بسم الله الرحمن الرحيم
آللهم صل على محمد وآل محمد
#تراتيل_الذئب
#بقلمي_رَيـحانَه_الُمٌوَسِوَي
________________
سـُكراتي لا تنسون التصويت ومتابعة الحساب وعلقوا بين الفقرات
________________
تعثر في القراءة على حياتك مختبئة بين السطور
أن تكتب هو أن تضع للحياة معنى🤍.
_____________
{ليلى}
علي؛ منو كاتب هذا؟
ليلى؛ هااا
علي؛ شبييج ليلى؟ سؤااالي واااضح هذاا منيين
(علي عصب عليه خفت حيل وحتاريت شلون ادارك الموقف وعلي مركز وياي حيل)
ليلى؛ من اجو البنات هنا مريم كتبتها
علي بصياح؛ لعددد متحجييييين لييييش ساكته
ليلى بدموع؛ شبيك علي
( كلتله شبيك ونزلت دموعي من الموقف الي صرت بي)
علي؛ عذريني مو قصدي أرفع صوتي عليج بس إنتي وجهج صوفر ومتحجين عبالي واحد بالجامعه هالشكل مسوي تعالي
(فتحلي ايده حضنته وأني ابجي مقهوره من نفسي رغم ماسويت شي بس أهلي منطيني كامل الثقه وأني بسكوتي عن تصرفات ذياب بحساب دااخون ثقتهم،، هايهيه قررت لازم اخليله حد)
علي بأبتسامه؛ شنو مسويتلنه عشه؟
ليلى؛ دجاج شوي ويه الخضروات
علي؛ شنو هالدلال عاشت ايديج حبيبتي اكو شي ناقص اجيبه؟
ليلى؛ اني كملت العشه بس صمون ماعدنه وإذا تريد بيبسي او لبن هم ماكو
علي؛ صار وبعد؟
ليلى؛ هايهيه ممحتاجين شي بعد
(كرص خدي بخفه وابتسملي اخذ محفظته وطلع،، شكيت الورقه من السجل واخذتها بالغرفه لازم اخليله حد،، رجعت للصاله كعدت ادرس 5 دقايق واندكت الباب أكيد رجع علي خليت الشال على راسي كلت منو سمعت صوته يكول فتحي ليلو فتحت الباب وانصدمت أمير كدامي،، أمير وعلي أصواتهم تشابه نسخه)
ليلى؛ امير شلونك حبيبي تفظل
أمير؛ الله يسلمج حبيبتي تعالي وياي بسرعه هاي اكو بنيه ثوله وكعت على الدرج ويمكن انكسرت رجلها تعالي شوفيها
ليلى؛ اوكف خل البس
امير (مد وجها باوع منا ومنا)؛ لفي حجابج وتعالي طلعي بسرعه محد اكو
(طلعت ويا وشفت على الدرج بنيه كاعده اندارت عليه انصدمت مروه شجابها هنا)
ليلى؛ مروه لج شسوين هنا
أنت تقرأ
تراتيل الذئب
Romanceذياب؛ هههههههه طيرتكم صارت بأيدي وتحلمون ارجعها بعد إذا ما ادوس كرامتكم بالرجلين ( بقيت مصدومه يحجي بنبرة حقد واضحه يعني كلام أمي صح،، اخذت غراضي وطلعت من الباب بدون مااكول ل أي شخص ،، طلعت امشي سريع بالشارع اريد اوصل للشارع العام وأخذ تكسي بدون ماا...
