تراتيل الذئب

Part 58

بسم الله الرحمن الرحيم

آللهم صل على محمد وآل محمد

#رَيـحانَه_الُمٌوَسِوَي

______________

سـُكراتي لا تنسون التصويت ومتابعة الحساب وعلقوا بين الفقرات

______________

‏أما بعد بمرور الوقت أدركت أني خسرت طاقتي وصحة قلبي بلا ثمن، أعطيت المواقف والأشخاص أكثر مما ينبغي والآن فهمت، لا شيء يستحق.

______________

{محمد}

( احسب الايام يوم يوم منتظر زواجنا على أحر من الجمر ومابقى غير اسبوع البيت جاهز وأني جاهز حتى قاط العرس جاهز اشترينا إني وحمزه قبل عرسه،، صار يوم العرس وانجمعنا بالقاعه والأجواء حلوه وحمزه فرحته مو سايعته حضروا كل اقربائهم واقرباء بيت عمي جواد وأصدقائنا)

(بوقت الحفله والحنه ذيب موجود ويانا واحتفل ب حمزه ك صديقه واخو وقريب تنتهي حفلة الحنه راح ويه ابو وعمامه واولادهم يم قاعة النسوان،، ابو علي وولده هم جانوا أول الحاضرين وباركوا ل حمزه وشاركونا الحفله،، قبل مايروح ذيب صاحلي يحجي وياي)

ذياب؛ حماده إني راح أروح ماترهم بعد أبقى بالحفله

محمد؛ أي صح والله إني جنت حاب أروح وياكم لأن مريم هم أختي بس شفت حمزه أصر ابقى وياهم

ذياب؛ لا خليك ويه حمزه إني رايح وأبوي وعمامي هم موجودين بس أوصيك على شغله انتبه لتصير مشكله

محمد؛ شنو من مشكله؟

ذياب؛ خلي عينك على حمزه وعلي انتبهت من بداية الحفله وحمزه عينه على علي

محمد؛ مااعتقد حمزه يسوي مشكله بعرسه بس ماشي روح وانت مطمأن

( راح ذيب وگعدت يم علي بحجة اكل انتبهت حمزه يباوعله وره شويه تقرب يمنه وهو يتنفس سريع من الرگص)

حمزه؛ هااا شوو گاعدين

محمد؛ تعبت وجوعان أكمل اكل واگوم

حمزه؛ ماقصرت حماده ان شاء الله اردلكياها بزواجك

( ضحكنا إني وعلي وانتبهت ل علي يتجنب يحجي ويه حمزه،، بقى حمزه واگف يمنه شويه بس حسيته عنده حجي يباوعلي ويرجع يصد على علي ويسكت رفع قطعة كيك أكلها ويطگ اصبعتين،، فجأه ضحك بصوت عالي انتبهت لنضراته يباوع ل أمير الي تقرب وهو يهز كتف وصل يمنه وحمزه قدم ايده صافحه)

حمزه؛ حبيبي أموري كفيت ووفيت ان شاء الله يوم زواجك وارگصلك رگص بعرس أبوي ماراگصه

أمير؛ هههههه ان شاء الله

( شرب مي وراح وحمزه باوع على علي وگاله تعال گام علي راح ويا رحت وراهم وگفنا ب باب القاعه وحمزه طلع جگاره يدخن وواضح علي التوتر بقيت ساكت انتضرت اسمع شنو يريد)