تراتيل الذئب

Part 18

بسم الله الرحمن الرحيم

آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

{ليلى}

علي؛ تماره متغيره عليه بالكوه تجاوب اتصالي ومن تجاوب تحجي مختصر ومن اكوللها شبيج تكول أدرس او مشغوله او أهلي يمي،، كلتلها اجي اتقدملج كالت اجلها

(بقيت محتاره شنو اكوله وشلون اواسي،، انقهرت حيل احس قلبي انمرد علي وهو يحجي والغصه واضحه بصوته،، علي يعرفها صار سنه ونص وحيل متعلق بيه ونيته وياها صافيه ناوي يتزوجها منتضرها تكمل دراسه ويتقدملها)

ليلى؛ علاوي متعرف البنيه يجوز عدها ضرف لتحكم عليها لأن مبتعده حسب ماأعرف تماره تحبك

علي؛ الله كريم الأيام كفيله بكُلشي

(بقيت كاعده يمه أريده يلتهي وميبقى ضايج كلتله درسني كعد يشرحلي ويراجعلي لحد الساعه 8 بالليل دك جهاز علي باوعت الإسم سيد ذياب استغرب علي من اتصاله فتح خط)

علي؛ الوو السلام عليكم سيد

ذياب؛ وعليكم السلام حبيبي علي اعذرني على الإزعاج

علي؛ لا سيد ماكو ازعاج تفضل أمرني

ذياب؛ حبيب إني هسه بالشارع جوه شقتكم إذا مابيها زحمه عليك تكدر تنزلي

علي؛ لا على بختك سيد ليش واكف بالشارع اصعدلنه طالعلك

ذياب؛ غير مره حبيبي جاي بشغله انزلي منتضرك

علي؛ جاي جاي

(كام علي ركض ركض أخذ المفتاح وطلع كالي احتمال يصعد ويا ذياب طلع باوعت للصاله بيها كتبي وغراض علي وبطانيه ومخده شلتهم سريع شمرتهم بالغرفه ورجعت للصاله عدلت كوشات التخم،، باوعت للصاله مرتبه رجعت للمطبخ عدنه كعك أنواع طلعته بمواعين سويت جاي لأن حسب ماكالت مروه ذياب يحب الجاي والكعك انتضرت ربع ساعة انفتحت باب الشقه اني بقيت بالمطبخ اجه علي كالي بسرعه روحي للغرفة لبسي)

ليلى؛ ليش وين أروح؟

علي؛ ليلو لا تبقين تسألين روحي بسرعه مانطلع

(دفعني للغرفه وسد الباب اسمعه يكول تفضلوا تفضلوا،، اسمع صوت ذياب يحمحم ويكول يالله يالله،، لبست عبايه إسلاميه وشال فتح الباب علي كالي طلعي سلمي وروحي للمطبخ طلعت شفت ذياب ومحمد)

ليلى؛ السلام عليكم

ذياب _محمد؛ وعليكم السلام

(رحت للمطبخ خليت شكر بالستكانات واسمعلهم)