تراتيل الذئب

Part 15

بسم الله الرحمن الرحيم

آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

____________

{ليلى}
(ترخصت ودرت وجهي أروح للقسم مالتي وقفتني جملته)

ذياب؛ بابا لتشربين بس كهوه أكلي شي وياها مو زين لتتخربطين

ليلى؛ ان شاء الله عمو

(هزيت راسي عفته ورجعت للمحاظره لحد الساعه 2:30 يالله خلصت إتصلت بعلي كال بالشغل شويه يتأخر واكفه قريب باب الجامعه شفت مروه واكفه تقربت اسلم عليها)

ليلى؛ هلو مراوي شلونج

مروه؛ هلو عمري شلونج أنتي

ليلى؛ الحمدلله حبي بشريني شلونها سمر مافرغت اتصل بيها

مروه؛ الحمدلله أحسن اليوم شدسوين هنا راح ترجعين للبيت؟

ليلى؛ ايي منتضره علي بالشغل وكال شويه يتأخر

(اني واحجي طبكت سيارة ذياب كدامنا نزل الجامه وابتسم)

ذياب؛ السلام عليكم يالله صعدوا

ليلى؛ وعليكم السلام شكراً عمو علي جاييني بالطريق

ذياب؛ صعدي بابا هو علي كالي أوصلج ميكدر يترك شغله

(صدمني كلامه لا أكدر اصعد ولا أكدر اتصل بعلي واتأكد احتاريت)

~~~~~~~~~~~~~~~
{سمر}

(أريد اجاوبه وسمعت صوت)

مروه؛ شدسووون هنااا؟

ذياب؛ غسلي وتعالي كعدي

مروه؛ شنوو هاي الخيانه شدسوي ذيبي

ذياب؛ اكلتج المفضله بنياتي هم الج وهم لسموره ممتعشيه

مروه ياااااي أحبك أحبك ذيابي

ذياب؛ هههههه فدوه لبنيتي

(اباوع لمروه وعمها علاقتهم شلون حلوه الله يحفظهم، اندارت عليه مروه واجت حضنتني وباستني)

مروه؛ شلون صرتي سماره

سمر؛ الحمدلله حبيبتي، شكد حنينه انتي

مروه؛ طالعه على ذيبي هههههه (لزمت وجهي مكان ضربه وحجت بعصبيه) كسر بأيدك ياابو كرش الحيوان تفووو على تربيتك

(باوعلها عمها بمعنى كافي سكتت مروه،، فتح باب المطبخ الخارجي طلع وأخذ صينيه ويا وصاحلنا ورا طلعنا اني ومروه،، شفته مكصكص صدر دجاج مكعبات وطماطه وفلفل مصيخهم ابتسمت مبين متعود يطبخ)

(كعدنا بالحديقه على صفحه نشوي ونسولف ونضحك، كمل الشوي وكعدنا ناكل سوه رغم بالبدايه جنت خجلانه هواي وأريد أرجع للغرفه بس بسوالفهم وضحكهم نسيت الخجل وحسيت نفسي ب بيتي الله يحفظهم ويديم جمعتهم، كملنا أكل حجه ذياب)