تراتيل الذئب

Part 42

بسم الله الرحمن الرحيم

آللهم صل على محمد وآل محمد

#تراتيل_الذئب
#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

يلوموني واحسك تكبر بروحي ويلوموني
وانا بلا شوفتك شينفعن عيوني
ياشوگي وفرحتي ودنياتي ولوني
وعذابي ولوعتي وشكواتي وظنوني
ياخيعونك علي وبيك خيعوني
توصيني
,,,,,,,,,,,,,
توصيني ياواهس تضحك الدنيا على شفافك
يابو الليل الحلو ال يلعب على جتافك
احس روحي تأمن بيك وتخافك
واحسك لغز شنهو انت وشنو اوصافك

_______________

{سمر}

( جنت دائماً اسمع إذا يتأذه شخص عزيز نتوجع بمكانه وحرفياً حسيت بهذا الشعور وأني أشوف قساوة ابو محمد ويا محمد،، ماتأذيت بكلام زوجة ابو بكد ماتأذيت على معاملة ابو القاسيه إله وهو ابنه الوحيد،، ماهتميت لكلام أنعام لأن أعرف احنه شنو وهي شنو منظرها الخارجي يعكس انحطاطها الداخلي،، صح محمد ابن زوجها بس لبسها مو أخلاقي إلى آخر درجه،، انتبهتلها بحفلة العقد ومن رحنه لبيتهم نضراتها إله مو طبيعيه لدرجه تفصله من راسه لرجلي)

( طلعنا من بيتهم وأني العبره خانكتني على محمد،، ماجنت متخيله ممكن اكو اب بهاي القسوه طول عمري كبرت ووعيت وأني أعرف الأب مصدر الأمان والحنان،، بابا الله يرحمه جان رغم تعبه بس هو مصدر أمان وسعاده النه بوجوده ماجنت أعرف الدنيا بيها قسوه وتعب،، وهسه داانصدم وأني أشوف اب بهاي القسوه ويعامل ابنه كأنما عدو)

( فرحت من اجه تغده يمنه، وقبل مايروح گال حجزنا يم الدكتور وره أذان المغرب اجيكم قبل الأذان أصلي يمكم ونطلع،، انتبهت ل أمي العصر متوتره وتفرك أيد بأيد رحت يمها لزمت ايديها وسألتها)

سمر؛ ماما شبيج ليش متوتره

ام سمر؛ مابيه يمه منين طلعتولي بسالفة الدكتور

سمر؛ ياا ماما صدوك تحجين يعني انتي حابه تبقين هالشكل مشلوع گلبج بالكرسي

ام سمر؛ وإذا رحت وماكو نتيجه

سمر؛ بوقتها هذا أمر الله ولا اعتراض علي

ام سمر؛ وهسه هم أمر رب العالمين يمه خلوني

سمر؛ ماما تروحين يعني تروحين محمد مايعوفج گال حتى إذا اسفرها المهم اعالجها

ام سمر؛ شنو يمه الولد يبتلي بيه

سمر بضحكه؛ هههه ايي لعددد غيرر نسيبج

ام سمر؛ ههههه يممه من السانج الله يعينك يمحمد

سمر؛ هنيااله عليه اصلاً أمه داعيتله

ام سمر؛ ماما ديري بالج علي الولد مبين دره