اول ذنب ينعشك

البارت 7

أول ذَنب يِنعَشگ
الكاتبه فبراير
حساب الانستا@to_et23

_____________________________

فاگدينَك
مرة أذكر بيك نحچَي
ومَن وصلنة الحَرف أسمَك
هب حَنينك ، أنتَ وينك ؟
لا قَريب ونعتنيلك
لا تجي ونلمحها عِينك أنتَ
وينك

**************************
هيبة - امشي واني دمي يفور واسب بيه واغلط ليش هيج سوت ونوب انه الارعن ليش رجعت ليش سمعته وصلت البيت شفت الباب مفتوح مشيت اسمع صوت بجي بس همس تلفتت يمنا ويسرا ماكو احد دخلت للطرما امشي على كيف واسمع صوت مو غريب عليه...

_والله اذبحجن ههه تعاي يحلوا اشوفنج اخخ الله غير تشكين شك
سحبت بوري ماي قديم مرتكي ورا الكيزر.. دخلت ضربته بكل حيلي من ورا رگبته شلته وشمرته بالكاع دگ ضرب موته شكد جانت بيه حرگه طلعته بي شفته اغمى علي كمت اصيح لزمت اديه ورا ضهره جتفته واصيح كووومي جيبي حبلل كاعده وترجف واديه على وجهه وتشهك

هيبة _لججج كووومي

اميره -كمت وانه امشي عبالك سكرانه اسحل بنفسي سحل خايفه ميييته بدمي ماشوف شي كدامي افتر افتر وارجع احوس نسيت شنو الاريده صاح ويينج متيي
اباوع شالي بالكاع أخذته ونطيته اله.. باوع لايدي شكد ورجع باوع لي شنو هاذ

اميره - احجي واني ارجف وعيوني مليانه دموع هذا ح.. شال... شال اربطه لا تخلي يروح منك لا ينهد

هيبة-اي مو هو طلي ماخلي يروح مني ينهد

اميره_دشبيك صافن أخذه ضل يباوع بأيدي
باوعت ويا غمييييت نفسي بدي الگاع تنشگ وتبلعني جايبه له من ملابسي الداخليه يشبه شالي
يا ياااابه شعيييب طاحظج امداااااج ثوله الخايسه رجعت اركض جبت شيلة امي أخذه جتف اديه ويحجي مبتسم..

هيبة_جبنالك سيت نوم بس ضاهر ماعجبك على غير مره عود اعذرنا هسه نلفك بشيلة الحجيه شداها حييل وكمل يحجي وهسه تمام افرغلك نفسي اليوم اسهر عليك باوعت وراي كسر گلبي الموقف

اميره _ ابوس بالحجيه وابجي والله مابيه شي باوعي هذا الحقير جتفه هاذ الولد ربط اديه يمكن هو دازه علينا هسه اجتفه ويا..

هيبة _ من الخوف كامت تمسلت بحجيه صحت اهم شي مو بسيت نوم

اميره_ خزرته وصديت كعد كدامه انتضره يصحى اباوع من وخر الشماغ من وجهه ضل صافن بي ويكتب بتلفون ع سريعع ويرجع يباوع له كمت نطيته ماي ورجعت لأمي بس تون شديت راسه وغطيته وهي بس تباوع ودموعه تنزل أشرت على شعري انتبهت انه بدون حجاب ولابسه تراك خرب بروحج نعل عليج جا اكول الرجال
نطاني ضهره وكعد غميت نفسي كمت بدلت ولبست شال كعدت يم امي امسد راسه عم السكوت رغم رجفة الخوف بعده بيه بس مدري ليش حسيت احنا بأمان دام هذا موجود مر هواي وقت واحنا ساكتين