيج
مسحت على وجها ...خفت
مسدت على راسها ،وتركتها اكعد ضي
گعدتهن اثنينهن وطلعنه
طلعت اتمشه قبلهن متوجهه للمطبخ
جنت جاي احضر ريوگ النه وسمعت صوت طگه قويا اشبه بصوت انفجار
گلبي صار يم امي ورجليه ركضن قبلي
ركضت ركض برعب وخايفه لا البالي صح....
روحي انسحبت مني وتمنيت ميته ولا شايفه هل يوم ولا هل ساعه والا المشهد الصار گدامي..
الاحساس الي حسيت بيه ابشع من كُل احساس مريب مر عليه
أنت تقرأ
جدران مهدمة
General Fiction...انا فتاه عاشت وتربت كالجدار المُهدم انا من لم تذُق طعم الراحه في حياتها انا من خسرت عشقها انا هي ميسى وصفوني "بأبنت امها " روايه مختلفه تماما ...بقلمي الكاتبه _زمرده
