اول ذنب ينعشك

البارت 38

- ‏"بَالِغ في حُسنِ ظنِّكَ بِاللَّه، فإنّ جَزاءَ حُسنِ الظّنِ أن تَنالَ مَا ظَنَنْت."

أول ذَنب يِنعَشگ

بقلم الكاتبه فبراير

عناد _ رحنا نركض له لكينا يلعب ويه جهاله

سجاد _ من نعلعله روحك فززتنا عبالي ليث بي شي

عمر_ وحگ الكفل زينب لو ما جهالك الا اطيح حضك سرسري

عناد _ مخلي ليث وغيث على بطنه يلعبون ويصيح

حسن _ ههههه يلا بوجهكم اتريكوا وطلعوا يوميه اكعدكم هيج حته ما تشلعون كلبي
شبيكم صافنين

سجاد _ تف عليك يا ارعن شوكت ازوج واخلص منك

عناد _ توضيت ورحت اصلي راحوا الولد يحضرون

عمر _ سجاد طلع الخبز وجيب بيض

سجاد _ عمر احسك ضرتي مرات رغم مو مزوج من شوفني كاعد تصير تتطلب

عمر _ اكعد لا تولي بس سد لي حلگك

عناد _ هذا جبتهن وخر اني اطگ البيض

حسن _ عناد اسلگ لي بيضتين للجهال

سجاد _ شنو نشتغل جواك ادب سز ورانه شغل ماتجي سوي ريوك الجهالك

حسن _ مو حاجي وياك يالمنغولي

عناد _ كملنا الريوك عركه وصياح
طلعنا بسيارة عمر للمصرف

اميره _ من بعد الي صار ما اجاني نوم كمت شغلة الضو انتبهت على علاكه هدايه بصف الباب عليها ورقه مكتوب بيها
الى الاميره النائمه هذه جهاز ويا خط الج وكم شغله عجبتني جبتهن  الجهاز كملته خليت بي بس رقمي
فتحتها 3 كفرات الله حلوات شكد جايب قراصات الوان ومن هاي النازكه ذكرة معاملتي وياه غميت روحي خليتهن على جنب وطلعت البيت هدوء شنو ماكو احد

هيبة _ اني موجود وراج نايم بصاله

اميره _يمه ماشفتك شوكت رجعت

هيبة_ وصلتهم ورجعت اكمل نومتي تعالي اكعدي يمي

اميره _ خل اغسل و الم شعري واجي

هيبة _ بس غسلي وتعالي جيبي مشط وياج

اميره _ غسلت نشفت وجهي ورحت طلعت قراصه وأخذت مشط ورحت شكد احب احد يمشط لي هيج انعس باوعت له راجع نايم جذاب ليش كلي تعالي
خل اخبث ويا أخذا طرف شعري اسوي على وجه انتحس واني ميته ضحك رجعت خليته على خشمه بحركه سريعه جرني وكعت بحضنه

هيبة _ها هسه منو جاي يتحرش مو انتي ليش تخبثين

اميره _ ايي وخر اختنكت ردت اخذ حقي منك لا أكثر

هيبة _ ها تردين حقج اممم ادللي
واني هم اريد حقي نكمل حقوق بعض

اميره _ لحظة إدراك انو فهمني  غلط شنو تره اقصد من تتحرش وتكعدني من النوم