تراتيل الذئب

Part 52

بسم الله الرحمن الرحيم

آللهم صل على محمد وآل محمد

#رَيـحانَه_الُمٌوَسِوَي

_______________

(سـُكراتي لا تنسون التصويت ومتابعة الحساب وعلقوا بين الفقرات 🥰)

_______________

لا تدع مشاعرك تسجنك، لا تقيد نفسك بسلاسل الغضب المكبوت، فالكلمات المحبوسة كالقنابل المدفونة، تنفجر في وقتٍ غير مناسبٍ مخلفةً وراءها دمارًا وخرابًا. لا تسمح للغضب أن يسيطر عليك، عبر عن مشاعرك بحريةٍ ووضوحٍ، ولكن باحترامٍ ومسؤولية. بدلًا من اللجوء إلى الشتائم واللعنات، التي تسمم روحك وتلوث لسانك، حاول التعبير عن مشاعرك بطريقةٍ بناءةٍ، فلا تكن سجين مشاعرك.

_______________

{مريم}

( من بابا دخل وگال الشباب مجموعين بالمضيف ووياهم علي گلبي نغزني خفت حمزه يسوي مشكله بقيت گاعده على نار وأريد بس الوقت يمر ويدخلون،، راسلت حمزه ماجاوب شويه واجه ذيب أخذ سلطانه بقيت وراها افتر والقلق دمرني ماتأخرت ورجعت وكلامها وموافقتها صدمني)

(ماخطر على بالي اسأل عن شي غير حمزه معقوله ذياب قنعه ووافق لأن حمزه الي اعرفه مستحيل يسكت،، سلطانه واضح عدها مشاعر تجاه علي رجفتها وتوترها تشرح مشاعرها)

مريم؛ حمزه شنو گال

سلطانه؛ جان مبتسم وگال انطيهم جوابج وأني گلت موافقه

مريم؛ وره ماگلتي موافقه شنو سوه؟

سلطانه؛مااعغف ماحجه شي ماانتبهت

مريم؛ ليش استعجلتي لو گايلتلهم أفكر ومستأذنه اهلج

سلطانه؛ ماا جنت ااعغف يصيغ افكغ تفاجئت بالموضوع انطيت جوابي بسغعه وطلعت

ليلى؛ زين سويتي حبيبتي الف مبروك مقدماً

( ليلى باركت لسلطانه وواضح فرحانه بموافقتها،، ومروه سكوتها ونضراتها الي واضح تفكر مثلي لأن اني حجيتلها ردة فعل حمزه من سمع بالموضوع،، رجعوا محمد وذيب من شفت حمزه مو وياهم قبل ميحجون عرفت مو متقبل الموضوع)

سلطانه؛ خويه لعد وين حمزه

ذياب ؛ راح لبيتكم

سلطانه؛ ياا شنو نساني وغاح

محمد؛ لا مو نساج بس زعلان من موافقتج

ذياب بخزره؛ ابلع لسانك وروح يم ابوي ،، خويه هذا محمد يحجي بكيفه

سلطانه؛ فدوه اغيد اغوح

( سلطانه عيونها مليانه دموع وتحجي بغصه ذيب باوعلها بحيره ووجها ضايج)