تراتيل الذئب

Part7

بسم الله الرحمن الرحيم
آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

_________________

(ليلى)

ذياب؛ السلام عليكم

مروه، سمر؛ وعليكم السلام

ذياب؛ يالله عمو مراوي نروح

مروه؛ مع السلامه بنات

ليلى، سمر؛ مع السلامه

سمر؛ يححح شوفي المحتحت يماااي

ليلى؛ سمر شبيج عيب

(غمتني وبقت تضحك، يمكن إني ضلمته لهذا الرجال هالمره ثكيل وما رفع عينه عكس المره الفاتت، اجه علي ترخصت من سمر ورحت صعدت ويا)

ليلى؛ هلو حبيبي شلونك

علي؛ هلو ليلو شلونج هاي صديقتج السولفتي عنها؟

ليلى؛ الحمدلله حبيبي اي هاي سمر منتضره الكيه

علي؛ روحي صيحيلها نوصلها بطريقنا

ليلى بست علي؛ اروحلك فدوه

(نزلت من السياره باوعتلي سمر بأستغراب رحت يمها)

ليلى؛ سموره حبيبتي تعالي نوصلج

سمر؛ لا عمري مااريد اتعبكم هسه تجي الكيه

ليلى؛ لا ماكو تعب اخويه كال بطريقنا نوصلج

(جريتها ورحنا للسياره صعدنا ثنينا وره)

سمر؛ السلام عليكم اخويه

علي؛ وعليكم السلام اهلاً وسهلاً

سمر؛ اتعبكم اخويه رحم الله والديك

علي؛ لا تدللين إذا متشيلج السياره نخليج على راسنا

سمر؛ رحم الله والديك يسلم راسك {حجت بهمس، ليلو أخوج حباب زوجينيا}

ليلى؛ ههههههههههههههاي

سمر؛ هههههههه لج شنوو هاي شخصيتج عكس بالجامعه

علي؛ خيتي وين عنوان بيتج

سمر؛ منطقة...........

(اباوع بالمرايا علي مبتسم مبين جان يسمعنا وسمر الفطيره ماخذه راحتها وتسولف ومتعرف علي ديسمعها، مشت السياره مسافه وكالت)

سمر؛ هايهيه نزلوني هنا مشكورين

علي؛ وين بيتكم بالضبط؟

سمر؛ بداخل هذا الفرع انزل اتمشه شويه

(علي رفض تنزل اصر ينزلها ب باب البيت وهي انحرجت ووجها اصفر ماعرفت ليش لحد ما وصلت لبيتهم فهمت)

(وضع بيتهم تعبان الى درجه طابق واحد والحايط نصه مهدوم ومبين داخله تعبان حيل)

(سمر ترخصت ونزلت تركض، رجعت الطريق كُله قلبي محروك عليها، رحنه للشقه بدلت وأخذت كم حاجه بسيطات وانطلقنا لكربلاء بدون غده أهلي منتضرينا)

(وصلنا الساعه ب4:30 وتسالمنا سلام حار مشتاقتلهم هواي مامتعوده أغيب عنهم)

(شفت البسه مالتي وجعصتها مشتاقتلها ومستفقدتها ماكدرت أخذها وياي لأن راح اهملها)

أمير؛ ليلووووو معدتي لزكت بضهري عوفي ام الخراميش وكومي ساعدي امي صبولنا غده سريع

(ضحكت علي مايبطل سوالفه كلتله بعيني رحنه كلنه للمطبخ ويه أمي، بابا واخواني كعدوا يمنه بالمطبخ واحنه نصب)

بابا محمد؛ سولفيلنا بابا صار عندج صديقات تأقلمتي ويه الوضع

ليلى؛ اييييييييي صااارت عندي صديقه هواااي حبابه طول الدوام وياي

علي؛ فعلاً خوش بنيه وعلى نياتها اليوم وصلناها

نسرين بأستغراب؛ شنوو إسمها؟؟؟

ليلى بأبتسامه؛ سمر

علي؛ سولفيلهم اليوم شفتي منو

محمد، نسرين، أمير؛ منوووو

ليلى بحماس؛ ههههههه تذكرون ثاني يووم الدوام من خفت من الضابط وبنت اخو

نسرين؛ ايييي؟؟

ليلى؛ اليوم بنت أخو اجت يمنه بنيه هوااي حبابه إسمها مروه

نسرين بأنفعال؛ شكالتلللج؟؟؟

ليلى؛ شبيج ماماتي اجت تعرفت علينا اني وسمر

نسرين؛ ليلووو إني شنوو وصيتج اميي مو كلت ابتعدي عنهم

بابا محمد؛ نسرين شتردين منها عوفيها تصادق البنيه التعجبها

نسرين؛ محمد والله أخاف عليها

أمير؛ تخافين من شنو؟

نسرين؛ من الدنيا ماما من الدنيا

ليلى؛ لتخافين عليه والله ماامشي ويه اي وحده وعلاقتي داخل الجامعه يعني مااطلع وياهم

(سكتت أمي بس بقت ضايجه تغدينا سوه ووراها طلعوا علي وأمير ويه اصدقائهم، وره الغروب رجعو علي وامير كالو هسه منريد عشه لان اتغدينا متاخرين)

ليلى؛ شنو رايكم انتابع مسرحيه اريد مسرحية مدرسة المشاغبين لان كلش احبه وماامله

(ماما كامت شفته صعدت بلطابق الثاني)

(وره شويه بابا كالي وين امج؟)

(صعدت فوك اشوف شبيها من صعدت اسمع همس سوالف وصلت يم غرفة علي اسمع امي تحجي)

نسرين؛ وصلت حدها وياك تبتعد عنها احسن ماشوف شي مايعجبك

ليلى؛ ماما ويه منو تحجين؟

______________

#تراتيل_الذئب
#للحكايه_بقيه