بسم الله الرحمن الرحيم
آللهم صل على محمد وآل محمد
#تراتيل_الذئب
#بقلمي_رَيـحانَه_الُمٌوَسِوَي
______________
(ليلى)
علي؛ بعدج تخافين منه؟
ليلى؛ شنوو؟
علي؛ ليش تخافين من السيد؟
ليلى؛ لا مااخاف على شنو أخاف
علي؛ بلي انتبهتلج هسه من يسولف وياج مبين عليج توتر وخوف ليش ليلو؟ مسويلج شي صاير شي؟
ليلى؛ لا والله ممسويلي شي ولا صاير شي بس إني ماأعرف شبيه
علي؛ ليلو إني مااريدج تضربين ميانه ويه الرجال بس بنفس الوقت غلط تصرفين هالشكل وأني من خلال لقائاتي ويا اشوفه رجال محترم وخلوق حتى هسه من حجه وياج انتبهتله داير وجها، وهو دائماً يعاملكم مثل بنت اخو يعني عيب تصرفين ويا هالشكل ماكو داعي للتوتر والخوف
ليلى؛ كلامك صح ان شاء الله متتكرر
علي؛ عفيه عليج وإذا لا سامح الله بدر منه تصرف مو زين بوقتها إني اتصرف واخليله حد
(كلام علي صح وحيل قنعني إني لازم أغير من نفسي وابطل خوف وتوتر،، وصلنا للمستشفى نزلت شفت سمر دتنزل ومحمد ماأعرف شنو حجه وياها وجهه بين علي صدمه)
(صحتلها ودخلنه للطوارئ اجه الدكتور كشف ايدها راد يحركها عاطت وايدها وارمه حيل حولنه الدكتور على الأشعه طلع كسر سوولها جبيره وطلع عدها جرح براسها يحتاج خياط خيطوا الها وجانت ايدها كولش توجعها انطوها مسكن وابره التهابات وخلولها دم لأن عدها نزيف بسبب الضربه ال على بطنها عفتها بالغرفه بين ميخلص الدم وطلعت يم علي شفتهم واكفين محمد وعلي ووياهم الدكتور ويسولفون)
الدكتور؛ البنيه مبينه متعرضه لحادث اعتداء وضرب تحبون تقدمون شكوى؟
علي؛ لا دكتور رحم الله والديك
الدكتور؛ بس الي موصلها لهاي الحال ميصير مياخذ جزاءه
محمد؛ ياخذه ياخذه اطمأن دكتور
الدكتور؛ تحبون أقدم مساعده وأطلب الأمن؟
(سمعت صوت ذياب اجه وجاوب الدكتور جواب قطعي خصم الموضوع)
ذياب؛ نشكر جهودك ومساعدتك دكتور وياك العقيد ذياب جواد حسن الياسري
الدكتور؛ اهلاً وسهلاً حضرة العقيد تشرفت بمعرفتك
ذياب؛ أهلا بيك (اندار عليه وسأل) ها بابا شلون صارت صاحبتكم
(ذكرت كلام علي وياي شفت علي يباوعلي منتظر جوابي)
ليلى بأبتسامه؛ الحمدلله عمو احسن هسه على الابره المسكنه ارتاحت وخلولها دم
ذياب؛ الحمدلله
أنت تقرأ
تراتيل الذئب
Romanceذياب؛ هههههههه طيرتكم صارت بأيدي وتحلمون ارجعها بعد إذا ما ادوس كرامتكم بالرجلين ( بقيت مصدومه يحجي بنبرة حقد واضحه يعني كلام أمي صح،، اخذت غراضي وطلعت من الباب بدون مااكول ل أي شخص ،، طلعت امشي سريع بالشارع اريد اوصل للشارع العام وأخذ تكسي بدون ماا...
