اول ذنب ينعشك

البارت 27

وقل الحمد لله

_____________________________

أول ذَنب يِنعَشگ

بقلم الكاتبه فبراير

حساب الانستا @to_et23

__________________________

انا العايش حياتي مثل الجنود الموت الهم والفضل للقادة

عناد _ كاعد انتظر ابوي يجي ماضل عليه وقت بس باجر
واليوم اروح اشيل الاجباس واچيك رجلي

مهيب_ اذا رجلك بعده ما تخطي الباب وتروح

اسيل _ لا يمه اسم الله
كل يوم يشرب حليب وبيض هسه جبرت

عناد _ وغلات درع لا تحجي هيج كدام ابوي هذا اجا

فارس _ السلام عليكم

عناد _ ردينا السلام اباوع سيف مطنكر حته. ما يصد علينا
مهيب _ شبيها جده بدريه زعلانه

عناد _ هههه محد مغديها

سيف _ اسكتوا عني ترا روحي بخشمي

اسيل _ يمه شبيكم عليه عبنه احسن منكم

مهيب _ غمزت لعناد حته يفتح موضوع ما دام ابوي هادئ

عناد _ يابه عندك مجال اريدك موضوع

فارس _ خير ان شاء الله احجي

عناد _ حجيت له عن الوظيفه ماقابل

مهيب _ يابه تره خوش شغله وهم يكون روحه مايضل مكابلنا وكاعد

فارس _ ماكو روحه يضل هنا يلزم المحل ويه هذا المطي سيف محد منكم يطلع عن عيني تلكون شغل بالعماره خير على خير غيرها ماكو

عناد _ ليش يابه تره مو اول واحد يعوف ديرته ويداوم بغير مكان

فارس _ حته تجيني مثل اخيك مايعترف بأحد يكسر كلمتي وشوري يگوم كلشي يسوي
وبالسنه نشوفه مره ياحيف على الزلم والله تمشي وره النسوان

مهيب _ يابه انت تقيس عناد على علي وتعرف كلش زين عناد من شنو

سيف _ جا دورلي شغله وياك اضل بوحدي هنا

فارس _ انجب ارعن ماريد اسمع صوتك

مهيب _ نضحك خنك على سيف يخزر بينا

فارس _ وهاي شغلتك خاف بيها حرام لو ربا

عناد _ لا يابه تأكدت منها مصرف إسلامي

مهيب _ يابه اذا تريد اسأل عنه وتأكد بنفسك

فارس _ اشهدوا على كلامي ان جاني عناد يحجي بفهاوه لو لابس لي هذا لزك ومحلق لي طبر يحرم عليا اكطع العگال عليه ولا انت ابني ولا اعرفك