تراتيل الذئب

Part2

بسم الله الرحمن الرحيم
آللهم صل على محمد وآل محمد

#تراتيل_الذئب
#بقلمي_رَيـحانَه_الُمٌوَسِوَي

بابا محمد :ها علاوي بشر قلوبنا نار

علي:98.9 مبرووك حبيبتي رفعتي راسنا

(بقيت جامده بمكاني واحس بعد مااسمعهم أشوفهم انخبصوا وديباركولي ويحضنوني نزلت سجدت شكر ل الله ودموعي تجري)

~~~~~~~~~~~~~~~~~~~~~

بمكان ثاني
**سيد طلعت النتائج
***احجي بسرعه شكد معدلها
**98.9
***أبتسم ابتسامه واسعه بنيتي رفعت راسي
**سيد ب بالك شي؟
***ماكو جامعه راح تقبلها غير جامعة بغداد
**تأمر سيد صار
~~~~~~~~~~~~~~~~~~~~~

(ليلى)

(فرحه متنوصف الله لا يحرمها لأحد احس نفسي فراشه طايره بس علي احس بي صافن ومحتار من اندار علي يبتسملي ومن اندار يرجع يصفن لليل مجموعين كلنه وحجه علي)

علي:اليوم من رحت للأعداديه صارت شغله عجيبه

محمد:خير ان شاء الله كول بابا

علي؛ من رحت أخذ النتيجه مالت ليلو المديره كالت اجه اخوك استلمها كلت الها لا ست مشتبها واتصلت ب أمير وتأكدت منه كال مواصل للأعداديه بقيت مصدوم

محمد:خاف صاير اشتباه عند المديره

علي: لا يابه المديره متأكده كالت اجه شاب كال اني اخوها ومبين شخص محترم

محمد؛ باباتي أخاف أحد من اهل صديقاتج ديسأل على نتيجه مالتج

ليلى؛ لا بابا مستحيل هذا الشي لأن ماعندي صديقه مقربه لهاي الدرجه

نسرين والتوتر واضح عليها؛ ليلو أكيد صديقاتج منو راح يكون يعني

ليلى؛ لا ماما صدكيني مو صديقاتي

أمير بغمزه؛ أخاف معجب سري

ليلى؛ بابا فدوة كـُله يسكت

محمد؛ ههههههه عوفها أمير

ليلى؛ ماماتي لا تخافين أكيد أكو غلط بالموضوع

نسرين؛ لا ماما ليش أخاف يعني

علي؛ يوم ليظل بالج شوفي وجهج شلون صار أصفر

محمد؛ عاد مدام الموضوع بي ليلو نسرين تدخل إنذار
(فجأه أمي نزلت دموعها)

أمير؛ يمه لا تخافين اكيد مثل مكال ابويه الموضوع اشتباه بعدين تخافين عليها واحنه بضهرها

نسرين؛ حبيبي ماما الله لا يحرمني منكم ويخليكم لبعض سند

علي؛ ويحفظج النه يالغاليه

(بقيت أفكر منو هذا اليسأل على نتيجتي ووضع ماما الي خافت بشكل مو طبيعي
، انداريت على بابا شفته يباوع لماما المخليه علي وأمير بحضنها وعيونه مليانه دموع أول مره أشوف دموع بابا تقربت يمه)

ليلى؛ شبي بابا حبيبي اممم معقوله دتغار على سلطانتك

حضني وبقه ساكت
~~~~~~~~~~~~~~~~~~~~~~~~~

**اهلاً وسهلاً شعجب اليوم اتصلتي

نسرين؛ أنت شلوووون تتصرف بعدم مسؤوليه لهااااي الدرجه

**مدام ام ليلى ياريت تنتبهين لكلامج وياي

نسرين؛ انيي منتبها لكلااامي أنت انتبه لتصرفااااتك وأكثر من مره كلتلك إني ام علي

**هههههههه أريد أعرف على شنوو عصبيه ليلى كبرت وأول وتالي راح تعرف كُلشي

نسرين؛ ديرررباالك احذرررك تسمعني أحذرك تتقرب ل ليلى

**بس هذا مجان اتفاقنا!!!

نسرين؛ ماكو أي اتفاق بيناتنا..
~~~~~~~~~~~~~~~~~~~~~~~~~

ليلى؛ ماماتي حبيبتي تعرفين اني شكد أحبج

نسرين؛ يااروحي إني هم احبج بنياتي كولي شتردين؟

ليلى؛ ماماتي تعرفين قدمت على الجامعه ولازم أبدي اجهز

نسرين؛ أكيد حبيبتي إني حجيت ويه ابوج وراح يطلعنه

ليلى؛ماما خلي أمير ياخذنا تعرفين بابا مزاجه مو مال طلعات

نسرين؛ أن شاء الله خل يرجعون واكووللهم

(أجو من الشغل وماما قنعت أمير صار العصر طلعنا اشتريت حجاب شرعي وعبايات إسلامية لبس مستور ومريح وينفع للجامعه وأخذت جنط واحذيه وحجابات بقيت من العصر لليل آخر شي اتصل بابا كال تأخرتوا يمته ترجعون أمير كاله دقايق جايين)

( فجأه ماما ماأعرف شصارلها تخربطت أوضاعها وبقت تتلفت ووجها مخطوف)

نسرين؛ يالله امي خل نرجع

ليلى؛ ماما بس شويه أريد جنطه ويه هذا الحجاب وأريد أمر للكوزمتك

نسرين؛ ليلو كافي اجيبج غير يوم وعد

أمير؛ يمه احنه تأخرنا وتأخرنا خل تكمل أدري بيج تعبتي حقج عليه تحبين تكعدين بمكان؟

نسرين؛ اميرر كلت غير يووم أجيبها اذا تردون ابقوا أنتم إني راجعه

ليلى؛ يالله خل نرجع مااريد شي بعد

(طلعنا بره ماما كالت انتضروني هنا دقيقة نسيت مبايلي بالمحل أمير كاللها أروح اني اجيبه ماقبلت ماما وراحت سريع)

(مرت10دقائق ومرجعت بقينه بقلق كلت ل أمير ندخل نشوفها خاف صار وياها شي مشكله دخلنه ل محل الإكسسوارات الي كالت نست جهازها بي ماشفناها خفت كولش خاف صارلها شي لان وضعها جان مو تمام أمير كال انتضريني هنا أروح ادور عليها)

(راح أمير بقيت انتظر وعيوني مليانه دموع انداريت وشفت أمي واكفه تحجي ويا رجال احس روحي ردتلي ركضت عليها واعيط ماااااماااااا)

انداريت عليه مفزوعة حضنتها

سمعت صوت ورايه - - - - - -

~~~~~~~~~~~~~~~~~~~~~~~

#للحكايه_بقيه
#تراتيل_الذئب