جدران مهدمة

البارت الواحد والعشرون

"جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل

صوتوا وعلقوا بين الفقرات وأنطو أرائكم
حتى يصير ألي وأهس...
.
.
لا سرك مثل يوسف وأشمره ببير ولا أگدر أضُم اليحترك بية .

لـ مهند العزاوي
.
.
.

ماعرف شلون لبست ملابسي ، سن يطگ بـ سن
من خوفي ، روحي ترجف فتحت ألباب البيت
ضـلام دأمس عباره عن "أسـوداد"

ماشوف شي أتلمس الحياطين وأمشي ، طفرت
خايفه من سمعت صوت طبه قويه للمره الثانيه
حتى أقوه من قبل شوي

أريد بس أصول أعرف مصدر الصوت وين متت
بـ كُل ثانيه أخطيها ، ماعرف شلون نزلت من الدرج
وشلون وصلت لباب الصاله ، بس ألي أعرفه

من فتحت باب ألصاله عطت بـ فزع وأني أشوف
ميزانيه ألبيت گابه بيها ألنار وصايره مثل الحطب
وصوت الطگه ألي تصير والنار ألي تطفر لـ بعيد
رعبتني ، خلتني أعيط بـ أعله صوت عندي

صوت ألباب ألفاصل ينتدك ، أريد رجلي تعيني و
أروح أفتحه ماگدر أخاف الكابينه قريبه عليه...

صوت عياط عمو أيهاب والولد جدي البنات يم
الباب كلها ، سميت بـ أسم الله وخطيت بـ خطوات
خايفه ، ماعرف شلون فتحت ألباب أول ما فتحت
ألباب حسيت بـ عمو جرني بـ سرعه ، بس عبرت
لـ بيت جدي وحسيت ، بـ أحتراق الميزانيه أكثر
صارت بـ صفحتي و لو ما الله ستر وعمو سحبني
جان صفحه من جسمي و وجهي أحتركت...

الناس ألتمت ، عمامي ألولد كلها بـ بيتنه وأني روحي
أحس مسلوبه مني گاعده بـ ألصاله وجسمي يقطر
مي لان حتى ما نشفت...

الكُل ملتم يمي ، حتى بيت عمو مؤيد أجو شوكت
مادري بس ألناس كلها درت بـ الحريق ، بيبي گاعده
يمي وتنوح لان وحدي بـ البيت

...أنتِ شجايج هاا مو رايحه للخطوبه شجابج
لو ه‍اي منيتج جابتج حضج بيبي الفگر چان أحتركتي بـ البيت

ساكته وبس أهز بـ رأسي لسه الرعبه بيه ومدا اگدر
اتخطه ، جدي رفض أن نبلغ أمي و أخواني بس ما
أعرف منو موصل الخبر الرجب ألي أجه مثل ألاعصار
يركض عليه ويتفقدني يسأل خايف لا اكون بيه شي

هزيت رأسي أطمنه بعدت أيده ألي على خدي
ولزمت بيها ...والله مابيه شي والله

رجب ...وگع گلبي من گالو أحترگ بيتكم وأختك
بـ ألبيت

أبتسمت ...سلامه گلبك يابعد گلبي

ضحك وضمني لـ صدره ، أخذت نفس شامه عطره
أحب عطر أخويا ألي مختلط بـ جگايره ، لا تستغربون تصرفي ، رجب ويا روحي...