جدران مهدمة

البارت الثالث والثلاثون

جدران مهدمه" اوصيكم بالتفاعل

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل
.
.
سولفتلي
وفرفحت روحي بسواليفك حمامة
سولفتلي
ودنكيت بمستحى بعيني اعله متنك يابو شامة
.
.
.

شكلـه والــدم الي يابس على ملابسـه
ملابسـه الي كُلهـن تراااب ، شكووو ؟؟

شصاير ويااه شكلـه ما يوحي أنُ هو بخير....ابـداً

تقـدمت بخطوات خايفه ومتردده
أتبعتـه قبل لا يعبر البيت أهلـه سألت بخوف
...شصاير رجب شبيك؟؟

مسـح على جبينه حمحم ونطق بصـوت تعبان
...مابيـه شـي

...بس شكـلك يگول غيـر هـل كـلاك

أخذ نفس بهدوء يحاول يفهمني بدون ما يخوفني
...أتعرضت الاغتيـال وأنا جـاي

شهكت مكممه فمـي وعيوني تباوع على شكله
بخوف ،وكانما خوفي عليه خوف أخت على اخوها
الجبير ، أبتسم وهـو يكول

...هذا أنا مابيه الشي المن الخوف ضوه بعد أخـوج

حجيت بصوت يرجف ...لا سامـح الله لو كاتيلك
تفيدك الرتبه لو شغلك الي كُلـه خطر بخطر

ضحك بألم ...أفاا عليـج ما مرجيه منـج ،شلون
ماتفيد الرتبه وهـي هيبـه الوطن شايلها على اجتافي...

...وأهلك منوو الهـم

مسح جبينه المُتعرق مبين حيل تعبان واني
اخذته لوك لوك ...روح أرتاح محتاج مُسـاعده

هز رأسه بلا وقبل لا يعبر طلب مني أرجـع
للبيت.وأن ماحجي الاحـد على الي صـار
،رجعت وهو رأح ،صعدت فوگ فتحت
الباب يسرا نايمـه ورقيه هـم ،سريرها نايمـه
عليه رقيه أخذت نفس بهدوء وأني أتذكـر أخر
أيام وياها ،أذكر ايامي شلون جانت بيها حنيـه
بـ وجودها ،صوتها حنانها كُلهن مفتقده الهـن....؟..

أبتسمت ويـا دمعتي الي وگعت وحجيت
بهمس خفيف ...هـم ترجـع تنتعش الروح بحينتـج؟؟

مددت على فراشي ،وغفيت بعـد مُـده مو قليله
گعدت بـ أليوم الثاني على مناگـر رقيه ويسـر
خليت المخـده على رأسي بزعانه واحاول ارجع انام

شلت المخده شمرتها عليهن
...ماتكولون اكووو مصخمه ناااايمه نااايمه
يااا امه الاسلام اكوو وحده هنااا نااايمه

رقيه ...أييي و وجعععع فهمنه ناااااايمه

يسـر ...نااااايمه

رقيه ... مصخمه نااايمه رجعي نايمي يلمصخمه،
أمشي يسـر نكمل برااا

سحلت يسر وطلعت بقيت فاتحه حلگي،هذن صدگ
يحجن شنوو هل لسانات هااي ،هزيت أيدي متعجبه
ونزلت من الجربايه طار النوم من عيني رفعت رأسي
ع الساعه جانت بـ 10 الصبـح ،أي زين خلي انزل