تراتيل الذئب

Part 33

بسم الله الرحمن الرحيم

آللهم صل على محمد وآل محمد

#تراتيل_الذئب
#بقلمي_رَيـحانَه_الُمٌوَسِوَي

________________

سـُكراتي لا تنسون التصويت ومتابعة الحساب وعلقوا بين الفقرات

________________

~

"لقد كانت مواساتي لنفسي دائمًا
‏أن الله ما أحدث لي أمرًا إلا لخير
‏وما أشقاني إلا ليرضيني
‏وما أبكاني إلا لِأتلذذ بطعم الفرح
‏وما حرمني إلا ليعوضني
‏وما أخذ مني إلا ليعطيني
‏وما جعلني أقطع طريقًا طويلاً ومظلمًا
‏إلا ليعلمني أن الشمس تغيب
‏وأنه من الضروري أن أحمل نورًا في قلبي"!

🍂✨
~

___________

{سمر}

( أكبر نعمه ممكن رب العالمين يوهبها للإنسان هي الأمان وراحة البال الحمدلله دائماً وعلى كل حال،، من بعد تعب وقلق ل ايام وليالي الحمدلله ارتاحينه بمكانه الجديد،، المنطقه حلوه وامينه وباقي الناس الي ساكنين ويانه بالعماره خلوقين وهادئين وداخل الشقه كامل ومريح مو متعب،، وارتاحيت أكثر بعد جلسة المحكمه من تأكدت تعاقبوا وماراح يضيع حقي)

( الفضل كُله ل الله ومن بعده لذياب الي ماتركنه، وبعد المحكمه جابلي توكيل بأسم محمد وكالي هو راح يكمل باقي الإجراءات،، اني رحبت بالفكره لان ماعندي خبره بموضوع المحاكم والمعاملات،، وأكثر شي مريحني هي امي ارتاحت على الكرسي الكهربائي وبعد أيديها متأذيها،، الحمد لله كمل تصليح المصعد الكهربائي للعماره يعني بعد إذا نحتاج نطلع نكدر بسهوله نطلع ومانبقى محتارين بالكرسي مالت امي)

(خابرت ليلى وبلغتها العمال غالقين العماره وسمعتها تكول لذياب وين أروح هسه وهو يكوللها إذا متشيلج الكاع اضمج بقلبي ابتسمت الله يديمهم لبعض ويجمعهم تحت سقف واحد،، سديت الخط لأن الظاهر ليلى نستني)

( للساعه ب3 تقريبا رحت باوعت شفت العمال مخلصين شغل وفاتحين العماره،، رجعت اتصلت ب ليلى حتى اكوللها ترجع بقيت اتصل ومترد اتصلت على مروه هم متجاوب بقيت كل شويه اتصل وماكو رد ظل بالي يمهم ب6 امي كلتلي لبسي وروحي دكي الباب عليهم،، دكيت الباب وماكو ورجعت وره ساعه هم دكيته وماكو،، وره شويه اتصلت عليه مروه وحجتلي شنو صاير ويه ليلى قلبي وجعني عليها سولفت ل امي على وضعها انقهرت عليها كالت متستاهل،، اتصلت على جهاز ليلى )

سمر؛ هلو ليلو شلونج حبيبي الحمد لله على السلامه

نسرين؛ هلا حبيبتي اني ام ليلى

سمر؛ هاا العفو خاله طمنيني على ليلى شلون صارت

نسرين؛ الحمدلله هسه احسن وضعها مستقر