تراتيل الذئب

Part 46

بسم الله الرحمن الرحيم

آللهم صل على محمد وآل محمد

#بقلمي_رَيـحانَه_الُمٌوَسِوَي

_______________

{سـُكراتي اعتذر على التأخير،، لا تنسون التصويت ومتابعة الحساب وعلقوا بين الفقرات أحبكم 🩷🌷}

________________

الوحده طريقه راقيه لأحتج،، ليست ضعفاً، ولا هرباً، بل هي حفاظاً على مانحب!
من يخبر العالم إننا نعتزلهم كي نبقي على شيءٍ يكاد ينكسر!
من يخبر القصيده ان العتاب لو يجدي لما اسرها يوسف في نفسه!
من يخبرني الآن إن الوحده شي سيء وأنني على خطأ!

_______________

{مروه}

( راحت ليلى ويا سمر وأبوها ماقابل تقرب علي جدو يحجي ويا)

ابو ذياب؛ ابو علي گول ياالله يخوي لا تبقى مقهور

ابو علي؛ سيد غلط نتركها تصرف على راحتها ليلى هسه متشتته ومتعرف شنو تريد

ابو ذياب؛ ولأن هي متشتته ومتعرف شنو تريد نخليها على راحتها مانتركها بس ننطيها مجال تفكر وتتقبل الموضوع

ابو علي؛ شلون تتقبل الموضوع إذا تركناها ابو ذياب لازم نبقى نحجي وياها ونفهمها

ابو ذياب؛ لا إذا بقينا نضغط عليها ماراح تگدر تتقبل الي عرفته ابو علي احنا هم لازم ننطيها عذرها الموضوع مو هين صعب عاشت عمرها وهي تعرف انت ابوها وهسه عرفت أبوها غير إنسان،، أخذها مني كلمه ليلى راح تتقبل الموضوع وترجع مثل قبل واحسن

ابو علي؛ الله يسمع منك سيد

( راحوا ليلى وسمر ورجع يمنه عمو،، ابو ليلى ترخص يروح وگال ل علي يوصل ام ليلى لبيت أخوها واحنا رجعنا بالطريق بيبي جانت ضايجه وساكته اندار عليها جدو سألها شبيج)

ام ذياب؛ ماراضيه على الصار خطيه نسرين رجلها طردها من البيت

ابو ذياب؛ تستاهل والي صار ما مخططين اله ولا متقصدين يصير هالشكل

ام ذياب؛ لا يصير گلبك قاسي جواد يعني فوگ ما بنتها عرفت بالموضوع وزعلت منها رجلها طردها

ابو ذياب؛ ليش مو كل الي صار بسببها طلعت هسه إني القاسي انطيتها تقريباً 18سنه حتى تحجي لعائلتها وماحجت لحد ما انفضحت ،، وهسسه صارت عزيـززه نسرين متذكرين من ابنها خطب مريم گومتي الدنيا وماگعدتيها وگلتي ماانطي بنتي جنه لنسرين

ام ذياب؛ هذا الموضوع يختلف

ذياب؛ يابه أريد اخطب ليلى

ابو ذياب؛ وقتها هسه ذيب

ذياب؛ يابه شكد انتظر بعد،، صار كم سنه منتظر