تراتيل الذئب

Part6

بسم الله الرحمن الرحيم
آللهم صل على محمد وآل محمد

#تراتيل_الذئب

#بقلمي_رَيـحانَه_الُمٌوَسِوَي

______________

(ليلى)

(كعدت الصبح ويه آذان الفجر كمت صليت وبقيت كاعده على السجاده اقرأ قرآن مجاييني نوم من البارحه نمت هواي كملت قرآن وصدقت)

(بقيت افكر بالصار وبكلام أهلي يمكن صح إني كبرت الموضوع البعض راح يكول ليش كبرتها وليش تصرفت بهاي الطريقه، بس اني هم حقي أول شغله هاي أول سنه دوام جامعي(مختلط) يعني جو غريب وجديد، ثاني شغله بغير محافظه وأهلي بعيدين عني، وثالث شي مصارلي بس يومين بالجامعه وصار الي صار طبيعي تصير عندي ردة فعل)

(تعوذت من الشيطان وكمت سبحت وطلعت نشفت شعري مااكدر ماانشفه طويل حيل ويبقى مبلل واتمرض، كملت شسوار ولبست عبايه إسلاميه لون بيجي وحجاب جوزي غامق نسقت الحذاء والجنطه ويه الحجاب خليت مكياج بسيط وعطر هادئ ماأحب القوي وأميل دائماً لعطر الجوري لبست ساعه وخاتم ناعم)

(طلعت من الغرفه شفت علي بعده نايم باوعت الساعه ب7:5)

ليلى؛ علي   علاووي اااكعد

علي؛ هممم اممم

ليلى؛ علللييي اكعدد الساعه 8 اخذتك النومه وراح اتأخر على الدوام

(هههههههه خطيه من سمع الساعه 8 طفرر فاز ركض غسل سريع وصعدنه بالسياره شغلها ومشه شويه وباوع للساعه وداس برريك حييل)

علي؛ هااي شنوو الساعه 7:15 من كعدتيني مو كلتي ب8

ليلى؛ هههههههه اي مو اريدك تكعد اصيحلك ومتكعد

علي؛ أنتي من صدوك تحجين ليلو هالشكل تخرعيني

ليلى؛ هههههههههههه آسفه حبيبي ههههههه حبيت أخبث

علي؛ هههههه لولو المشاكسه ألمهم شفت ضحكتج

ليلى؛ الله يديمك الي ياروحي

(وصلنا الجامعه وقبل ماانزل علي صاحلي)

علي؛ ليلوو مثل ماوصيناج صيري سباعيه ولتخافين من اي شي

ليلى؛ لا تخاف عليه حبيبي الصار ميتكرر

علي؛ عفيه وأني راح ابقه قريب وهسه تفضلي

(باوعت ل ايده مطلعلي 25 ابتسمت)

ليلى؛ شنو هااي حبيبي مااريد عندي

علي؛ لججج ترديين أيدي

ليلى أخذتها منه؛ انطيني بعد وحده

علي؛ هههههههه لا ياا ملعوونه ميخالف تدللين وهاج الثانيه وتوكلي

ليلى بسته؛ مع السلامه حبيبي

(نزلت ورحت لقسمي بعد 20دقيقه للمحاظره رحت للكافتريا كعدت اتشمس سمعت صوت يمي [ممكن اتفظل] رفعت راسي شفتها سمر ابتسمت الها)