اول ذنب ينعشك

البارت 63

‏﴿هُوَ الرَّحْمَٰنُ آمَنَّا بِهِ وَعَلَيْه ‎تَوَكَّلْنَا﴾

اول ذنب ينعشك
بقلم الكاتبه نجد الدليم
مشاركة القصة والتصويت والتعليق لطفاً احبكم
حساب الانستا@to_et23

**************

والليَاليّ المَا نِمتهن
جانَن أطول مِن گذلتك
ياحَبيبي الغَربة لَو سيف ٱعلىٰ نَحري
هَم اكابر والتِفتلك

أميره _ رغم زينب حيل ذلتنا وحاولت تاذي ريحانه بس انقهرت عليها خربت بيتها بيدها شلون تجذب مثل هيج شي نوب حابه اخو خطيبها واكبر منه يعتبر غاشتهم لو بس اعرف هاي الناس ما عدها ضمير وتسوي هيج لو هذا طبعهم دريد امه كل شوي تروح عليه خاف يحتاج شي هم مره. جبيره وكوه تمشي
وأني يادوب احرك لي رجل خل اكول لريحانه تنزل تسويله شي ياكله

ريحانه _ من اتصلت اني على درج نطيتها رفض نزلت دخلت الغرفه سندت ضهري عالباب اهز بيدي ما شاء الله كلها امدده مال اتصل على علي عذاب يجي يشيلكم خوش بيكم لقاء

اميره _ اغمز الها اريد بس تسكت عيب من ام دريد ماكو اشتغلت جيب الي يطفيها

ام عزام _ بدل ما واكفه يمي تسفطين حجي امشي شوفي رجلج خاف يريد شي يمج معلاك سويله منه تكه اشويها على الطباخ من الصبح ما اكل

ريحانه _ هالمره كلامه جد الجد
طلعت للمطبخ اباوع حته الكاونتر أعلى مني إلا اصعد على شي وينج يا زنيبه عمت عيني عليج جنتي بدون ما جيبين كرسي تنزلين الأغراض طلعت المعلاك تذكرت هي سبب بخطفي رجعت اسب بيها... عمت عينج انتي كون الهايشه رعنه العجوز ميلام من طلكج جانت تدك وتلطم حته يطلكني تالي طلكها يعني هسه اني مرته لو هم تطلكت وياها عفته على السنك ورحت اساله بس خاف مطنكر ويصيح عليه غير ادوس بطنه

دريد _ حركت اعصابي انتظر همام يرجع لي خبر عن قاسم
كل شوي اشوف تلفون انفتح الباب مدت بس راسها تباوع لي
تعالي

ريحانه _ اذا مطنكر حته ارجع

دريد _ لاااا تعالي

ريحانه _ اي واضح من جريت الكلمه

دريد _ مسحت وجهي بنفاذ صبر
فوتي نطيني مي

ريحانه _ اخذت الدولكه من المجر صبيت له بالكوب ونطيته اله لزم أيدي اخذ الكوب رجعه مكانه

دريد _ ليش من اول مره اكلج تعالي. تعانديني

ريحانه _ بكيفي عاجبني عندك مانع