تراتيل الذئب

Part 50

بسم الله الرحمن الرحيم

آللهم صل على محمد وآل محمد

#بقلمي_رَيـحانَه_الُمٌوَسِوَي

______________

(سـُكراتي لطفاً متابعة الحساب ولا تنسون التصويت والتعليق بين الفقرات💖)

(ملاحظه تم تغير الصوره واسم الحساب من فلوريدا إلى ريحانه الموسوي)

( حساب التيك توك almusawiu_99)

(حساب الإنستا rere_alm99)

______________

الود بالود، والصد بالصد، وقلوبنا عزيزة لا تسير في طريق الذل ابداً 🖤🖤.

Feverance with friendliness, repelling by repelling, and our hearts are dear and never going down the path of humiliation.

_______________

{ليلى}

( من بابا گالي ابقه ب بيت عمو جنت متردده ومتوتره شلون ابقه يمهم مامتعوده،، بس صار العكس ارتاحيت يمهم وحتى نمت سريع واني طبعي من أغير مكاني ماانام بس هنا نمت براحه يمكن لأن حسيت نفسي انتمي لهذا المكان)

(گعدت الصبح شفت مريم تبدل صبحت عليها وگعدت مروه حتى تجهز نفسها للدوام راح نتأخر،، دخلت للحمام غسلت وطلعت لبست صايتي فوگ ملابسي ولفيت حجابي أخذت غراضي واتصلت بعلي گال دقايق واجي عليج نزلت صبحت على ام ذياب سألتها عن عمو گالت ب بيت ابو حمزه ومناك يروح للمحكمه عنده قضيه،، اتصل علي طلعتله وصلنا للبيت سألته عن بابا وأمير)

علي؛ قبل دقايق طلعوا للشغل عبالهم تبقين ب بيت عمج

ليلى؛ لا عندي دوام وأريد أبدل

علي؛ ارتاحيتي يمهم

ليلى بأبتسامه؛ ايي كوولش، حبابين وگلبهم طيب

علي؛ مااتصلتي واتصل بيج أمير مارديتي گلنا نستنا ليلو

ليلى؛ ياااا علي شلون انساكم غير أنتم اهلي والله الجهاز جان بالجنطه ماأدري بي وشفت الإتصال بوقت متأخر مگدرت اتصل بيكم بعد

علي؛ نشاقه حبيبتي بالعكس نفرح تتأقلمين وياهم

ليلى؛ بس أنتم أهلي الي ماابدلكم بالدنيا

( ابتسملي تقربت حضنته وهو بقه على وضعه مابادلني الحضن ثواني وسحبني بعدني من حضنه وگال روحي بدلي لتتأخرين،، تركته ورحت للغرفه بالبدايه استغربت تصرفه بعدين فهمت علي يحاول يخلي حدود بيناتنا)

( رحت سريع سبحت وطلعت لبست بنطرون وتيشيرت لبست عبايه إسلاميه وشعري بس مشطته بلا تنشيف لبست حجابي خليت واقي وتنت عطرت نفسي وسمعت الباب تندگ عرفت اجو عليه شلت حذائي بأيدي وركضت نزلت شفت علي فاتح الباب ويتسالم ويه ذياب من طلعت باوعوا عليه أبتسم بأحراج من منضري جنطتي مفتوحه وغراضي نص بأيدي ونص بالجنطه والحذاء شايلته)