تراتيل الذئب

Part 17

بسم الله الرحمن الرحيم

آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

{ليلى}

ذياب؛ لا تزعلين فراشتي

(ماكدرت اجاوب لساني انعكَد،، علي من شافنه نزل من السياره تصافحوا هو وذياب ودكو كتف بكتف، استغربت طريقة سلامهم)

ذياب؛ ياهلا والف هلا أشرقت وانورت حبيبي

علي؛ سيدنا العزيز نورك يالغالي

ذياب؛ يالله يالحبيب اليوم عشاكم يمنه تفضلوا

علي؛ تعذرني سيد والله تعبان عزيمتك واصله

ذياب؛ افه عليك ابو حسين ترد عزيمتي

علي؛ لا يالغالي على راسي والله غير يوم ان شاء الله

ذياب؛ مااضغط عليك بس اعتبر اخذت منك وعد تتفضلون يمنه بيوم

علي؛ ان شاء الله حبيبي اترخص

ذياب؛ مرخوص يالغالي الله وياكم

(صعدنه السياره وذياب رفع ايده ودعنه واحنه انطلقنا للبيت،، اندار عليه علي ابتسمتله)

علي؛ ها شلونج سولفيلي شسويتي ماسويتي

ليلى؛ الحمدلله تونست ويه البنات ودرسنه سوه

علي؛ ليلو بعد لا تخليني بمثل هذا الموقف وتحرجيني روحه يمهم بعد ماكوو تردين تروحين تدرسين إني اخذج وانتضرج بالباب او خلي يجون يمج،، هالمره ماردت ازعلج مره جايه ازعل عليج اذا تحرجيني هالشكل

ليلى؛ تمام ماتنعاد بعد عبالي ماعندك مانع

علي؛ حبيبتي إني هنا مسؤول عنج لو أهلي موجودين بعد مااتدخل يعني لا سامح الله إذا صار شي شسوي إني

(كلام علي صح بس اتي مجنت مفكره مثله،، سولفتله شنو درست وشنو سويت،، اتصلت إمي واحنه بالطريق دزيتلها رساله

ليلى 📩؛ من اوصل اتصل بيج

نسرين 📩؛ ليش وين انتي؟

(شفتها وغلست،، وصلنه للشقه وعلي كال متغدي بشغله وأني مااشتهي أكل رحت بدلت وكعدت اتصلت ب أمي)

نسرين؛ الوو ها يمه شلونج وين جنتي

ليلى؛ هلو ماما الحمدلله بخير كولي بسم الله خل اسلم وبعدين حققي وياي

نسرين؛ ليلو لا تشلعين قلبي سولفيلي شنو صار؟ انتي وين؟ وين جنتي؟

ليلى؛ ماما اليوم علي باشر يداوم بشغله انتي تعرفين هالشي