تراتيل الذئب

Part 24

بسم الله الرحمن الرحيم

آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

[صداقة الكتب أفضل من صداقة الناس، فهي لا تتكلم إلا عندما نريد نحن وتسكت عندما يكون هناك ما يشغلنا، إنها تعطي دائماً ولا تطلب أبداً]

_____________

{محمد}

(رجعت من الدوام هلكان كومه قضايا ومشاكل وشكاوي،، بيومها ذياب اجاله إنذار لأن عنده كم إجازه رغم هو مياخذ إجازه ابد وحتى بالعطل يداوم،، استغربت الموضوع وبقيت أبحث بالموضوع لحد ما عرفت اكو واحد ويانه بالدوام مقدم علي شكوه،، قبل سنه تقريباً ذياب لزم علي شغلات وقدم بي بلاغ وخفضوا رتبته وبقه بالتوقيف أسبوعين ومن يومها احنه نعرف بي حاقد على ذيب ومنتظر يوكعه)

(رجعت لبيتي سبحت وجبت وياي غده تغديت واتصلت ب ذيب أريد أبلغه بالموضوع،، اتصلت رن وميجاوب رجعت اتصلت مره ثانيه رن واجاني صوت بس مو صوت ذياب)

علي؛ الو السلام عليكم

محمد؛ وعليكم السلام منو وياي

علي؛ حبيب إني علي عرفتني

محمد؛ ايي ايي شلونك حبيبي

علي؛ الله يسلمك يالغالي الحمدلله

محمد؛ علاوي لعد ذيب وين؟

علي؛ والله سيد ذياب ضغطه مرتفع حيل احنه هسه يم المضمد ديخليله مغذي

محمد؛ شنوو؟ شبي؟وين انتم

علي؛ ماأعرف والله بس وجها جان أحمر واختل توازنه قسنه ضغطه طلع مرتفع

محمد؛ علاوي وين أنتم خل اجي

علي؛ تندل العماره الساكنين بيها

محمد؛ ايي اي

علي؛ الشارع الي بضهرها موجود صيدليه ومجمع طبي بي مضمد بالطابق الأرضي احنه يمه

محمد؛ جاي جاي بالطريق

(طلعت بسرعه الله اليستر شنو صاير ويا وضغطه صاعد،، قبل مااوصل منطقتهم اتصل جهازي ذياب)

محمد؛ الووو

ذياب؛ محمد تعال لشقة ام سمر

محمد؛ ذيب شلون صرت

ذياب؛ زين منتضرك

(فصل الخط بدون مااجاوبه صوته مبين حيل تعبان،، وصلت ودكيت باب الشقه طلعتلي سمر)

محمد؛ السلام عليكم عذروني على الإزعاج ذيب موجود؟

سمر؛ وعليكم السلام تفضل