بسم الله الرحمن الرحيم
آللهم صل على محمد وآل محمد
#تراتيل_الذئب
#بقلمي_رَيـحانَه_الُمٌوَسِوَي
_____________
(ليلى)
( رجعت للبيت وسولفت ل علي شنو كلت كدام سمر سألني شنو كالت كلتله بقت ساكته مر اليوم طبيعي وبالليل كاعدين اتصل جهاز علي)
علي؛ الو السلام عليكم
ذياب؛ وعليكم السلام حبيبي اعذرني على الإزعاج
علي؛ حبيبي سيد ماكو زحمه إمرني
ذياب؛ علاوي أنت خريج شنو؟
علي؛ هندسه معماريه ليش؟
ذياب؛ عندي الك خوش شغل
علي؛ حبيبي سيد مااريد ازحمك
ذياب؛ ماكو أي زحمه علاوي باجر من تجي للجامعه نلتقي ونتفاهم
علي؛ ممنون منك ياطيب رحم الله والديك
ذياب؛ ووالديك بالرحمه أغاتي مع السلامه
علي؛ تاج الراس سيد مع السلامه
(سد الاتصال علي وابتسامه ترست وجهه سألته شنو سولفلي الموضوع وهو فرحان كال أن شاء الله ترهم)
ليلى؛ علي ليش تصيحله سيد
علي؛ لأن هو من عشيرة الساده الياسريه يعني سيد
ليلى؛ ياا مجنت أعرف
علي؛ مو بنت اخو صديقتج شعجب متعرفين
ليلى؛ مامتطرقين لهاي المواضيع
علي؛ باجر من اوصلج أشوف الشغل وان شاء الله يطلع زين
ليلى؛ ان شاء الله حبيبي انت شعجب مستعجل على الشغل
علي؛ ليلو أنتي راح تبقين سنه تداومين هنا إذا مو أكثر وأني أريد الملم نفسي تعرفين ناوي اتزوج
ليلى؛ امممم هاي كوله علمود مدام تماااره
علي؛ هههههههه لاتحشرين خشمج وتبلشين غيره
ليلى؛ هههههههه أحم علي أنت منو كالك عم مروه سيد
علي؛ اليوم من رحتي للدوام سولفنا شويه وراج وكلتله مترهم اصيحلك بأسمك من عرفته سيد صرت اصيحله سيد
(بقينا نسولف وره شويه رحت نمت كعدت الصبح مستعجله سبحت وبدلت عبايه إسلاميه رصاصي وحجاب ماروني طلعنه وعلي يمشي سريع كال عيب الرجال يبقى منتظر وصلنا وصدوك جانوا منتضرينا هو ومروه، نزلنا سلمنا كلت لمروه خل نروح حتى منتأخر على المحاظره بعدني ما مكمله كلامي اتصل جهازي)
ليلى؛ صباح الخير سمر احنه ب باب الجامعه
سمر؛ ليلى لحكيلي دخيلج ليييييلى
أنت تقرأ
تراتيل الذئب
Romanceذياب؛ هههههههه طيرتكم صارت بأيدي وتحلمون ارجعها بعد إذا ما ادوس كرامتكم بالرجلين ( بقيت مصدومه يحجي بنبرة حقد واضحه يعني كلام أمي صح،، اخذت غراضي وطلعت من الباب بدون مااكول ل أي شخص ،، طلعت امشي سريع بالشارع اريد اوصل للشارع العام وأخذ تكسي بدون ماا...
