جدران مهدمة

البارت العشرون

جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل

صوتوا وعلقوا بين الفقرات وأنطو أرائكم حتى
يصير ألي وأهس...
.
.
أَجر بيها بسناسل ما إِجت وياي
ويه الغير إِجت بخيوط بكرة
.
.
.

ركضت بـ فزع ،فاتحه باب ألغرفه ،وأذ بيَ أشوف مره
أبوي لازمه يسر من شعرها وتكتل بيها ،أنجنيت من
شفتها شلـون لازمه شعرها بـ أيد وبـ ألايد الثانيه تضرب بيها وبس صوت صرخاتها ملاء مسامعي...

،،بـ كُل ما عندي من حيل أفكها من أيدها وهي مثل
الثور الهايج ماتعوفها ،

عطت بيها بـ تهديد ...تعوفيهاااا لا بالله أليوووم أخليج عبره لمن أعتبر ، وثقي شاااهدي موجود

عافت شعر يسر ، وتصنمت بـ مكانها

حضنتها بـ قوه روحها رايحه ، والله أخاف عليها من
نسمه الهواء تعبت وياها هواي ،وتجي هاي ألي ما
تسوه ألها فلس تضربها ، لا بالله لا عاشت ولا كانت

عفت يسر ،وتقدمت بـ اتجاها واگفه تباوع علينه
ومن دون كلام ، رفعت أيدي وضربتها رأجدي

وگلت صاكه على أسناني
...حتى أذا فكرتي بـ يوم من ألايام تمدين أيدج على
وحده من خواتي ، ما راح اكتفي بـ راجدي لا والله
احرگج ، وأنسه أليوم ألي دخلتي بيه لهذا ألبيت

عينها مفتوحه بـ وسع ، تباوع ألي مصدومه ، أيدها
على مكان ألضربه...

درت وجهي ومشيت ، ألمُهم ريحت گلبي بيها عسى
ما تقوم القيامه أليوم...

،،دنگت رفعتها من ألارض وگفتها مُقابيلي وأني أمسح دموعها وأهمس بيني وبينها

...ما عاش ألي يمد أيده عليج وأنـي أختـج

أبتسمت وسط بحر الدموع ، أبتسمت على أثر
أبتسامتها ، وأخذت بـ أيدها ودخلنه للغرفـه...
وضـي ورانه تمشي وتهز ركبتها...

أول ما دخلنه عاطت

ضـي ...صخااام هاااي شسويييتي والله يراد أبوسج
يبووو يمه فشيتي ظيم گلبي بـ هذا الراجدي

ضحكت ...أنتن عندي خط أحمر ، ألي يمسجن بـ
ورده أرشه بـ دم...

ضـي ...حيووو حيوو الكفووو

ضحكت وأشرت ...شبيج تخبلتني

أجت حضنتني ...لا والله فرحانه

حضنتها ...عساها دوم الفرحه ضاهره أسنانج..
.
.
ضـي ...خلص هذا أليوم ، وثاني يوم رأحت ميسى
للمعهد ومن أجت تلگيناها أني ويسر ،

گعدت بـ الغرفه بعد ما نزعت جنطتها ، أبتسمت
وهي تگول ...حتبدن وياي دراسه للثالث

حجينه سوه أني ويسر ...ماعنده كتب