Part 29

1.8K 98 214
                                    

بسم الله الرحمن الرحيم

آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

‏"لولا الظروف السيئه لبقينا نظن أن جميع من حولنا سَند."

_______________

{محمد}

( يوم الأربعاء من رحنه للزياره بطريق الرجعه سولفت ل ذياب منو جان سبب الإنذار الي وصله بخصوص تخفيض رتبته ومنو مقدم الشكوه ضده هو وسام ،، كال يصير خير شيطلع بأيده خل يسوي،، ثاني يوم رحت للمركز الساعه ب8 الصبح وب 10 لازم أخذ ابو وسام وابو حسنين للمحكمه واكف احجي ويه ذياب بخصوص القضيه وسمعنه صوت وسام)

وسام؛ ياهلا والله حضرة العقيد شايف الإنذار جايب نتيجه وياك ورجعت تداوم وبعد ماتزاغل

ذياب؛ من يوم يومي ماازاغل خليت الزغل ل أصحابه

وسام بعصبيه؛ شنوو قصدك

( شفت الموضوع راح يكبر و تصير هوسه واكفين واحد خازر الثاني،، اشرت لذيب وكلتله)

محمد؛ ياللّٰه ذيب عدنه شغل

وسام؛ كله بسببك تعب سنين ضاع مني رجعتني لنقطة الصفر خليتني حالي حال أصغر شرطي بالمركز إذا مااوصلك للوصلتني إله ازين شاربي

ذياب؛ هههههههه لعد اسمعني ماانحسب رجال ومااكعد بين الزلم إذا مو اطلع امر طردك بأيدي وارجعك للمزابل

وسام؛ ذيب هههههه ذيب ليش تخليني أوجعك بعزيز قلبك

ذياب؛ ديررر بالك تفكر تتقرب لشخص يخصني ساعتها شاربك بأيدي ازينه

وسام؛ خل نشوف منو يزين شارب منو

( جريت ذياب للمكتب وهو صاير عصبي نار بقه يفتر بمكانه حاولت احجي ويا واهدي بس ماسمع مني،، وره شويه فتح باب المكتب وكال لحمزه تعاال بسرعه،، اجه حمزه مو فاهم شي وياشرلي شنو)

ذياب؛ حمزه اعتمد عليك بيتي أخواتي اهلي كلهم من دون استثناء مااريدهم يغيبون عن عيونكم لحضه وحده فهمممتتت شداااحجي؟

ملازم حمزه:تأمر سيدي مفهوم بس عادي أعرف شنو صاير

ذياب؛ النذذل وسام ديهددني بيهم

ملازم حمزه؛ ذيب كم مره كلنالك لا تتلاطم ويا تدري بي هو حاقد عليك

( من حمزه كال هالشكل ذياب خزره)

محمد؛ حمزه ذياب ما تقرب ناحيته وماندك بي،، بس هو ماأعرف شبي يااخي تكول عايش بحلبة مصارعه

تراتيل الذئب حيث تعيش القصص. اكتشف الآن