تراتيل الذئب

Part 53

بسم الله الرحمن الرحيم

آللهم صل على محمد وآل محمد

#رَيـحانَه_الُمٌوَسِوَي

______________

( سـُكراتي لا تنسون التصويت ومتابعة الحساب وعلقوا بين الفقرات🤍)

______________

عندما يغلق الله أمامك بابا من الأبواب، فاعلم بأنه سيبدله بحال أفضل، وسيجعل لك اليسر بعد العسر، وسيجعل لك من الضيق مخرجا.
أستغفروا ، لعل جبال من الهمومِ تنسف
‏ وأبوابٌ للدعاءِ تفتح…🤍

______________

( ملااااااااااااااحظه /نرجع بالأحداث ونسولف تفاصيل لا تعبرون شي حتى مقاطع البارت السابق عليها تعديل)

{ليلى}

( هزيتلها راسي وكلامها جان راشدي بالنسبه الي إني لحد الان ماأعرف بابا شلون مات جنت متصورته شهيد،، حسيت نفسي صخنت من الكلام السمعته بقيت گاعده بالغرفه وحدي ذياب اتصل بيه ماجاوبته مااكدر احجي ويا،، بعد قريب الساعه ل آذان المغرب رحت توضيت وفرشت سجادتي گعدت على السجاده وأني مخنوگه محتاره شنو أسوي شعور قوي بداخلي يگول لا تصدگين هذا الكلام بس بنفس الوقت هاي أمي مااكدر مااصدگها)

( ذكرت شنو صار بيوم الي تصاوبت من سمعت كلامها وطلعت من بيت عمو هسه مااريد اتسرع واعيد الغلط،، سجدت وأني ابجي وادعي رب العالمين بحرگة گلب يدليني على الطريق الصح رفعت نفسي ودموعي بعدها تنزل واحسها تچوي خدي سحبت السباحه وبقيت اسبح واردد)

{{ يا كاشف الكرب عن وجه أخيك الحسين اكشف كربي بحق أخيك الحسين }} 100مره

{{ اللهم أني أسألك بحق فاطمة وأبيها وبعلها وبنيها والسر المستودع فيها أن تصلي على محمد وآل محمد}} 100مره

(كملت ورجعت سجدت ودعيت رب العالمين بحق النبي وأهل بيته يدليني على الحق احس بروده صارت بصدري وارتاحيت،، إذن المغرب صليت وكملت فتحت الباب ماما وگالت نزلي وياي نحظر العشه گلتلها عندي دراسه راحت ووره شوي صاحولي على العشه مانزلت وگلتلهم مااشتهي،، لميت السجاده ورحت رفعت جهازي اتصلت ب ذياب)

ذياب؛ الو هلا عيوني

ليلى؛ ذيب وين أنت

ذياب؛ بالبيت باباتي

ليلى؛ تعال

ذياب؛ وين

ليلى؛ للبيت بس لا تدگ الباب أعبر من البلكون

ذياب؛ صاير شي؟

ليلى؛ تعال ونتفاهم

ذياب؛ 5دقايق واكون يمج