تراتيل الذئب

Part 31

بسم الله الرحمن الرحيم

آللهم صل على محمد وآل محمد

#تراتيل_الذئب
#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

<وتظن أنك تجاوزت ولكنك فقط ابتلعت جمراً>

_______________

{مروه}

ابو ذياب؛ ذيييب تبتعد عن هاي العائله نهائي ولا تندك بيهم ومحبوبتك تاخذها من هذا الشارب

ذياب؛ مثل ماتحب يابه بس ضروري أشوفها قبل ميرجعون لكربلاء

ابو ذياب؛ صار بس لا تروح بدون متكول رتب الوضع ويه الممرضه من تبقه ليلى وحدها روحلها وديررر بالك أهلها يشوفوك

ام ذياب؛ يمه ارجع ويانه للبيت وتعال بوقت ثاني شوفها

ذياب؛ يوم والله قلبي ماينطيني اعوفها وأروح

ام ذياب؛ حبيبي أهلها موجودين وياها،، وانت هم لازم تبدل ملابسك نشف الدم عليهن واكل وارجع اذا تريد

( هز راسه عمو وكاللها صار رجعنه للبيت شفت جهازي سمر متصله عليه 3مرات، اتصلت عليها)

سمر؛ الو هلوو مراوي شلونج

مروه؛ هلو سمسوم شلونج حبي

سمر؛ الحمدلله حبيبتي وينكم اتصل وماكو اتصلت على ليلى ماأعرف كم مره مترد ورحتلها للبيت ادك بالباب وماكو وانتي متردين حتى خفت عليكم

( حجيتلها شنو صار وشنو وضع ليلى انقهرت وخافت عليها وعاتبتني ليش مكلتلها كملت اتصال وطلعت من الغرفه أريد أشوف عمو دورت علي لكيته يسبح كمل وبدل ورجع للمستشفى حتى ماقبل يتعشه وره ماراح كاعدين اني وبيبي وجدو ومريم)

(وبيبي فاتحه خط ويه عمتي فاطمه وتحجيلها شنو صار وعمتي انقهرت على وضع عمو ذيب وكالت تحاول تجيلنه بالأيام الجايه،، عمتي جانت ساكنه بغداد بس زوجها شغله صار بالبصره وانتقلت للبصره وكل فتره تجيلنه هي أكبر من عمو ذياب وحتى أكبر من أبويه عمرها 42حيل حنينه والبقلبها على لسانها،، اذكر من جنت بالروضه تصيحلي يمها بغرفة الإداره إني وليلى وتمشطلنه وتجيبلنه اكلنه وياها وإذا منقبل ناكل تسوي نفسها زعلت،، ولحد الآن من تجيلنه تنومني بحضنها وتكولي انت بنتي مو بنت اخوي)

( دائماً اصفن على حنيتهم هي وعمو ذيب واكول شنوو الفرق بينهم وبين ابويه الي تركني من إني طفله ومسأل عني علمود أمي يخاف تنفصل عنه،، أبويه يحب امي بشكل مو طبيعي وأمي مشاعرها بارده تجاها عدها ألمهم تكمل دراستها وتهتم بشكلها وافقت تزوج أبويه حتى تحقق أحلامها لأن هو أبن عائله متمكنه مادياً وواعدها يوصلها ل أي مكان حابته)