تراتيل الذئب

Part9

بسم الله الرحمن الرحيم
آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

________________

(ليلى)

ذياب؛ ليش طردج؟؟

ليلى؛ احم لأن لأن وصلت متأخره شويه ووراها حجه وياي ومجاوبته لأن جنت ممنتبها طردني وسمر دافعتلي

(حجيت هالشكل ونزلت دموعي عبس وجه ذياب بعصبيه)

ذياب؛ حضررة العميد هالشكل يتعاملون الأساتذه ويه طلابهم وهاي أول سنه الهم وميعرفووون القواااااانين؟

العميد؛ حضرة العقيد بس الموضوع ماخلص هنا الطالبه سمر طلبنا رقم ولي أمرها كالت لو تفصلوني ماانطيكميا

ذياب؛ الطالبه سمر وين هسه؟؟

العميد؛ بغرفة المعاون الدكتور حازم

ذياب؛ بلا أمر عليك اريد أشوفها وأريد الدكتور حسام هم

العميد؛ تأمر ثواني ويكونون يمك

(طلع العميد من الغرفه بقينا اني ومروه وعمها، إندار عليه ذياب وصفن عليه بقيت مدنكه استحي أرفع راسي)

ذياب؛ ليش تبجين بابا؟

ليلى؛ عمو خايفه على سمر خاف تتأذه بسببي

ذياب؛ لا تبجين بابا ماراح يصير شي أحرك الجامعه ولا تنزلين دموعج

(من كال هالشكل رفعت راسي شفته مركز بوجهي ومبتسم، ومروه تفرفر بعيونها بيناتنا والضحكه ماليه وجها)

(انفتحت الباب ودخل العميد وورا دكتور حسام ووراهم سمر الوجه احمر وحالتها حاله طفرت حضنتها)

ليلى؛ لجج لييش ورطتي نفسج وياي

ذياب؛ مادام الكل مجموع هنا خلونا نحل الموضوع

دكتور حسام؛ ماينحل الموضوع اله تعتذر كدام القاعه كُلها وناقص من درجاتهم النهائيه 5درجات سمر وليلى

ذياب؛ وإذا اكولك ماتنزل ولا درجه والموضوع ينسد هنا

دكتور حسام؛ إني حجيت العندي ومااغير

ذياب؛ حضررة الدكتور أعذرني بس انت الغلطان من البدايه شنو يخليك تطرد الآنسة ليلى؟

دكتور حسام؛ السسسست ليلى جااايتني بنهاية المحاظره تتمخطر مطفيه وباالهااا عايفته مااااعرف ويه منوووو

(فتحت عيوني على وسعهم من كال هالشكل ذياب رفس الطبله الكدامه وطفر لزمه من ياخته وعااااط بي

ذياب؛ لساااانك اكصه ووولللك

(اندار علينا خزرنه وكال طلعن برره)

(واكفين بره وأني ارجف عصبيه ودموعي تنزل ومروه وسمر يحاولن يسكتني)

سمر؛ الحقير البلااا شرررف الله ياخذه