تراتيل الذئب

Part 40

بسم الله الرحمن الرحيم

آللهم صل على محمد وآل محمد

#بقلمي_رَيـحانَه_الُمٌوَسِوَي

_______________

سـُكراتي لا تنسون التصويت وتعلقون بين الفقرات حتى استمر بالنشر وشكراً للبنوتاات الي يتفاعلون بإستمرار 🥰🫶🏻

_______________

‏لا تحزن إن أغلق الله لك بابًا تريده، ستمر الأيام و ستعلم أنه نجاك من بلاء لم تكن تستطيع تحمله، اطمئن لتدبير الله وحكمته واعلم أن الخيرة في اختياره 🖤."

_____________

(محمد)

( ركضنا إني وذياب على حمزه وهو متحول بركان عصبيه ومايشوف بعيونه ولو بيده يذبح علي ويشرب من دمه سحبته من علي رجع راد يضربه حاولت الزمه بس عبث فك نفسه من أيدي ورجع على علي وگف بينهم ذياب وحمزه بعده على عصبيته،، ضربه ذياب بوكس اندار علي مصدوم)

حمزه؛ ذيب تمد إيدك عليه علمود هذا

ذياب؛ موو علمووود أحد حمزززه اصحه على نفسك

( حمزه خزر علي وگاله نتواجه عبرنا حمزه يريد يطلع صار بوجها عمي أبو ذياب باوع علينا كلنا من صارت نضراته على علي فتح عيونه بصدمه)

ابو ذياب؛ الكل گدامي للمضيف

حمزه؛ من رخصتك عمي إني راجع للبيت

ابو ذياب ؛ گللللت الكل

( اندار وراح رحنا ورا اني وحمزه وذياب وعلي وأصدقائنا،، باوعت ل علي وجها مليان دم جفنه مشگوگ،، دخلنا الديوان جانوا گاعدين عمي ابو ذياب وعمي ابو مصطفى وابو حمزه واخو سلطان انداروا علينا مستغربين منضرنا عمي ابو ذياب اشرلنا نگعد،، علي سحب كلينس ينشف بوجها)

ابو ذياب؛ احجولي شنو صار

ذياب؛ ماكو شي يابه مشكله بسيطه بين حمزه وعلي

ابو ذياب؛ حمزه وعلي؟ وهمه وين لحگوا يتعارفون وتصير بينهم مشكله

علي؛ عمي بالنسبه الي مااعرفه وماعندي شي ويا بس هو اجه يزاگط ماأعرف شبي

( على أثر كلامه طفروا سلطان وحمزه يحجون بتهديد)

سلطان؛ احترررم نفسك للللك لا ابلعك لسانك

حمزه؛ حلگك اشـُكه وحگ داحِي الباب حتى متجرئ تبتسم بعد

ابو ذياب؛ أنتم متحترمون أحد متگولون اكو ناس كبار گاعده

ابو حمزه؛ منو الغلطان بيكم

علي؛ إني ماندگيت بي واكف احجي ويا أختي وهو ماأعرف شبي اجه يشمر كلام

حمزه؛ هههههههه ماااشاء الله عليك رجال

ذياب؛ حمزه شبييييك