جدران مهدمة

البارت الثالث والعشرون

"جدران مهدمه"

للكاتبه _زمرده

ياريت تقدرون تعبي بـ تصويت
ومتابعه وتعليق يشجعني اكمل
.
.
ظفروا رموشي حبل وإتنطروا جية ظلام
وصلبوا إعلى عيوني حلمك
وانت يا المجروح خاف احجي والجمك

الگاطع
.
.
.
ميسى ...گاعده ولازمه بـ ايدها اسولف وياها ماريد
يشتت بالها للبعيد ، التفتت عليه مرتبكه من گالو

...اجـو

گمت اعدل بـ بدلتها وخصل شعرها النازله المُتناثره
رتبتها ،باوعت عليها وصليت على محمد وگلت

...راح يلزگوج بعين

أبتسمت ساكته ، بس جانت أبتسامه مُزيفه مبين
ورا هاي الابتسامه الكثير من الامور المُخباه....

عفتها ورحت لبست شالي وضميت شعري كلش زين
وأني أسمع صوت الهلاهل والهوسات ،علگو الجو
وصوت الدبج والرگص احس هز البيت...

رحت اتمشى بـ خطواتي الهادئه وأني عيني على
الكعب خايفه لا اوكع حيل عالي...

أبتمست وأني اشوف قيتار كدامي ، رحت سلمت
عليها وبوستها ودخلنه للاستقبال احنه الاثنين سوا...

اباوع عليها وعلى التوتر الي تارس ملامحها وهو
گاعد بصفها هي مثل "الحجره الهادئه" اما هو مثل
"البحر الهائج" من ورا فرحته مبينه كلساع يهمس
الها شي وهي احسها گاعده على أعصابها....
.
.
هُـدى ...بودي اضربه بوكس اسكته خبلني مجاي
يسكت وهو بيه وما ينزل على التُرابي همست
بالگوه على روحي مبتسمه...

...خطاب اسكت كافي

خطاب ...ليش نسكت عيني ابو الازرق

.. خطاب شسالفه

خطاب ...ليش هيج مطلعه زنودج

أبتسم وهو عينه عليه وگـال بصوت هادء
رجولي رجف گلبي لاول مرا...

...وقـل للمليحة بالمقيصِ الازرقِ
لون السماءِ بوجهكِ المُتالـقِ

يحتاج غيماً مُمطراً فتأكدي
سيكونُ حباً مُثمراً لو نلتقي

درت وجهي منه ، أحس وجهي أشتعل بنار
كلام عادي بس مادري شبيه تخربطت احوالي

التفتت عليه من اخذ أيدي بين ايديه وأحتضنها
بقيت أباوعله ساكته وهو يگرص بيدي عبالك
مادري شعنده وياي...

شوي وگالو يله يحنيها ، صاحو على بيبي اجت حنتنه وهاي عادات عنده لازم شخص كبير بـ العمر
يحنيهم علمود الحظ والبخت مثل ما يگولون...

أول شي حنته هو ونوب أني ، طلع من جيبه ورقه
ولف كف أيدي بيها ،كُلها بقت صافنه وتصيح شدعوه
ورقه وبوقتها هواي يعني بزايد العرسان يخلون ٢٥