بسم الله الرحمن الرحيم
آللهم صل على محمد وآل محمد
#تراتيل_الذئب
#بقلمي_رَيـحانَه_الُمٌوَسِوَي
صباح الخير او مساء الخير بتوقيتكم
أسمي ليلى بس نادراً اسمع اسمي الكل يدلعوني ليلو او لولو
من كربلاء عمري{ 17}طالبة سادس احيائي تسجلت بعمر {5} سنوات
جنت بالروضه كولش ذكيه والمديره تحبني وتفضلني على بنت أخوها
جانت عندي معاناة بالروضه من مروه بنت اخو المديره تكرهني حييل
لأن جنت شاطره وذكيه ومرتبه وبسبب حب المديره عمتها الي
أما شكلي بشرتي بيضه صافيه شعري طويل لونه بني فاتح
عيوني عسلي طولي 165 وزني تقريبا 65
إني البنت الوحيده ل أهلي أمي تعتبرني لعابه مو طفله ولحد الآن دتعاملني على أساس إني طفله أعرف راح تكولون عادي أغلب الأمهات يتعاملون ويه أبنائهم بهاي الطريقه بس لاا أمي عدها الدنيا بكفه وأني بكفه ودائماً تكولي إني شحصلت بالدنيا غيرج رغم عندي (2) اخوان علاقتي بيهم تجنن مدلليني وميرفضولي طلب بابا علاقتي بي حلوه يحبني بس هو شخص عصبي وميقبل على الغلط وبنفس الوقت ماكو مثل حنيته
اليوم أول يوم عطله كعدت الساعه (9) الصبح غسلت وجهي وفرشت أسناني خليت واقي شمس ومرطب شفه وعطر هادئ نزلت البيت هدوء وصوت فيروز مثل بلبل الصباح يغرد
ليلى:صباح الخير سلطانه نسرين
نسرين فتحتلي حضنها :صباح الأنوار أمي ليش كاعده من الفجر ليش مابقيتي نايمه
ليلى :ماما حبيبتي تعرفيني أكره النوم الطويل بعدين اي فجر تحجين عنه الساعة ب(9:15) الدنيا الظهر ماما
نسرين :غير علمودج دااحجي ياأمي تعالي هاج شربي
(باوعت كوب حليب وعسل وكوب عصير طبيعي من إني طفله تسويلي هذا الروتين)
ليلى :ماماتي ل أي عمر وانفطم من هذااا الروتين
نسرين :لا تجادليني ليلو لو جبس مو جان اكلتي بدون تفكير
(كطعت نفسي وغمضت عيوني وشربتهم مره وحده بدون نفس فتحت عيوني واني متقززه شفت امي مبتسمه بوجهي ابتسمتلها واخذت أدوات التنضيف وصعدت من السطح لباب الشارع تنضيف وتلميع وأمي كل شوي تكولي كاافي وأني اكوللها بس هاي الشغله وتجي تريد تساعدني مااخليها وبقينه على هذا الحال لحد ما كملت مطيت ظهري باوعت للبيت بنضرة إعجاب رحت بوجهي للحمام سبحت وطلعت توضيت وصليت تأخرت على صلاة الظهر)
(كملت طلعت للحديقه كعدت بالمرجوحه انتظر بابا واخواني يرجعون من الشغل وأمي تكمل بالغده لان يجون جوعانين،، باوعت الساعه 1:30 انفتحت الباب طفرت من المرجوحه ركضت ل أمير حضنته)
أمير :حبيبة أخوها شلونج
ليلى :الحمدلله حبيبي انت شلونك الله يساعدك
أمير :الله يسلمج ليلو روحي فتحي السياره شوفي شنو جبتلج
(رحت شفت بابا دينزل من السياره وينزل علاليك ويا رحت جريت العلاكه من ايده وداابوسها بس سحبها وباس راسي مبتسم)
ليلى :الله يساعدك بابا حبيبي انطيني عنك
بابا محمد: يساعد بختج بنيتي الله يرضى عليج
(راحو بابا وأمير للبيت باوعت بالسياره أشوف علي لازم فونه ومبتسم ضيقت عيوني وانداريتله)
ليلى :احم احم دااشم ريحة خياانه شددددسوووي
علي:ههههههه احم احم اني دااشم ريحة غيرررره
(دااجاوبه وسمعت صوت ماو ماو فتحت عيوني على وسعهم)
ليلى :علي اسمع صوت بزونه ياالله والله اسمع صوت بزونه
علي :ههههههههههاي شبيج راح تبجين ايي صوت بزونه
(فتح الباب وشفت قفص بي بزونه بكد كف الايد بيضه تجنن دمعوا عيوني)
ليلى :علاوي شنوو هااي
علي:بزونة الج وهاي ورقه وياها كل التعليمات التخصها كتبتهم البيطريه
ليلى طفرت علي حضنته: حبيبي شكراً شكراً متصورر شكد فرحتوني
علي:حبيبتي تستاهلين شعدنا غيرج
(أخذتها ودخلت البيت أركض واعيط عااااا طلعت أمي من الغرفه وجها أصفر وتكول اسم الله اسم الله)
ليلى : عاااااااا شوووفي ماما بسه عنونه
نسرين :ليلو من كل عقلج أمي وكعتي كلبي عبالي احتركتي
ليلى :شوفيها ماما تجنن ياالله حبيتهاا
سمعت بابا عاط من الغرفه بابا محمد : ليلووو ليش هالشكل تخرعين امج بابا
ليلى :آسفه بابا والله مو قصدي اخرعها
نسرين:ياالله ماما ماصار شي روحي ذبيها من ايدج وغسلي لا تتمرضين
أمير :لا يمه هاي معقمه وماخذه علاج ماتأذي أخذتها للبيطريه وضبطتها
[بعد مرور شهر]
(اليوم عيد ميلادي كعدت الساعه (8) الصبح سبحت ونزلت اليوم الكل موجودين بالبيت)
ليلى :صباح الفرح والسعاده عليكم جميعاً
الكل بأبتسامه:صباح الأنوار
بابا محمد فتحلي ايده وحضني :حبيبة بابا كل عام وانتي بخيير ان شاء الله يوم الاشوفج أحلى عروس وازفج بأيدي
ليلى :حبيبي بابا وانت بالف خير الله يديمك الي وميحرمني حناانك
نسرين :بنياتي كل عام وانتي بالف خير ان شاء الله اشوفج أفضل دكتوره
ليلى :وانتي بخير ماماتي آمين آمين
(اجو علي وأمير حضنوني وتمنولي حياة سعيده،، استغربت هاي السنه عيد ميلادي كولش تقليدي متعوده كل سنه مفاجأه شكل كملت روتيني اليومي صار العصر وجنه الكل كاعدين بالصاله بابا يباوع للساعه وأمي متوتره وأمير كل شوي يباوع بفونه بقيت قلقه من وضعهم فجأة دخل علي وجها مخطوف كامو ماما وبابا)
بابا محمد :هااا علاوي بشر قلبنا نار
علي:********
______________
#للحكايه_بقيه
أنت تقرأ
تراتيل الذئب
Romanceذياب؛ هههههههه طيرتكم صارت بأيدي وتحلمون ارجعها بعد إذا ما ادوس كرامتكم بالرجلين ( بقيت مصدومه يحجي بنبرة حقد واضحه يعني كلام أمي صح،، اخذت غراضي وطلعت من الباب بدون مااكول ل أي شخص ،، طلعت امشي سريع بالشارع اريد اوصل للشارع العام وأخذ تكسي بدون ماا...
