جدران مهدمة

البارت السادس

"جدران مهدمه"

للكاتبه _زمرده

ياريت تقدرون تعبي ب تصويت
ومتابعه وتعليق يشجعني اكمل

لم أعدُ قادرةًُ على وصفِ ما انأ بهِ الان ،
ولا يقفُ في عقليَ كلامٍ ،يصفُ مابهِ تلكَ الجدار
حتى الاحرفُ لم أعدُ قادرةًُ على جمعِها
لتكوينِ كلمةًُ تُخبِركم عن إِسوداد حياتي...
.
.
.
طفرت من المصلايه على عيطه خلتني أطلع اركض وماعرف شلون أنزل الدرج رجليه ماتن، وگعت من نص الدرج من توضح لمسامعي الصوت

صوت أختي وهيه تعيط بعلوو صوتها
...لاااااا أميييي ما تمووووت لاااا يمه

لطمت على وجهي ونهضت متكسره من أثر الوگعه...

عطت عيطه طالعه من اعماق گلبي ،عيطه تحمل وياها كميه ألم ماينوصف يصعب على الكلمات وصفه
...لااااا يمممه لااااااا

ملخت نفسي ماعرف شسوي وشنو أصرف
وشنو الشي الي يعبر عن الي بدأخلي بهذا الوقت
مجنت اريد شي غير يگلولي هل خبر جذب
بس الوجوه كلها تاكدلي الجاي يصير صدگ....

ملخت شعرري منهاره صارت خصل شعري توگع بين أيدي اباوع عليهن وأرجع املخ بشعري بدون شعور وعبالك أيدي جاي تروح لشعري وتگطعه ،جسمي وعقلي خضع لهذا أللم والشي الي جاي يصير هسه...

أحس أحس بالي حواليه يلزموني بس بهذا الوقت وكأن قوه العالم كلها صارت بيه الى درجه أبعد الي يلزمني وارجع اعيط وأبجي بصوت عالي واملخ بنفسي

بجيت من خليت أيدي على خدي ،بجيت بأنهيار من أذكرت الي عشته قبل وقت قليل هوه حلم

بجيت بصوت عالي وعطت وگان صوتي راح ...يمممه  شلووون بييييه يمه شعوررر ألامان عددد منوو الكاه يمممه منووو عد منوووو يمممه شلوووون عفتيني يا روحي من الدنيا انتيييي يمه ليششش يمه

بأخر كلامي صرت أعيط بخبال ،ما مستوعبه الجاي يصير ،هستوني اليوم صار عندي أمل تالي افقدها ،شعوري لا يقدر ولا يوصف اعجز شحجي وشگول بهاي اللحضه الي هسه اني بيها

شعور اتمنه محد يعيشه ،شعور فقدان السند صعب شعور فقدان ألامان صعب ،شعور أنو صرت بلا أم يصعب عليه حيل الى درجه الانهيار.....
.
.
.هُدى ...أمتلى البيت بالعياط من أجانه خبر وفاه عمه هُدى،أحتل الحزن البيت من وصل انو هاي هي توفت  الحزن خيم على الي يحبوها ،الحزن ترس ملامح بناتها من سمعن بالخبر ،من كُل جهه وحده منهاره
من كُل جهه وحده دگ وتلطم من كُل جهه وحده مجاي تستوعب هل خبر وماجاي نگدر نسيطر عليهن حقهن حقهن ،ومو قليل الجاي يصير بيهن